Tímarit Hjúkrunarfélags Íslands - 01.05.1976, Blaðsíða 45
Hugleiðingar að loknum
fundi í Domus Medica
20. janúar 1976.
Hver verður stefna hjúkrunarfræð-
inga í framtíðinni? Verður skipting
stéttarinnar margþætt? Æðri og
lægri hjúkrunarfræðingar? Talað er
um að geta veitt betri hjúkrun með
hæfari hjúkrunarfræðingum. Fer
hæfnin eingöngu eftir árafjölda á
skólabekk?
I hverju felst þá hjúkrunin? Að
heyra af högum sjúklingsins gegnum
hjálparfólk? Sjá varla sjúklinginn,
Sjónarmið
vita jafnvel varla hvað hann heitir,
geta ritað um hann eftir annarra frá-
sögn? Er þetta virkilega stefnan?
Ég hef legið á sjúkrahúsi oftar en
einu sinni og oftar en tvisvar. Besta
hjúkrunin var umhirðan, viðmótið og
tíminn sem fólkið gaf sér fyrir sjúk-
linginn og að sjálfsögðu meðferðin,
sem læknar fyrirskipuðu. Sjúklingi
líður ekki vel að vera eingöngu
númer til tilrauna, hlutur sem liggur
í rúmi með hóp af fólki yfir sér, taut-
andi í hálfum hljóðum, skrifandi
niður fyrirmæli og athugasemdir sem
hann skilur ekkert í.
Að sjálfsögðu felast í hjúkrun
fleiri þættir svo sem rannsóknir og
þekking, en ekki fæ ég betur séð og
heyrt en að hjúkrunarfræðingar séu
að verða hálfgerðir skrifstofumenn,
svo er meðal annars að heyra á þeim
sjálfum, mörgum hverjum. Svo á að
ýta undir þetta með kröfum um, að
hjúkrunarnám fari inn á háskólastig.
Nei, krafan er: Sama undirstöðu-
menntun - sama grunnnám og svo
framhaldsnám eftir vali, m. a. í há-
skóla eða öðrum skólum, er veiti þá
menntun. Pálína Tómasdóttir,
h júkrunarfrœð ingur.
Leiöbeiningar um graftrarsýni
Gröftur er oftast tekinn á pinna
og er best að hafa calcium alginate
eða dacron á pinnanum en ekki bóm-
ull, þar eð hún virðist geta hindrað
sýklavöxt úr sýni. Varast skal, að
láta sýnið þorna og er því best að
láta pinnann í glas með skáagar. Cal-
cium alginate pinnar og glös með
skáagar fást á R.H. sýkladeild. Sótt-
hreinsandi lyf mega ekki komast í
þessi sýni, þar eð mjög lítið magn af
þeim stöðvar vöxt bakteríanna eða
drepur þær. Best er, að sýnið berist
sem fyrst til skoðunar og ræktunar,
er sé ekki geymt í hitaskáp, áður en
það er sent. Sé um að ræða gröft,
sem gæti verið með anaerob bakter-
íum í, verður helst að taka sýnið
með holnál í sprautu án þess að loft
komist að, annars er hætta á, að þær
bakteríur drepist, áður en hægt er að
sá þeim við anaerob skilyrði.
Úr greftri frá kýli, er líklegast að
ræktist staph. aureus, frá sári á húð
staph. aureus og/eða staph. albus
eða streptococci af ýmsu tagi, og ef
sárið hefur staðið lengi, gramnei-
kvæðar bakteríur og sveppir. I
greftri frá innri líffærum geta verið
enterobakteria, neisseria, sveppir og
anaerob bakteríur (s. s. anaerob
streptococci, bacterioides, clostridia)
auk framantaldra. Einkum er líklegt,
að anaerob bakteríur séu með í
greftri frá kviðarholslíffærum og
sýkingum í legi og legpípum. Einnig
hafast slíkar bakteríur við í munn-
holi( t. d. actinomyces, bacterioides)
og geta því verið með í greftri frá
t. d. tannkýli, auk annarra baktería.
Diphteroides (gramjákvæðir stafir)
vaxa stundum úr graftrarsýnum og
eru venjulega taldar vera meinlaus
mengun af húð.
Úrvinnsla úr graftrarsýni fer þann-
in fram, að gert er strok á gler úr
sýninu, gramlitað og smásjárskoðað.
Hafi sýnið ofþornað áður en það
kom til rannsóknar, er undir hælinn
lagt hvort smásj árskoðun og ræktun
ber árangur. Sýninu er síðan sáð á
ýmis æti eftir því hvaðan það er tek-
ið og loks er pinnanum stungið í
fljótandi æti og allt látið í hitaskáp.
Gert er næmispróf á flestum bakteríu-
tegundum, sem ræktast úr þessum
sýnum, nema talið sé um meinlausa
mengun að ræða s. s. staph. albus eða
b. subtilis. Ef margar bakteríuteg-
undir vaxa úr sýninu, er ekki alltaf
hægt að ná þeim öllum hreinum til
næmisprófs, jafnvel þó að reynt sé í
nokkra daga t. d. ef proteus er í sýni.
Flestir sveppir eru lengi að vaxa og
því ekki að vænta lokasvars við
svepparæktun fyrr en eftir ca. 10
daga. Anaerob bakteríur eru líka
flestar seinvaxnar.
TÍMARIT HJÚKRUNARFÉLAGS ÍSLANDS
79