Hjúkrun: tímarit Hjúkrunarfélags Íslands - 01.06.1978, Blaðsíða 15
MINNING
Svana Gunnarsdóttir
Fœdd 4. ágúst 1911
Dáin 29. janúar 1978
Svana Gunnarsdóttir hjúkrunarkona
var fædd i Reykjavík 4. ágúst 1911.
Foreldrar hennar voru hjónin Gunn-
ar kaupmaður Gunnarsson og Isa-
fold Jónsdóttir.
Svana lauk námi frá HSl í maí
1937, og framhaldsnámi í geðveikra-
hj úkrun við Kleppsspítala í október
sama ár. Stundaði síðan hjúkrunar-
störf við það sjúkrahús til ársloka
1940, að undanskildu 10 mánaða
starfi við Sct. Hans Hospital, Hróars-
keldu í Danmörku. I maí 1941 fer
hún til Vífilsstaða og þar varð henn-
ar starfsvettvangur meðan heilsa og
Fraftar leyfðu, fyrst sem næturvakt-
ar- og síðar deildarhjúkrunarkona.
Við unnum sín á hvorri deild á
Vifilsstöðum, en á milli okkar var
avallt gott samstarf, veittum hvor
annarri aðstoð eftir þörfum. Svana
var glöð í góðra vina hópi, en ef til
VH1 ekki allra vinur, engin já-mann-
eskja, skoðana- eða skapleysingi,
heldur einörð og ákveðin í fram-
komu. I störfum sínum var hún ná-
kvæm og snyrtileg, og hlúði vel að
sínum sjúklingum.
Síðustu starfsárin á Vífilsstöðum
gekk hún ekki heil til skógar og eftir
að hafa gengist undir uppskurð árið
1969 komst hún ekki aftur til vinnu,
en þurfti oft að dveljast á sjúkrahús-
um eða heilsuhælum sér til hressing-
ar.
Alla ævi las hún mikið, einkum
þjóðlegan fróðleik, ævisögur og ætt-
fræði, og var vel fróð í þeim efnum.
Eftir að hún hætti störfum hringdi
hún stundum til mín, til þess að segja
mér frá bók eða grein, sem hún hafði
lesið og bjóst við að ég hefði gaman
af.
Tvo syni eignaðist Svana, Gunnar
fæddan 1945 og Hauk fæddan 1949.
Að leiðarlokum vilja hjúkrunar-
konurnar, er útskrifuðust frá HSÍ
1937, þakka Svönu samfylgdina, og
senda aðstandendum hennar samúð-
arkveðjur.
Helga Thordersen.