Tímarit Hjúkrunarfélags Íslands - 01.08.1976, Blaðsíða 42

Við störfum þeirra tóku:
Hulda Baldursdóttir formaður,
Valgerður Valgarðsdóttir varaformaður,
Ifildur Gunnarsdóttir gjaldkeri,
Hugrún Engilbertsdóttir meðstjórnandi.
Gjaldkeri gerði grein fyrir reikningum
deildarinnar:
í Félagssjóði er.............. kr. 147.953
í Námssjóði er................— 76.928
í maí síðastliðnum barst deildinni bréf
frá Reykjavíkurdeild, þar sem fram kemur
tillaga frá deildinni um stofnun nántssjóðs.
Þessi tillaga var kynnt og málið lagt fyrir
aðalfund. Mikið var rætt um þessa tillögu,
og voru allar félagskonur andvígar svona
skattlagningu. Alitsgerð sem fundurinn
samþykkti að senda stjórn HFÍ og öllum
svæðisdeildum hljóðaði svo:
Akureyrardeild Hjúkrunarfélags Islands
lýsir sig andvíga fram kominni tillögu
Reykjavíkurdeildar um stofnun námssjóðs,
þar sem hver starfandi hjúkrunarkona
leggi fram 1% af grunnlaunum sínum í
þennan sjóð. Deildin telur tillögu þessa
vanhugsaða og mjög vafasamt hvort heim-
ilt sé að leggja slíkar kvaðir á félagsmenn.
Þess í stað leggur deildin áherslu á, að
hjúkrunarkonur fái aðgang að lánasjóði ís-
lenskra námsmanna, til jafns við aðra ís-
lenska námsmenn í framhaldsnámi. Jafn-
framt verði tryggt, að allir sem lokið hafa
hjúkrunarprófi hérlendis, njóti sömu fyrir-
greiðslu.
Deildin skorar því á stjórn Hjúkrunar-
félags Islands að hún kynni sér reglur
Lánasjóðs íslenskra námsmanna og vinni
að því, að hjúkrunarkonur njóti þar fullra
réttinda.
Reykjavíkurdeildin sendi svo svar í jan-
úar, og var þá búið að snúa tillögunni al-
gerlega við. Og eins og hún hljóðar núna,
teljum við hana tilheyra kjarasamningun-
um.
I desember var lokið könnun í sambandi
við námskeið í hjúkrunarfræðum, með
svipuðu sniði og haldið var í febr.-mars
hér í Reykjavík. Þátttaka var góð og áhugi
mikill. I ljós kom að svona námskeið þarf
að vera kvöldnámskeið, t. d. 2 kvöld í viku
og ekki hægt að láta það standa lengur en
8-10 vikur. Er það von okkar að við getum
komið þessu af stað á næsta starfsári.
Það hefur ekki farið fram hjá okkur hér
fyrir norðan, að mikið hefur verið rætt um
menntunarmál stéttarinnar. Er það von
okkar að Ingibjörg Helgadóttir formaður,
komi norður nú seint í apríl og ræði þessi
mál bjá okkur, og þær hugmyndir sem
fram komu á félagsfundinum í Domus
Medica.
Af fræðsluefni á fundum má nefna: Er-
indi sem Valdís Jónsdóttir talkennari hélt
uin mállömun (aphasía) og svaraði spurn-
ingum um nám sitt og starf. Torfi Guð-
laugsson framkvæmdastjóri FSA talaði um
heilbrigðis- og skipulagsmál sjúkrahúsa.
Einnig sýndi hann líkan af fyrirhugaðri
sjúkrahússbyggingu á Akureyri. Ulfur
Ragnarsson læknir flutti erindi um Jóga.
A jólafundinn kom föndurkennari og sýndi
jólaföndur.
Fjáröflunarleiðir deildarinnar í vetur
hafa ekki verið aðrar en kaffisala á félags-
fundum, kaffinefnd er kosin fyrir livern
fund, og kaffi og kökur seldar á 200 kr.
Virðist okkur þetta vera drjúg tekjulind og
skiptist bróðurlega á allar félagskonur.
Að lokum óska ég ykkur allra heilla og
flyt ykkur bestu kveðjur að norðan.
F. h. Akureyrardeildar HFÍ,
Hulda Baldursdóttir.
Austurlandsdeild HFÍ
Árið 1975 var vægast sagt mjög tíðindalít-
ið, þar sem enginn fundur var haldinn á
árinu, bæði vegna samgönguerfiðleika og
lélegrar þátttöku meðlima deildarinnar.
Það var boðað til fundar á Egilsstöðum 7.
júlí 1975 og mættu til fundarins aðeins
þrír meðlimir frá Eskifirði og tveir frá
Neskaupstað og varð af þeim orsökum að
fella niður fundarhald og sætta sig við
þessa platferð á staðinn, og þar af leið-
andi eru öll mál deildarinnar í ólestri. Höf-
um við þar af leiðandi sáralitlar sem engar
fréttir af síðasta aðalfundi HFÍ, höldnum
í Reykjavík í maí 1975.
Teljum við algjörlega tómt mál að tala
um að starfrækja Austurlandsdeild eins og
n ú er gert.
Rannveig Þ. Sigurðardóttir.
Suðurlandsdeild HFÍ
Aðalfundur deildarinnar var haldinn 30.
10. 1975 í Tryggvaskála ,Selfossi. Fundinn
sóttu 9 félagsmenn. Stjórnarkjör fór ekki
fram þar eð kosið er í stjórn deildarinnar
annað livert ár. Farið var yfir fjárhag
deildarinnar.
Vetrarstarfið var rætt og ákveðið að
halda fundi mánaðarlega, annan hvern
þriðjudag hvers mánaðar. Hefur það stað-
ist utan einu sinni að fresta varð fundi
vegna veðurs. Fundarsókn mætti vera betri.
Ef til vill hefur vetrarríki og umhleypingar
ráðið þar nokkru um, svæðið er víðáttu-
mikið og fyrir suma félagsmenn langt að
sækja fundi.
Hjúkrunarfræðingar búsettir á svæðinu
eru 26, en í deild eru 21. Á árinu hafa
nokkrir flutt af svæðinu, en aðrir komið í
staðinn.
Ymislegt hefur borið á góma á fundum
okkar, má þar nefna mjög fróðlegt erindi
er Kristján Baldvinsson yfirlæknir flutti
um bilirubin-mælingar hjá ungbörnum.
Erlín Oskarsdóttir hjúkrunarfræðingur
kynnti trúnaðarmannakerfið fyrir okkur,
en hún hefur sótt námskeið trúnaðarmanna
sem trúnaðarmaður okkar við sjúkrahúsið
á Selfossi.
Ymiss annar fróðleikur hefur borið á
góma og ekki annað að sjá en kynni okk-
ar og skilningur okkar í milli, aukist þeg-
ar rædd eru sameiginleg áhuga- og vanda-
mál. Má þar nefna menntunarmál stéttar
okkar, sem svo mjög hafa verið til umræðu
í vetur.
Utan þessara eiginlegu funda höfum við
komið saman til upprifjunar á námsefni,
en það þurfum við að auka.
Kveðjur frá Suðurlandsdeild með ósk
um samheldni stéttar okkar í öllum okkar
baráttumálum.
Stjórn Suðurlandsdeildar: Pálína Tómas-
dóttir formaður, Kristín L. Þórarinsdóttir
ritari, Auður Hauksdóttir gjaldkeri. Með-
stjórnendur: Lilja Hannibalsdóttir, Mar-
grét Svane, Aðalheiður Hjartardóttir.
Pálína Tómasdótlir.
Vestmannaeyjadeild HFÍ
Segja má að starfsemi V.H.F.I. hafi í haust
hafist með heimsókn góðra gesta, sem voru
rúmlega 40 fulltrúar af þingi S.S.N., sem
eins og við vitum var haldið í Reykjavík
í september s.l. Til Eyja kom þetta góða
fólk laugardaginn 13. september og voru
veðurguðirnir okkur sannarlega hliðhollir,
því eftir langvarandi rigningar skein sólin
og hægt var að fljúga fram og til baka á
tilsettum tíma, en einmitt það, að komast
hvorki frá Eyjum né til Eyja er vel þekkt,
en ekki að sama skapi skemmtilegt. Þessi
heimsókn S.S.N. fulltrúanna var okkur í
Eyjadeildinni til mikillar ánægju og von-
um við, að gestir okkar hafi einnig haft
ánægju af að koma til okkar, og hefðum
við áhuga og ánægju af að fá fleiri slíkar
heimsóknir. Við þetta tækifæri færði for-
maður H.F.Í. Ingibjörg Helgadóttir Vest-
mannaeyjadeildinn mjög fallega gestabók
frá H.F.I. og vil ég hér flytja bestu þakk-
ir fyrir.
120
TÍMARIT HJÚKRUNARFÉLAGS ÍSLANDS