Hjúkrun: tímarit Hjúkrunarfélags Íslands - 01.10.1978, Blaðsíða 18

Hagnýt notkun POMR
Gréta Aðalsteinsdóttir hjúkrunarkennari
Dagana 28. júní til 1. júlí s.l. var
haldin á Akureyri ráðstefna á vegum
Nordisk federation for medicinsk
undervisning. Viðfangsefnið var
„sjúkraskrár, sem snúast um vanda-
mál sjúklingsins og kennslugildi
þeirra fyrir heilbrigðisstéttir og
sjúklinga“. Þátttakendur voru lækn-
ar, læknanemar, hjúkrunarfræðing-
ar og hjúkrunarfræðinemar frá öllum
Norðurlöndum, auk þess voru nokkr-
ir gestir frá Hollandi og Englandi.
Kennarar voru frá Bandaríkjunum,
m. a. frumkvöðull kerfisins, Problem
Oriented Medinal Record, skamm-
stafað POMR, Dr. Lavvrence Weed
prófessor frá The University of Ver-
mont.
Þátttakendur komu flestir til Akur-
eyrar á miðvikudagskvöld og var
þeim þá raðað niður á hótel bæjar-
ins, en strax á eftir söfnuðust menn
saman í Menntaskólanum, þar sem
prófessor Jóhann Axelsson setti ráð-
stefnuna og Gauli Arnþórsson, yfir-
læknir bauð ráðstefnugesti velkomna.
Fimmtudaginn 29. júní hófst
kennslufundurinn kl. 10 og voru
kennarar Philip G. Bashook og Leslie
j. Sandlow frá Michael Reese Hospil-
al and Medical Center í Chicago.
Fundarmönnum var skipt niður í
liópa og hófst kennslan á fyrirlestri
um hagnýta notkun POMR. Fengu
fundarmenn í hendur venjulega
sjúkrasögu sjúklings, er hafði verið
alllíður gestur með ýmsar kvartanir
hjá læknum, en hafði auk þess legið
á sjúkrahúsi nokkrum sinnum. Sjúk-
lingurinn var nú kominn inn á
skyndimóttöku sjúkrahúss, hafði ver-
ið skoðaður á venjulegan hátt og
sjúkrasaga skrifuð. Haft var sam-
band við þann lækni sem mest hafði
stundað sjúklinginn og hann beðinn
að segja í snatri frá helstu vandamál-
um skjólstæðings sins og að sjálf-
sögðu var ætlast til að hann hefði á
reiðum höndum þær upplýsingar úr
sjúkraskránni sem fundarmenn höfðu
fengið í fundarbyrjun. Skyldi nú
hver bópur finna á 10 mínútum hver
voru aðalvandamál sjúklingsins.
Reyndist það tafsamt, því lesefni
sjúkraskrárinnar var töluvert, og
vandamálin ekki skráð sérstaklega,
né heldur framvinda hvers vandamáls
um sig. Fengu menn því næst í hend-
ur aðra sjúkraskrá um sama sjúkling
þar sem vandamálin voru skráð á sér-
stakt blað fremst í skránni. Voru þau
númeruð og kom fyrst aðalvanda-
málalisti, en neðar á blaðinu önnur
vandamál, sem ekki kröfðust eins
skjótra úrlausna og hin fyrri. Síðan
kom svo sjúkrasaga um heilsufars- og
fjölskyldusögu ásamt lýsingu á
venjulegri skoðun og niðurstöðu
hennar. Þá komu dagsettar fram-
vindunótur um hvert vandamál fyrir
sig. Skrifaðar voru svokallaðar „SO-
AP notes“, en S stendur fyrir sub-
jectiv, 0 fyrir objectiv, A fyrir assess-
ment og P fyrir plan. Skyldu hóp-
arnir nú bera saman þessar tvær
gerðir sjúkraskráa og segja álit sitt.
Urðu nokkrar umræður og fyrir-
spurnir um þetta. Næst fengu menn í
hendur stutta sögu um annan sjúk-
ling og skyldu hóparnir út frá henni
skrá vandamálalista og framvindu-
nótur. Gekk það misjafnlega, enda
menn mistrúaðir á fyrirkomulagið
og flestir alveg óvanir því. Þessu
næst fengu hóparnir vandamálalista
og framvindunótur sem kennararnir
höfðu unnið úr sögunni og báru sam-
an við skrá. Urðu líka um þetta tölu-
verðar umræður og fyrirspurnir. Er
þessum fundi lauk var klukkan að
nálgast 6, en þá beið flóabáturinn
Drangur við bryggju og var farið
með flesta þátttakendur í „fisketur
pá Ishavet“ í hinu fegursta veðri.
Þótti ferðin takast með ágætum.
Föstudaginn 30. júní hófst fundur
aftur kl. 8 og var nú talað um upp-
lýsingasöfnun um sjúklinginn, hverj-
ar upplýsingar væru nauðsynlegar og
hvernig ætti að skrá þær og geyma.
Áfram var svo haldið umræðum um
POMR og gildi þess við kennslu og
starf. Lögðu kennarar áherslu á að
POMR væri í raun ekkert nýtt, en
gildi þess fælist í betra skipulagi, sem
byggist á rökfestu og markvissu
starfi, sem leiddi til „mannlegri“,
víðsýnni og betri umönnunar skjól-
stæðinganna. Menn litu á sjúklinginn
sem manneskju, samansetta úr líkam-
legum, félagslegum og andlegum þátt-
um og leituðust við að leysa vanda-
mál bennar, en ekki bara einangruð
sjúkdómseinkenni. Eftir hádegi hélt
Dr. Lawrence Weed erindi og boðaði
POMR kerfið eins og nýtt fagnaðar-
erindi. Var hann framúrskarandi líf-
legur og skemmtilegur fyrirlesari og
var honum óspart klappað lof í lófa.
Framh. á bls. 17.
16
HJÚKKUN