Tímarit Hjúkrunarfélags Íslands - 01.05.1976, Blaðsíða 23
Heíldarskipulag sjúkrahúsmála
Páll SigurSsson ráðuneytisstjóri
Erindi flutt á ráðstefnu félags forstöðu-
manna á sjúkrahúsum í samvinnu við
landssamband sjúkrahúsa, föstudaginn
5. des. 1975.
Saga íslenskra sjúkrahúsa hefur enn ekki verið rituð
en væntanlega fer að líða að því að það þyki tímabært
og er það að vonum að menn láta ekki jafn mikilvægan
þátt í þjóðfélaginu gleymast og grafast.
Það verður þó að minna á að drög að slíkri sögu eða
annóli sjúkrahúsa er til í Læknum á Islandi eftir Vil-
mund Jónsson og þar er augljóst, að nú þegar spannar
þessi saga rétt rúmlega 100 ár.
Elsta sjúkrahús sem starfað hefur samfellt á landinu
er sjúkrahúsið á Akureyri, en í Reykjavík er það Landa-
kotsspítalinn sem lengst hefur starfað, rúmlega 70 ár.
Nú á næstu dögum verður Landspítalinn 45 ára, en
Borgarspítalinn er ung stofnun svo sem kunnugt er.
Heilbrigðismálin eru mjög oft í sviðsljósinu og kann-
ski nú sérstaklega á þessum síðustu tímum vegna vax-
andi kostnaðar við heilbrigðismál. í heilbrigðiskerfinu
eru sjúkrahúsin gífurlega stór þáttur og mjög vaxandi,
og þess vegna hafa umræður víða bæði hér og meðal
annarra þjóða beinst mjög að sjúkrahúsmálum, hvern-
ig þau mætti best skipuleggja, hvernig best mætti nýta
til þeirra fjármagn og á hvaða þáttum rekstrar þeirra
mætti spara.
Ef við lítum á heilbrigðismálin á Islandi er það Ijóst,
að það hefur orðið veruleg þensla í heilbrigðismálum
á síðasta einum og hálfum áratug, verulega meira fjár-
magni en áður hefur verið varið til þessa málaflokks,
og það er kostnaður við sjúkrahús sem hefur einkum
vaxið.
Ef litið er á fjárlög næsta árs þá er líklegt að heildar-
kostnaður við heilbrigðismál verði nálægt 11 milljörð-
um, en kostnaður við sjúkrahúsin ein verði rúmlega 8
milljarðar, svo það er líklegt að kostnaður við sjúkra-
húsin verði um 70% af heildarkostnaði við heilbrigðis-
þjónustu á næsta ári.
Þetta eru tölur sem miða við óbreyttan kostnað á
næsta ári miðað við kostnað í október og eiga senni-
lega eftir að hækka. I þessum áætlunum er ekki gert
ráð fyrir neinni aukningu í kerfinu og það má minna á
það, að síðustu 2 árin hefur verið hægt á eins og hægt
hefur verið og kostnaður við heilbrigðisþjónustu ekki
aukist í hlutfalli við verðbreytingar. Þannig hafa ekki
verið leyfðar nýjar stöður í sjúkrahúsum og í hvívetna
reynt að sporna við útþenslu.
En hvað er það sem felst í raun í þessu sjúkrahús-
kerfi? A það má líta frá ýmsum sjónarmiðum.
TÍMARIT HJÚKRUNARFÉLAGS ÍSLANDS
61