Tímarit Hjúkrunarfélags Íslands - 01.05.1976, Blaðsíða 35

Oldrunarstofnanir
Ragnheiður Guðmundsdóttir læknir
Heimsókn í Öldrunardeild,
dagspítala og dagþjónustu-
stofnun í Glasgow.
Erindi flutt á fundi Öldrun-
arfræðafélags í nóvember
1975.
Inngangur
I s.L. mánuði dvaldist ég nokkurn
tíma á Bretlandseyjum og var meg-
intilgangur dvalarinnar að heim-
sækja spítala eða spítaladeildir eink-
um í minni sérgrein.
Það var þó ákveðið áður en ég fór,
að ég heimsækti eininig öldrunar-
deildir og aðrar lækninga- og þjón-
ustustofnanir fyrir aldrað fólk.
Þór Halldórsson yfirlæknir ráð-
lagði mér, að kynna mér slíkar stofn-
anir í Glasgow, þar sem Sir Fergu-
son - Anderson er prófessor í öldr-
unarfræðum (geriatric medicine)
við háskólann í Glasgow, og hafði
Þór skrifað honum þessu viðvíkjandi
og kann ég honum bestu þakkir fyrir.
Sir Ferguson - Anderson er ekki
einasta kunnur í sínu heimalandi fyr-
ir þekkingu sína og lærdóm á öldr-
unarlækningum, heldur er hann einn-
ig víðkunnur á þessu sviði víða um
lönd, og hefur áhrifa hans mjög
gætt við allt skipulag öldrunarlækn-
inga svo sem við að tengja þær sem
nánast við aðra þjónustu í þágu
aldraðra.
Hann er því mj ög eftirsóttur fyrir-
lesari á þessu sviði og fer víða. Hann
kom m. a. hingað lil lands fyrir
nokkrum árum í boði Læknafélags
Islands og flutti fyrirlestra á vegum
félagsins.
Að tilstuðlan hans og annarra á-
hrifamanna eru öldrunarlækningar
nú viðurkennd sérgrein í Bretlandi
og svo hefur lengi verið. Frá upphafi
hefur það verið eitt af markmiðum
þessa félagsskapar okkar að fá öldr-
unarlækningar viðurkenndar sem
sérgrein hér á landi.
Stofnanir i þágu aldraðra
Dagana 14. og 15. okt. s.l. dvaldi
ég í Glasgow og lagði Sir Ferguson-
Anderson á ráðin hvaða stofnanir ég
skyldi helst skoða, en þær voru:
1. Oldrunardeild (department of
Geriatric Medicine) í Stobhill Gene-
ral Hospital. Þessi spítali er kennslu-
spítali háskólans í Glasgow (Univer-
sity of Glasgow).
2. Dagspítali - Victoria Geriatric
Unit (tengdur Victoria Infirmary).
3. Dagþjónustustofnun - David
Cargill Club.
4. Elliheimili.
Til viðbótar átti ég þess kost að
skoða nýtísku heilsuverndarstöð í
Glasgow — Woodside Health Centre,
en þar starfa m. a. um 20 heimilis-
læknar.
I þeim fáu orðum, sem hér fara á
eftir ætla ég að freista þess, að skýra
lítillega frá þeim fyrstnefndu stofn-
unum.
Áður en Sir Ferguson — Anderson
sýndi mér deild sína, skýrði hann í
stórum dráttum frá skipulagi á þjón-
ustu við aldraða í Glasgow-borg.
Hann kvað vaxandi áherslu vera
lagða á það, að fylgst sé sem nánast
með heilsufari allra 70 ára og eldri
með heimsóknarþjónustu frá Öldrun-
ardeildum. Til að auðvelda þetta er
borginni skipt í svæði (4—5), sem
hvert um sig á að sjá um þjónustu
við aldrað fólk á viðkomandi svæði.
Til þess að öldrunardeildir, dag-
spítalar, elliheimili, langlegudeildir
og aðrar þjónustustofnanir komi að
sem fyllstu gagni, þarf öll þessi þj ón-
usta að vera í nánum innbyrðis
tengslum, og einnig að hafa náin
tengsi við aðra þjónustu, svo sem
hina margháttuðu félagslegu þjón-
ustu, sem nú er veitt í vaxandi mæli
TÍMARIT HJÚKRUNARFÉLAGS ÍSLANDS
69