Tímarit Hjúkrunarfélags Íslands - 01.05.1976, Blaðsíða 27
Heilsugæslustöð í Borgarnesi
Laugardaginn 10. janúar s.l. tók formlega til
starfa Heilsugæslustöð í Borgarnesi.
Hús Heilsugæslustöðvarinnar er tvær hæðir og
kjallari undir hluta, gólfflötur alls 1020 fm.
Við stöðina starfa þrír heilsugæslulæknar,
tanlæknir, þrír hjúkrunarfræðingar, Ijósmóðir,
meinatæknir, læknaritari, móttöku- og síma-
stúlka og sjúkrabílstjóri, sem jafnframt er hús-
vörður, en stöðin sér um framkvæmd allra sjúkra-
flutninga í umdæminu.
Stjórn stöðvarinnar skipa: Guðmundur Ingi-
mundarson oddviti, Borgarnesi, formaður, Hauk-
ur Sveinbjarnarson oddviti, Snorrastöðum, Björn
Jónsson, Deildartungu, Valgarð Björnsson lækn-
ir og Erla Ingadóttir hjúkrunarfræðingur.
Til heilsugæsluumdæmis Borgarness teljast
fimmtán hreppar með samtals um 3400 íbúum.
Samningsréttarlög og verkfalls-
réttur
Fundur í Hjúkrunarfélagi íslands 23. mars. s.l.
samþykkti eftirfarandi ályktun:
Undanfarna mánuði hafa farið fram viðræður
milli Bandalags starfsmanna ríkis og bæja og
fulltrúa ríkisstjórnarinnar um samningsréttarmál
opinberra starfsmanna.
Viðræðurnar hafa nú stöðvast vegna þess að
ríkisstjórnin hefur á lokastigi málsins sett óað-
gengileg skilyrði, m. a. um atriði, sem viðræðu-
nefndir beggja aðila töldu að þegar hefði náðst
samkomulag um - og ber að átelja slík vinnu-
brögð.
BSRB hefur lýst því yfir að ekki verði framar
unað úrskurði gerðardóma sem lokastigi í kjara-
deilum og í því skyni dregið fulltrúa sína út úr
Kjaradómi og Kjaranefnd.
Félagar ( Hjúkrunarfélagi íslands lita því svo á
að ekki sé unnt að gera kjarasamninga á grund-
velli samningsréttarlaganna frá 1973.
Fundurinn er sammála um að reynt skuli til
þrautar að ná samkomulagi við ríkisvaldið um
ný samningsréttarlög og verkfallsrétt, svo og nýj-
an kjarasamning.
Takist það ekki, telur fundurinn að opinberir
starfsmenn eigi ekki annarra kosta völ en að
grípa til félagslegra aðgerða til að knýja fram
samninga sem þeir geti við unað.
Hjúkrunarfélag íslands mun fyrir sitt leyti jafn-
an hafa forgöngu um að lífi og heilsu fólks verði
aldrei stefnt í hættu í verkfallsaðgerðum.
Kerfisbundin kennsla í slysavörnum
í desember s.l. sendi Ólafur Ólafsson landlækn-
ir, menntamálaráðuneytinu og heilbrigðis- og
tryggingarmálaráðuneytinu eftirfarandi tillögu
um skipulagða kennslu í slysavörnum og slysa-
hjálp í grunnskólum:
Ýmis félagssamtök, svo sem Rauði Kross ís-
lands, Slysavarnarfélag íslands, skátar og fleiri
hafa með aðstoð hins opinbera, til dæmis Al-
mannavarnarráðs, beitt sér fyrir fræðslunám-
skeiðum um slysavarnir og neyðarhjálp. Þessi
námskeið eru þó yfirleitt haldin fyrir takmark-
aða hópa. Verulegu fjármagni er nú varið til þess
að stuðla að bættri neyðarþjónustu fyrir almenn-
ing.
í skólum landsins er heilsufræði kennd sem
skyldugrein og er það lofsvert framtak. Ljóst er
þó að skipuleg kennsla í hagnýtri neyðarhjálp er
ekki nægilega ýtarleg. Ég legg til að heilbrigðis-
og tryggingamálaráðuneytið í samvinnu við
menntamálaráðuneytið beiti sér fyrir aö hafin
verði kerfisbundin kennsla i slysavörnum og þar
á meðal neyðarhjálp, til dæmis á síðasta náms-
ári skyldunámsins. Reyndar sé ég ekkert því til
fyrirstöðu að kennd verði í skólum ýmis atriði
hagnýtrar læknishjálpar sem skyldunámsgrein.
Það er skoðun lækna, að ein algengasta á-
stæðan fyrir því að dauðsföll hljótast af slysum
sé sú, að hjálpin berist of seint. Ennfremur telja
læknar að fólk með nokkra þekkingu í neyðar-
hjálp geti fengið miklu áorkað ef skjótt er við
brugðið. Ef sjúklingur kemst lifandi á sjúkrahús
eða í læknishendur í tæka tíð má oft forða ótíma-
bærum dauða.
Landlæknir leitaði álits Læknafélags islands,
Hjúkrunarfélags íslands, Samtaka heilbrigðis-
stétta, Slysavarnarfélags íslands, Bandalags ís-
lenskra skáta, Rauða Kross Islands, Brunamála-
stofnunar ríkisins, Sambands íslenskra barna-
skólakennara og Landssambands framhalds-
skólakennara.
Stjórn Hjúkrunarfélags islands hefur lýst sig
hlynnta efni tillögunnar og væntir þess að hjúkr-
unarfræðingar bregðist vel við, verði leitað eftir
aðstoð þeirra til að koma tillögunni í framkvæmd.