Hjúkrun: tímarit Hjúkrunarfélags Íslands - 01.10.1978, Blaðsíða 48
nefndanefndar. Tillögur skulu hafa
borist nefndinni fyrir 20. jan. 1979.
Ur stjórn ganga að þessu sinni,
Anna S. Stefánsdóttir, 2. varaform.
og Fanney Friðbjörnsdóttir vararit-
ari. Úr varastjórn, Helga Snæbjörns-
dóttir og Pálína Tómasdóttir. Endur-
kosning er heimil.
Samkvæmt félagslögum verður
fulltrúafundur HFI á tímabilinu
mars-júní 1979. Kjósa skal 2. vara-
formann, meðstjórnanda og tvo menn
í varastjórn. Kjörtímabil er 3 ár.
Kjörgengir eru allir fullgildir félagar
HFI. Stjórnarkjör fer fram á full-
trúafundi. - Félagsmenn eru hvattir
til að kynna sér 10. gr. laga HFI um
stjórnarkjör.
Barátta fyrir bættum hag
kvenna
I ÁGÚST s.l. barst stjórn HFI bréf frá
Jafnréttisráði þar sem það vekur at-
hygli á því, að nú stendur yfir á veg-
um Sameinuðu þjóðanna, áratugur
fyrir bættum hag kvenna, þ. e. frá
árinu 1975-1985. I þessu sambandi
var gerð alþjóðleg framkvæmda-
áætlun og bera ríkisstjórnir ábyrgð á
gangi þessara mála hver í sínu
heimalandi.
Á Loftleiðaráðstefnunni 20.-21.
júní 1975 var meðal annars sam-
þykkt tillaga þess efnis, að fara þess
á leit við sveitarstjórnir landsins, að
þær skipi jafnréttisnefndir liver á
sínum stað, sem ynnu að jafnrétti
kynjanna.
Jafnréttisráð telur nauðsynlegt að
jafnréttisnefndir séu starfandi sem
víðast á landinu og væntir góðrar
samvinnu við þá aðila sem þær skipa.
Jafnréttisráð telur eðlilegt að þessar
nefndir starfi i samvinnu við ýmsa
aðila í hinum einstöku byggðalögum
m. a. sveitarstjórnir, verkalýðsfélög,
starfsmannafélög, kennara, atvinnu-
rekendur, kvenfélög og önnur áhuga-
félög, sérstaklega þau sem starfa að
jafnréttismálum kynjanna.
Kvennasögusafn íslands
í JANÚAR 1975 -í fyrsta mánuði al-
þjóðakvennaárs Sameinuðu þjóðanna
var undirrituð stofnskrá að heimild-
arsafni til sögu íslenskra kvenna, sem
bar heitið Kvennasögusafn Islands.
Hornsteinn safnsins var Ævi-
minningabók Menningar- og minn-
ingarsjóðs kvenna. Stofn safnsins var
að öðru leyti bækur, handrit og önn-
ur gögn, sem Anna Sigurðardóttir
gaf safninu á stofndegi.
Kvennasögusafn Islands á sér hlið-
stæðu í nágrannalöndunum, og er til-
gangurinn samur, sá að stuðla að því
að rannsaka sögu kvenna.
Margrét Jóhannesdóttir.
í febrúar 1978 færði Margrét Jó-
hannesdóttir, hjúkrunarfræðingur og
fyrrum ritstjóri Tímarits HFÍ safn-
inu rausnarlega gjöf, sem var: Hjúkr-
unarkvennablaðið í 4 bindum, I -35.
árgangur, frá árunum 1925-1959 og
Tímarit Hjúkrunarfélags Islands í 5
bindum, 36.-53. árgangur, frá árun-
um 1960 til ársloka 1977. Gjöf þessa
færði Margrét Kvennasögusafni ís-
lands að höfðu samráði og samþykki
ritstjórnar Hjúkrunar.
Námskeið á Landakots-
spítala
I MAÍ sl. auglýsti St. Jósefsspítalinn,
Landakoti, upprifjunarnámskeið fyr-
ir þá hjúkrunarfræðinga sem höfðu
ekki starfað um einhvern tíma. Hófst
námskeiðið þann 8. mai. Við sem
sáum þessa auglýsingu í blöðunum
urðum mjög ánægðar og gripum
tækifærið fegins hendi, til þess að
reyna að komast út í starfið á ný
eftir mismunandi langan tíma heima
fyrir yfir uppvaski og bleyj uþvotti,
og þar sem ekki voru neinar kvaðir
um vinnuskyldu létum við til skarar
skríða.
Við höfðum álitið að þörfin fyrir
slík námskeið væri mikil fyrir
hjúkrunarfræðinga sem vilja koma
sér út í atvinnulífið á ný. En reyndin
var þá önnur, þar sem við vorum að-
eins 7 sem sóttum um námskeiðið,
og verður að telja það algert lág-
mark til að geta haldið slíkt nám-
skeið. Viljum við hér með þakka for-
stöðukonum St. Jósefsspítala, Landa-
koti, læknum og öðrum þeim sem að
námskeiðinu stóðu fyrir framlag
þeirra, sem gerði námskeiðið jafn
fróðlegt og skemmtilegt og raun varð
á.
Námskeiðið stóð í 4 vikur, frá
mánudegi til föstudags, um það bil
8 klst. á dag.
Tilhögun námskeiðsins var í stór-
um dráttum sú, að hver hjúkrunar-
fræðingur fékk að kynnast tveim
mismunandi deildum 2 vikur í senn,
ásamt einum degi á göngudeild og
einum degi á gj örgæsludeild sem
flestum fannst of lítið.
Alla daga mættum við kl. 8,00 á
þá deild sem viðkomandi var skráður
á og tókum þátt í verkum deildarinn-
ar eftir bestu getu, en það má segja
að allt starfslið spítalans hafi lagt
sig fram til að gera okkur þetta sem
auðveldast.
Eftir hádegi var yfirleitt 1-2 fyrir-
lestrar á dagskrá og voru þeir mjög
fjölbreyttir að efnisvali.
Fyrirlestra fluttu:
1. Guðrún Marteinsson hjúkrunar-
forstjóri.
42
IIJÚKRUN