Hjúkrun: tímarit Hjúkrunarfélags Íslands - 01.10.1978, Blaðsíða 35
er í þessari nýbyggingu þjónustustarfsemi spítalans s. s.
skurðstofur og eldhús.
Hressingarhœlið í Kópavogi/Kópavogshœlið
ÞaS var opnað 1926 og var einkum ætlað sem hress-
ingarhæli fyrir fólk nýkomið af VífilsstöSum. 1939 er
hælið afhent ríkinu, en hafði áður verið rekið af kven-
félaginu Hringnum. Upphaflega var hælinu ætlað að
rúma 26 vistmenn, en eftir 1931 er það skráð með 24
sjúkrarúmum. 1. júlí 1940 var Kópavogshælið skráð
sem holdsveikraspítali, vegna þess að þá höfðu breskir
hermenn úr setuliðinu hertekið holdsveikraspítalann í
Laugarnesi. 1963 eru sjúkrarúm holdsveikra sjúklinga
talin 4. 1952 hófst rekstur fávitahælis og hefur það haft
drjúgan stuðning af húsi hins upphaflega Kópavogs-
hælis.
Heilsuhœlið í Kristnesi/Kristneshœli
Opnað 1927 og var það ætlað 50 sjúklingum. 1927-
31 er það skráð með 60 sjúkrarúmum. Hinn 7. janúar
1931 brann þakhæð hælisins. Þegar gert var við
skemmdirnar um sumarið var einnig bætl nokkuð við
hælið. Ýmsar hreytingar, viðbætur og endurbætur voru
gerðar á næstu árum og eru sjúkrarúmin talin 72 á ár-
unum 1932-57; 1958 og síðan 73. Dvínandi aðsókn
herklasjúklinga varð þess valdandi að 1960 er hælinu
skipt í tvær deildir. Önnur fyrir langdvalar hjúkrunar-
sjúklinga en hin fyrir berklasjúklinga.
Berkladeildin hefur farið stöðugt minnkandi, en að
sama skapi hefur hjúkrunardeildin stækkað. Hin fyrri
er skráð með 26 en hin síðari með 47 sjúkrarúm árið
1962. 1963 er rúmafjöldi berkladeildarinnar skráður
17 en hjúkrunardeildarinnar 56, 1964 eru samsvarandi
tölur 21 og 52, en 1965 12 og 61.
í dag eru þar engir berklasjúklingar, heldur miklir
hjúkrunarsjúklingar, þ. e. gamalt fólk. Auk þess geð-
veikt fólk, þá aðallega drykkjusjúklingar. Endurbætur
hafa verið gerðar síöustu ár og hafa þær einkum mið-
ast að því að rýmka til á hælinu. Sjúkrarúm teljast þar
nú 78.
Sjúkrahús Siglujjarðar
Hóf rekstur 1928. Upphaflega var sjúkrahúsinu ætl-
að að rúma 18-20 sjúklinga, en fyrsta árið eru sjúkra-
rúmin skráð 16, tvö næstu árin 15 og á árabilinu 1931-
57 teljast rúmin 17. 1958 og þar til ný bygging tekur
við eru sjúkrarúm talin 25. Rekstur nýja sjúkrahússins
hófst 15. desember 1965 og telst sjúkrahúsið rúma 43
sjúklinga, þar af er 3ja rúma fæðingardeild.
1977 var heilsugæslustöö veitt aðstaða á sjúkrahús-
inu, en tala sjúkrarúma hélst þó óbreytt.
5júkrahús Vestmannaeyja
Starfsemi þess hófst 1928 og hefur verið rekið sem
bæjarsjúkrahús í Vestmannaeyjum svo að segja óbreytt
síðan. Skráður sjúkrarúmafjöldi hefur verið breytileg-
ur, eða sem hér segir: 1928-30 30 rúm, 1931—35 31,
1936-47 38, 1948-55 45 og síðan 1956 aftur 38 rúm.
Bygging nýs sjúkrahúss hófst árið 1962 og var flutt
inn í fyrsta áfanga 1971, en þar var til húsa heilsu-
gæslustöö, röntgendeild og rannsóknastofur. I gosinu
1973 voru allir sjúklingar á gamla sjúkrahúsinu fluttir
til meginlandsins. En síðan var það 16. nóvember 1974
að blönduð deild var opnuð og í febrúar 1975 var lyf-
lækningadeild tekin í notkun og hinni deildinni breytt í
handlækningadeild. 24 sjúklingar rúmasl á hvorri
deild.
Landspítalinn
Hann tók til starfa 20. desmeber 1930. Upphaflega
var spítalinn gerður fyrir sjúklinga í tveimur deildum
I auk röntgendeildarj, lyflækninga- og handlækninga-
deild. Hluti handlækningadeildar var ætlaður sængur-
konum, 10 rúm og tvö rúm á meöan á fæðingum stæði.
Húð- og kynsjúkdómadeild var opnuð 17. apríl 1934 í
sérstöku smáhýsi á Landspítalalóðinni. Fljótlega varð
að j)rengja í stofum og teljast sjúkrarúm á árunum
1939-48 125, en höfðu veriö talin 100 frá árinu 1931.
1945 er fæðingadeildin reist með 50 rúmum og tók til
starfa 1948, en vegna skorts á starfsliði tók ekki nema
helmingur hennar til starfa strax. Aðrar deildir: 1952
var stofnuð geislalækningadeild. Hjúkrunarskólinn
íluttist í eigið húsnæði 1956. Við brottflutning skólans
úr aöalbyggingunni var barnadeild sett á stofn 1957,
með 10 rúmum en Jjeim var fljótlega fjölgað í 17.
Byrjað var á nýbyggingu út úr gamla spítalanum ár-
ið 1954. Þar hefur verið komið fy rir tannlæknakennslu
læknadeildar háskólans, lækningarannsóknadeild,
kennslustofu læknastúdenta og lestrarstofu. Einnig er
staðsett þar handlækningadeild. 1964 eru teknar í notk-
un 3 skurðstofur. 1965 flyst barnadeildin og tekur til
starfa 1966 á nýjum stað. Lyflækningadeild er opnuð
1967. Auk þess hefur verið byggt á LandspítalalóÖinni
eldhús spítalans, mikil viðbót við fæðingadeildina, en
áður hafði verið byggt ofan á starfsfólksálmu hússins
vegna lengingar ljósmæðranáms. Geðdeild er í bygg-
ingu.
Eftirtaldar deildir eru starfandi í tengslum við spítal-
ann: Rannsóknastofa háskólans við Barónsstíg, Blóð-
bankinn, Hjúkrunardeild Hátúni, sem er öldrunarlækn-
ingadeild og Barnageðdeild, sem er staðsett við Dal-
braut 12 í Reykjavík.
Eftir 1948 hefur sjúkrarúmatala Landspítalans í heild
29
hjúkrun