Kvennapósturinn: Fréttabréf Reykjavíkuranga - 01.01.1998, Blaðsíða 3
Reykvíkingar - Reykncsingar
Þriðj udagsfundirnir endurvaktir!
Opnir fundir verða haldnir hvcrn
þriðjudag kl. 17 í Pósthússtræti 7, 3. hæð
Vormánuðir geta orðið örlagaríkir í íslenskum stjórnmálum. I
Reykjavík er að hefjast sérlega hörð barátta um borgina. Við í
Kvennalistanum höíum fullan hug á að tryggja borgarstýrunni okkar
og Reykjavíkurlistanum áframhaldandi völd. í lokjanúar verður
haldið prófkjör Reykjavíkurlistans og við þurfum að virkja allar
okkar liðskonur til þess að ná góðri kosningu fyrir Kvennalistann og
til þess að halda inni tveimur borgarfulltrúum.
Kvennalistakonur í Kópavogi hafa ásamt A- flokkunum og óháðum,
samþykkt að vinna að stofnun félags um sameiginlegan
Kópavogslista í vor. Á Seltjarnarnesi verður væntanlega eins og áður
sameiginlegt framboð allra annarra en Sjálfstæðisflokksins. I
Garðbæ hefur Kvennalistanum verið boðið að taka þátt í
sameiginlegu framboði með A- flokkunum en það er óráðið hvað
verður. Fréttir úr öðrum sveitafélögum í kjördæminu eru óljósari.
Þar að auki stöndum við í viðræðum við hina stjórnarandstöðu-
flokkana vegna alþingiskosninga 1999 og því stórar ákvarðanir
framundan. Til þess að tryggja heildarsýn og að upplýsingaflæði
verði gott á milli grasrótar, frambjóðenda og kvenna í hinum ýmsu
nefndum og ráðum, liafa framkvæmdanefndir Reykjavíkur og
Reykjaness ákveðið að endurvekja þriðjudagsfundina vinsælu sem
við héldum í sumar og haust.
Opnir fundir verða haldnir hvern þriðjudag kl. 17 á þriðju hæð í
Reykjavíkurapótekshúsinu í Pósthússtrætinu. Við ætlum að hafa það
skemmtilegt og skapa vettvang fyrir þau mál sem verða efst á baugi
hverju sinni. Fundarcfni vcrður auglýst í hádcgisútvarpinu á
þriðjudögum.
Framkvæmdanefndir Reykjavíkur og Reykjaness skora á konur að
hnippa í "volgar" vinkonur og láta sig ekki vanta í slaginn.