Kvennapósturinn: Fréttabréf Reykjavíkuranga - 01.02.1998, Blaðsíða 3

KVENNAPÓLITÍSKT ALÞJÓÐASAMSTARF
ERUM VIÐ STIKKFRÍ
Laugardaginn 14. mars kl. 14-17 á Sólon íslandus efri hæð.
í tilefni af alþjóðlegum baráttudegi kvenna þann 8. mars og vegna 15
ára afmælis Kvennalistans verður efnt til hálfs dags málþings um
kvennapólitískt alþjóðastarf. Afganski rithöíundurinn Maryam
Azimi og Elisabeth Eie sem er forstjóri FOKUS i Noregi verða frum-
mælendur, auk innspils frá Kvennalistanum.
Maryam Azimi fór huldu höfði í Noregi árin 1994-1997. Hún var á
meðal fleiri hundruð flóttamanna sem leituðu skjóls í kirkjum
landsins vegna strangrar flóttamannstefnu norskra stjórnvalda.
Norsku rithöfundasamtökin, kvennahreyfmgin ásamt miklum fjölda
annarra samtaka settu mál hennar á oddinn og við stjórnarskiptin í
Noregi í fyrra var henni loks veitt hæli af mannúðarástæðum.
Maryam Azimi er auk þess að vera rithöfúndur, virk
kvenfrelsiskona og stofnaði samtökin Konur gegn fundamentalisma.
Hún mun segja okkur frá lífí kvenna í Afganistan og frá starfí
samtakanna.
Elisabeth Eie er forstjóri FOKUS i Noregi en það er vettvangur fyrir
konur og þróunarmál. Hún hefur átt stjóran þátt í að gera FOKUS að
einum frjóustu og kraftmestu kvennasamtökum í Noregi. Um er að
ræða regnhlífarsamtök allra norskra kvennasamtaka sem vinna að
alþjóðamálum á einhvern hátt. Tilvist FOKUS og krafturinn í
Elisabethu hafa orðið til þess að alþjóðastarf norskra kvennasamtaka
hefur víða vakið athygli. Víst er að við getum mikið lært af henni.
Að lokum er meiningin að ræða hver eigi að vera hlutur íslenskra
kvenna í alþjóðlegu kvennastarfí. Ráðstefnan fer fram
á ensku/skandinavísku/íslensku.