Tímarit Hjúkrunarfélags Íslands - 01.05.1976, Blaðsíða 47
Fulltrúí ICN heímsækir Island
Fyrsta opinbera heimsókn fulltrúa
Alþjóðasamtaka hjúkrunarfræðinga
til Hjúkrunarfélags Islands, átti sér
stað 22. mars s.l. Stjórn ICN ákvað
á þinginu í Mexico að allir stjórnar-
aðilar aðstoðuðu við að efla tengslin
milli höfuðstöðvanna og aðildarfé-
laganna næstu fjögur árin, þar sem
fámennt starfslið samtakanna ann-
aði ekki slíku. Fyrst og fremst skyldu
þau lönd höfð í huga sem hefðu ekki
áður verið heimsótt.
Ingrid Hámelin frá Finnlandi varð
fyrir valinu, hvað ísland snerti, en
hún var á leið til stj órnarfundar ICN
í Genf. Ingrid er mörgum íslenskum
hjúkrunarfræðingum að góðu kunn
fyrir þátttöku sína í norrænum fund-
um hér heima og erlendis, m. a.
stjórnaði hún háborðsumræðum er
fóru fram í Háskólabíó á SSN þing-
inu 1970, og fjölluðu um „Hvers
væntir þjóðfélagið af heilbrigðis-
þjónustunni“. Var „sjúklingurinn“
miðdepill umræðnanna.
Ingrid Hámelin hefur s.l. 10 ár
verið í fullu starfi hjá Helsingfors-
borg við skipulagningu heilbrigðis-
mála. Þar er skipulagningarstöð sem
heyrir undir borgarstjórn og ber á-
byrgð á heildarskipulagi heilsuvernd-
ar og hjúkrunar, barnavernd og mál-
efnum aldraðra, svo nokkuð sé nefnt.
Frítíma sinn notar Ingrid svo í þágu
ICN og nutum við í þetta skipti góðs
af reynslu hennar.
A fundi með stjórn félagsins og
fulltrúa ICN fór m. a. fram upplýs-
ingamiðlun um starfsemi félaganna.
Menntunarmál almennt voru rædd
Ingrid Hamelin á fundinum í Nýja hjúkr-
unarskólanum. - Ljósm.: I. A.
svo og menntunarmál og staða ís-
lenskra hjúkrunarfræðinga.
Ingrid veitti einnig ýmsar upplýs-
ingar varðandi málefni finnsku
hjúkrunarstéttarinnar. I Finnlandi
þykir nú orðið sjálfsagður hlutur að
hjúkrunarfræðingar séu með í hin-
um mismunandi nefndum og stjórn-
um þar sem teknar eru ákvarðanir
um mál sem varða heilsugæslu og
hjúkrun.
Fyrir nokkrum árum stóðu finnsk-
ir hjúkrunarfræðingarí mikilli kjara-
baráttu sem leiddi til verkfalls er
stóð í nær 2 mánuði. Þar eins og ann-
ars staðar þar sem verkföll hjúkrun-
arfræðinga hafa átt sér stað, var séð
um að lífi og heilsu fólks skyldi ekki
stefnl í hættu.
Ingrid sat einnig fund með skóla-
stjórum, kennurum og nemendum
hjúkrunarskólanna ásamt nemendum
úr námsbrautinni við H.I. Fundurinn
fór fram í Nýja hjúkrunarskólanum.
Þar kynnti hún starfsemi ICN og
svaraði fyrirspurnum.
A fundinum kom m. a. fram, að
menntunarmál hjúkrunarfræðinga
hér á landi hafa að undanförnu verið
mikið rædd og var Ingrid að því
spurð, hvaða leið ætti að fara.
„Ef til væri svar við spurningunni,
væru úr sögunni öll vandamál er
varða menntun hjúkrunarstéttarinn-
ar. Ef ég á að svara sem fulltrúi ICN
þá er stefna samtakanna sú, að fá
hjúkrunarmenntun á sama stig og
annarra samsvarandi samstarfshópa.
Aðalatriðið er þó aðmenntunin þjóni
þörf hvers þjóðfélags fyrir sig - að
hún sé í höndum hjúkrunarfræðinga,
þ. e. stjórnað af hjúkrunarfræðingum
og að hjúkrun sé kennd af hjúkrun-
arkennurum. Hins vegar veit ég um
eitt land sem hefur svo fínt menntun-
arkerfi í hjúkrun, þ. e. á svo háu
stigi, að þeir sem menntast eftir því
verða einungis útflutningsvara, að-
eins 1 hjúkrunarfræðingur sem
menntast hefur eftir kerfinu starfar í
landinu sjálfu. Þetta er satt og er
sláandi dæmi um hjúkrunarmenntun,
sem alls ekki þjónar þörf þjóðfélags-
TÍMARIT HJÚKRUNARFÉLAGS ÍSLANDS
81