Tímarit hjúkrunarfræðinga - 01.09.1996, Blaðsíða 37
HvaS hefur verið að gerast til þessa?
Fréttir af Norðausturlandsdeild
A síðasta aðalfundi, sem haldinn
var í janúar sl., var starfsreglum deildar-
innar breytt. Helstu breytingarnar fólust
í fækkun nefnda, en stjórn er heimilt að
skipa í nefndir eftir þörfum. Lagðar voru
niður skemmti— og fræðslunefnd.
Félagsfundum var einnig fækkað og
boðar stjórn fundi þegar hún telur þörf á.
Aður áttu félagsfundir að vera a.m.k. 6
yfir árið. Aðalfundartíma var breytt og
verður aðalfundur haldinn í október ár
hvert, í stað janúar.
Aðalástæða þessara breytinga er
dræm fundarsókn félagsmanna og
þátttaka í starfi félagsins. I deildinni eru
u.þ.b. 260 félagsmenn og á fundi mæta
að jafnaði 15-20 manns.
I vor voru stutt fræðsluerindi á
félagsfundi og í tengslum við 12. maí var
boðið upp á fyrirlestur Sæunnar
Kjartansdóttur á Húsavík, „Er heilbrigð
sál í hraustlegum líkama?" Var þetta í
samvinnu við Heilsueflingu á Húsavík.
Hvernig verður starfinu
háttað í vetur?
Fyrsti félagsfundur vetrarins
verður haldinn í september. Efni hans
er óákveðið en líklega verður fjallað um
starfið fram undan, hvemig því verði
háttað. Aðalfundur verður svo í október
samkvæmt starfsreglum deildarinnar.
Ákveðið hefur verið að hafa
fræðsludag í nóvember í samvinnu við
Læknafélag Akureyrar og verður efnið
tengt öldmn. Dagskrá og dagsetning er
ófrágengin en skýrist væntanlega í
september.
Margrét Þorsteinsdóttir,
formaður
Tilkynning:
Vegna brottflutnings formanns
Norðausturlandsdeildarinnar, Arúnar
Sigurðardóttur, tók varaformaður, Margrét
Þorsteinsdóttir, við formennsku 1. ágúst sl.
Vísindaferð
í undirbúningi
Frá Norðvesturlandsdeiid
sem af er árinu 1996 hafa
verið haldnir tveir félagsfundir og fjórir
stjómarfundir í Norðvesturlands-
deildinni en félagar em 62. Helstu
viðfangsefni íundanna liafa verið
kjaramál. lífeyrismál og ýmis
réttindamál hjúkmnarfræðinga.
Fræðslunefnd deildarinnar situr á
Siglufirði og hefur hún ákveðið að halda
fræðslufund síðar í haust.
Vísindanefnd deildarinnar vinnur
nú að undirbúningi vísindaferðar.
Herdís Klausen
formaður
Frá Vestmannaeyjadeild
Hjúkrunarfrœðingar mœla bœjarbúa
( Vestmannaeyjum.
tarfsemi Vestmanneyjadeildar
hefur verið lífleg þetta árið. Félagsmenn
deildarinnar eru um 23. Haldnir vom
félags- og fræðslufundir mánaðarlega
fram á vor.
Deildin hélt upp á alþjóðlegan dag
hjúkmnarfræðinga á eftirminnilegan
hátt. Ráðist var í stór verkefni.
Forskot var tekið að sæluna með
því að bjóða nemendum Framhalds-
skólans í Vestmannaeyjum upp á
blóðþrýstings- og kólesterólmælingar
þann 23. apríl með það markmið að efla
hjúkrun til að stuðla að heilbrigði
landsmanna. Slagorð dagsins var;
Rannsóknir í hjúkrun - Betri hjúkrun
— Betra líf.
Deildin bauð nemendum fæddum
1976 og 1979, alls 100
nemendum, upp á
áðumefndar mælingar
og er ákveðið að fylgja
yngri árganginum eftir
að þrem ámm liðnum. Tilgangurinn með
með þessu forvamarstarfi er að hvetja
unga fólkið til að hugsa um heilsuna f
tíma og hvetja til heilbrigðra lífshátta.
Þann 10. maí var síðan öllum bæjar-
búum boðið upp á sams konar mælingar,
gegn vægu gjaldi, í íþróttahúsi bæjarins.
Komust færri að en vildu. Alls vom
mældir 270 einstaklingar og em um 100
Upp á svona terlu býður Vestmanneyjadeildin
á hátíðarstundum.
einstaklingar á biðlista. Ætlunin er að
Ijúka mælingunum strax í haust. Mun
Vestmannaeyjadeildin gera grein fyrir
niðurstöðum þessara rannsókna síðar í
Tímariti hjúkrunarfrœðinga.
Hjúkrunarfræðingar Suðurlands-
deildar heimsóttu okkur til Eyja í maí,
auk þess sem hópur hjúkmnarfræðinga
og ljósmæðra komu við okkur til mikillar
ánægju.Við teljum slíkar heimsóknir
nauðsynlegar og bæði til gagns og
gamans. Það er ómetanlegt fyrir okkur
hér úti í Eyjum að fá tækifæri til að hitta
kollega okkar og skiptast á skoðunum og
þekkingu.
Markmið stjórnar er að halda áfram
á sömu braut, þ.e. að hafa félags- og
fræðslufundi mánaðarlega í vetur, ekki
síst með það fyrir augum að viðhalda
faglegri þekkingu á tímum niðurskurðar
og manneklu.
Guðrún J. Gunnarsdóttir,
formaður
(Fleiri fréttir frá deildum eru d bls. 207 og 222.)
TtMARlT HJÚKRUNARFRÆÐINGA 4 tbl. 72. árg. 1996