Tímarit Hjúkrunarfélags Íslands - 01.12.1976, Blaðsíða 8
Ruth-Turid Pettersen, Noregi, flutti jramsöguerindi um málefni aldraðra.
þar sem ákveöin heilbrigðisþjónusta
er veitt. Rætt var hvaða vandamál
fylgja vistun aldraðra á stofnunum
og hvernig umönnun og þjónustu
þarf að veita á stofnunum svo að
aldraðir geti viðhaldið persónuleika
og lífsháttum sem þeim eru eigin-
legir.
Hópur 5. Reikna má með að „dul-
in neyð“ fyrirfinnist meðal aldraðra.
Vissulega kemur fyrir og ekki ó-
sjaldan að einstaklingar deyja um-
hirðulausir án þess að nokkur viti.
Einnig er vitað að margir aldraðir
eru vannærðir, vegna skorts eða
rangrar fæðu, eins er læknishjálp og
dagleg hirðing oft ónóg. Hvers konar
þjónustukerfi getur tryggt það, að
náð verði til þeirra sem hjálpar
þarfnast? Rætt var hvað gera skuli
til að veita öldruðum hjálp sem
þarfnast hjálpar, en vilja ekki þiggja
hana, og hvaða vandamál skapast
þegar viðkomandi er vistaður óvilj-
ugur á stofnun.
Hópur 6. Flestir þarfnast starfs og
viðfangsefna sem skapa lífinu til-
gang. Persónuleiki og sjálfsmat
byggist í ríkum mæli á því sem ein-
staklingurinn afrekar í starfi. Ellilíf-
eyrisþegar falla oft í aðgerðarleysi
og verða daufir og sinnulausir. Sam-
félagið miðar fyrst og fremst við
framleiðslugetu, hæfni og hraða
þegnanna. Hvernig má tryggja öldr-
uðum þátttöku í starfi og daglegum
atburðum í samræmi við heilsu og
getu þeirra? Hópurinn ræddi einnig
hvernig hægt er að opna leiðir fyrir
aldraða til að halda stöðu og starfi
eftir að ellilífseyrisaldurinn færist
yfir.
Yfirlýsing varðandi málefni
aldraðra
Samvinna norrænna hjúkrunarfræð-
inga (SSN) samþykkti eftirfarandi
álitsgerð á fulltrúafundi sínum í
Sanderstölen Höyfjellshotell í Noregi
dagana 21.-24. september 1976, sem
fjalaði um málefni aldraðra.
Samfélagið þarf að skapa hinum
öldruðu skilyrði til þess að þeir geti
tekið þátt í ráðagerðum varðandi
eigin hagsmuni:
— Aldraðir geti nýtt starfsgetu sína,
reynslu og krafta til góðs fyrir
sjálfa sig og samfélagið.
— Efla þarf og leggja meiri áherslu
á áhrif þeirra, svo þeir fái raun-
hæfan ákvörðunarrétt, á sama
hátt og aðrir samfélagsþegnar.
— Bæta þarf fjárhag aldraðra svo
hann samsvari því meðaltali sem
almennt gerist í samfélaginu.
— Leggja þarf meiri áherslu á
skipulagða heilsuvernd aldraðra.
— Leggja þarf áherslu á að öldruð-
um sé gefinn kostur á að dvelja
sem lengst á eigin heimilum.
— Oldruðum sem dveljast á stofn-
unum sé tryggður raunhæfur
meðákvörðunarréttur.
— Stofnunum þarf að tryggja mögu-
leika til endurhæfingar aldraðra
með
a) fjárhagslegum stuðningi,
b) nægu starfsliði,
c) stuðningi til aukinnar vel-
ferðar,
d) möguleika fyrir aldraða til
þess að snúa aftur til heimila
sinna og fá þar áframhald-
andi meðhöndlun.
Fulltrúafundurinn mælir með því
að félög hjúkrunarfræðinga vinni að
því að:
— greina þörf aldraðra fyrir hjúkr-
un og umönnun, þannig að hún
sé tryggð með nægu og hæfu
starfsliði á öllum sviðum,
— leggja fram námsefni og skipu-
leggja jafnt grunnmenntun sem
æðri menntun hjúkrunarfræð-
inga, svo þeir verði hæfari til
starfa í heilbrigðisþjónustu fyrir
aldraða,
— lögð verði meiri áhersla á rann-
sóknir á sviði hjúkrunar og sér-
stök áhersla á þarfir aldraðra.
Samþykk varðandi Al-
þjóðavinnumálastofnunina
Danska hjúkrunarjélagið' kynnti á
fulltrúafundinum tillögur um alþjóð-
lega reglugerð varðandi störf og kjör
hjúkrunarstarfsliðs, sem verið er að
vinna að á vegum Alþjóðavinnumála-
stofnunarinnar.
134
TÍMARIT H-JÚKRUNARFÉLAGS ÍSLANDS