Tímarit hjúkrunarfræðinga - 01.09.1996, Blaðsíða 54
Konur í stjórn deildarinnar (f.v.): ÁsdCs Einarsdótlir Frímann,
Sigríður Jakobsdóttir, Sigríður Stephensen, Ingibjörg Magnúsdóttir
og Guðrún Guðnadóttir.
Stofnfundur deildar
eftirlaunaþega í Félagi
íslenskra hjúkrunarfræðinga var haldinn
8. júní 1994 og framhaldsfundur 26.
október sama ár. Þessi deild var
framhald Hlífar, deildar lífeyrisþega í
Hjúkrunarfélagi íslands. Stofnfélagar
voru alls 153. Fyrsti formaður var
Sigurlín Þ. Gunnarsdóttir, fyrrum
hjúkrunarforstjóri. Núverandi stjórn
skipa: Ingibjörg R. Magnúsdóttir,
formaður, Gróa Sigfúsdóttir, gjaldkeri,
Jóhanna Brynjólfsdóttir, ritari, Sigríður
Þ. Stephensen og Guðrún Guðnadóttir,
meðstjórnendur, og í varastjórn sitja:
Ásdís Einarsdóttir Frímann, Rannveig
Þórólfsdóttir og Sigríður Jakobsdóttir.
Allir félagar í Félagi íslenskra
hjúkrunarfræðinga, sem náð hafa 60 ára
aldri, geta gengið í deildina. Þeir verða
þó ekki félagar við að ná þessum aldri
lieldur þurfa þeir að óska eftir inngöngu,
skriílega eða með því að hringja til
einhvers fulltrúa í stjórninni. Árgjald er
ekkert en félagar greiða fyrir kaffi á
fundum. Fundarsókn hefur verið mjög
góð, 50-75 félagar
hafa sótt fundi og eru
þó margir félagar
búsettir úti á
landsbyggðinni.
Söngur og gleði
Deildin heldur
fundi tvisvar á ári og
er annar fundurinn
aðalfundur. Þessir
fundir eru í augum
okkar margra skemmtifundir þar sem
gamlir vinir og samstarfsmenn koma
saman og njóta stundarinnar við kaffi-
drykkju og Hnallþórutertur. Eitt og
annað er haft til fróðleiks og
skemmtunar. Nokkrir félagsmenn
í Félagi fslenskra hjúkrunar-
fræðinga hafa flutt erindi á
fundum deildarinnar. Má þar
nefna erindi Maríu Pétursdóttur
um 75 ára afmæli Félags
íslenskra hjúkrunarkvenna,
Ingibjargar R. Magnúsdóttur um
vinnu lífeyrisþega, einkum
tímavinnu, Sigþrúðar Ingimundar-
dóttur um 75 ára afmæli S.S.N. og
Ástu Möller um lífeyrismál
hjúkrunarfræðinga. Ólöf Kolbrún
Harðardóttir, óperusöngkona, og Jón
Stefánsson, söngstjóri, skemmtu á fundi
með ílutningi á innlendri og erlendri
tónlist og Jóna Einarsdóttir, hjúkrunar-
fræðingur og harmoníkuleikari, með
harmoníkuleik. Síðast en ekki sfst flutti
Ólavía Sveinsdóttir frumort ljóð,
„Kindla“, sem hún tileinkaði
„hjúkrunarkonum af gamla skólanum“.
Sumarferðir deildarinnar hafa verið
mjög vinsælar og þátttaka góð. Á sl. ári
var farið um Suðumes, skoðuð mannvirki
og heilbrigðisstofnanir og í júní sl. var
ferðinni heitið til Akraness. Móttökur
hjúkrunarforstjóra og annarra stjómenda
á þessum stöðum hafa verið með
ágætum. Sagt var frá ýmiss konar
fróðleik um þá staði er farið var um og
komið til m.a. Orkuvers Suðurnesja,
Bláa lónsins, Byggðasafns Akraness og
Listasetursins í Kirkjuhvoli á Akranesi.
Samveran á ferðunum var krydduð með
skemmtilegum smásögum, söng og
harmoníkuleik.
Nokkrir umræður hafa verið á
Félagar
áfrœðslufundi um lífeyrissjóðsmál.
fundum um nafn deildarinnar. Sumir
félagar Hlífar vom óánægðir með að
eldra nafnið, Deild lífeyrisþega, skyldi
ekki vera notað áfram og aðrir vildu nýtt
nafn, Deild öldunga ( Félagi (slenskra
hjúkrunarfrœðinga.
Ingibjörg R. Magnúsdóttir,
formaður
Skemmtun og fræðsla
Frá deild ellilífeyrisþega
Ný lög.. . (frh. af bls. 220)
með því að skerða verulega greiðslur til
fastráðinna kvenna í ríkisþjónustu í
fæðingarorlofi. Hjúkmnarfræðingar í
starfi hjá hinu opinbera halda nú föstum
launum í 6 mánuði fæðingarorlofi og fá
auk þess greitt meðaltal af yfirvinnu og
álagi síðustu 12 mánaða fyrstu 3 mánuði
fæðingarorlofs. Á almennum vinnu-
markaði fá konur, sem starfa utan
heimilis, greiddar u.þ.b. 60.000 kr. á
mánuði í 6 mánuði í fæðingarorlofi.
Otímabundin skipun felld niður
í frumvarpinu er ekki gert ráð fyrir
því að ríkisstarfsmenn fái ótímabundna
skipun í stöðu (hefur oft verið nefnt
æviráðning). Þröngur hópur embættis-
manna verður þó skipaður til 5 ára í
senn.
Skipting ríkisstarfsmanna í
embættismenn og aðra
starfsmenn - skert réttarstaða
embættismanna
í lögunum er ákveðinn liópur
ríkisstarfsmanna skilgreindur sem
embættismenn. Embættismenn njóta
annarra réttinda og bera aðrar skyldur en
aðrir rikisstarfsmenn. Embættismenn eru
skipaðir til 5 ára í senn, laun þeirra eru
ákveðin af Kjaradómi eða kjaranefnd,
þeir munu standa utan stéttarfélaga og
hvorki hafa samnings- né verkfallsrétt.
1 lögunum er réttarstaða embættismanna
verulega skert. Sem dæmi þá er heimilt
að flytja embættismann úr einu embætti
í annað jafnvel milli landshluta og unnt
er að víkja embættismanni úr starfi ef
hann sýnir ekki fullnægjandi árangur í
starfi, t.d. ef hann fer fram úr fjárlaga-
heimildum (á móti er embættismönnum
gert auðveldara um vik að lækka laun
annarra starfsmanna, sbr. umfjöllun um
aukið vald forstöðumanna hér að
framan).
222 TÍMARIT HJÚKRUNARFRÆÐINGA 4. tbl. 72. árg. 1996