Tímarit Hjúkrunarfélags Íslands - 01.08.1976, Blaðsíða 19

14. gr.
Nú lætur sjóðfélagi í lifanda lífi og af öðrum ástæð-
um en elli eða örorku af stöðu þeirri, er veitti honum
aðgang að sjóðnum, og á hann þá rétt á að fá endur-
greidd með vöxtum iðgjöld þau, er hann hefur greitt
í sjóðinn. Stjórn sjóðsins ákveður vextina með lilið-
sjón af ávöxtun sjóðsins. Hafi hann verið sjóðfélagi í
5 ár, er hann lætur af stöðunni, getur hann með sam-
þykki sjóðstjórnarinnar valið um, hvort hann fær ið-
gjöld sín endurgreidd eða hann lætur þau standa inni í
sjóðnum. Velji hann síðari kostinn, fellur niður réttur
hans og skylda til að greiða framvegis iðgjöld til sjóðs-
ins og réttur hans til örorkulífeyris. Ellilífeyrir hans,
sbr. 8. gr., miðast þá við starfstíma hans og laun þau,
er hann hafði, er hann lét af stöðu þeirri, er veitti að-
gang að sjóðnum, en tekur sömu breytingum og lífeyrir
annarra, eftir að taka lífeyris hefst. Hafi hann gegnt
stöðunni skemur en 30 ár, skal barnalífeyrir ákveðinn
þannig, að full upphæð samkvæmt 11. gr. skal marg-
földuð með hlutfallinu á milli þess ellilífeyris, sem
hann hefur öðlast rétt til, og þess ellilífeyris, sem hann
hefði öðlast rétt til, ef hann hefði gegnt starfinu í 30
ór.
Sé staða eða starfi sjóðfélagans lagður niður, á hann
rétt á að vera áfram í sjóðnum og greiða iðgjöld, sem
miðuð séu við laun í þeim launaflokki, er staða hans
var í, er hún var lögð niður. Nýtur hann þá sömu rétt-
inda úr sjóðnum sem hann hefði gegnt starfi sínu
áfram.
Láti sjóðfélagi um stundarsakir af starfi, sem veitir
aðgang að sjóðnum, er honum heimilt að greiða ið-
gjöld fyrir þann tíma, er hann var í burtu, enda hafi
hann verið við framhaldsnám eða unnið að hjúkrunar-
störfum, sem ekki veita aðgang að sjóðnum.
15. gr.
Nú flyst sjóðfélagi, er verið hefur í þessum lífeyris-
sjóði, í starf, sem veitir aðgang að öðrum lífeyrissjóði,
sem stofnaður er með lögum, og má þá endurgreiða
með vöxtum öll iðgjöld, sem greidd hafa verið í sjóðinn
hans vegna. Það er skilyrði fyrir þessari endurgreiðslu,
að hún gangi til kaupa á lífeyrisréttindum fyrir við-
komandi sjóðfélaga í þeim sjóði, er hann flyst til. Þó
má aldrei endurgreiða hærri upphæð en þarf til þess að
kaupa réttindi í hinum nýja sjóði, er svari til þess
starfstíma, er sjóðfélaginn hafði öðlast.
Sjóðsstjórninni er heimilt að nota sömu endur-
greiðslureglu, þegar sjóðfélagi flyst í annan sjóð, sem
viðurkenndur er af fjármálaráðuneytinu, eða kaupir
sér lifeyri hjá tryggingarfélagi eða stofnun, sem starfar
eftir reglum, er fjármálaráðuneytið samþykkir, enda
gildi þar sömu reglur um endurkaup og greiðslu lífeyr-
is eins og ákveðnar eru í þessum lögum.
A tilsvarandi hátt er sjóðstjórninni heimilt, að
fengnu samþykki fjármálaráðherra, að veita viðtöku,
vegna sjóðfélaga, er gerist sjóðfélagi í þessum sjóði,
fé því, er kann að vera endurgreitt hans vegna úr
sjóði, tryggingafélagi eða stofnun, sem að framan
greinir, og veita honum réttindi í samræmi við það.
Einnig getur stjórnin, þegar sérstaklega stendur á, og
með samþykki fjármálaráðherra, heimilað réttindakaup
aftur í tímann, þó að ekki sé um að ræða yfirfærslu á
réttindum annars staðar frá. Það skal meðal annars sett
sem skilyrði fyrir slíkum réttindakaupum, að mælt sé
með þeim af forstöðumanni þeirrar stofnunar, er sjóð-
félaginn vinnur hjá, að gengið sé frá réttindakaupunum
innan árs, frá því hann var ráðinn, og að hann sé
eldri en 30 ára, þegar hann öðlast aðgang að sjóðnum.
16. gr.
Stjórn sjóðsins skal hið fimmta hvert ár láta trygg-
ingafræðing rannsaka fjárhag sjóðsins. Þyki honum
rannsókn sín leiða í ljós, að fjárhagsgrundvöllur sjóðs-
ins sé ótryggur, skal hann gera lillögur til stjórnar
sjóðsins um aðgerðir til að efla sjóðinn. Sýni rann-
sóknin hins vegar, að fjárhagur sjóðsins sé svo góður,
að iðgjöld mætti lækka, skal hann athuga vandlega,
hversu mikil sú lækkun mætti vera, og gera tillögur
sínar um það til sjóðstjórnarinnar. Sjóðstjórnin má
aldrei lækka iðgjöld meira en tryggingafræðingur hef-
ur lagt til.
17. gr.
Allar hjúkrunarkonur, sem vinna hjúkrunarstörf í
þjónustu ríkis, bæjar- og sveitarfélaga eða annarra
opinberra stofnana eða við heilbrigðisstofnanir, sem
eru viðurkenndar af heilbrigðisstjórninni, skulu vera
skyldutryggðar í sjóði þessum. Heimilt er að taka í
sjóðinn aðrar hjúkrunarkonur, er starfa að hjúkrun,
enda sé viðkomandi eigi ráðinn til skemmri tíma en
eins árs, eða með að minnsta kosti þriggja mánaða upp-
sagnarfresli.
18. gr.
Ríkissjóður og aðrir aðilar, sem tryggja hjúkrunar-
konur í sjóði þessum, ábyrgjast hver fyrir sinn hóp
greiðslur úr honum. Nú reynist einhver aðili, sem tryggt
hefur hjúkrunarkonur í sjóðnum, ekki fær um að standa
TÍMARIT HJÚKRUNARFÉLAGS ÍSLANDS
101