Tímarit hjúkrunarfræðinga - 01.02.2001, Qupperneq 69

jtl Mwíkaju mtð ^ok'fcorÍKnl
María Guðmundsdóttir lauk
doktorsprófi 6. október
2000 frá University of
California, San Francisco,
Department of Family Health
Care Nursing. Aðalleiðbein-
andi hennar var dr.
Catherine A. Chesla. Aðrir í
nefndinni voru: dr. Patricia
A. Benner, dr. Catherine L.
Gilliss og dr. Carmen
Portillo. Ritgerð hennar heitir „When the world of the family
is shattered: Narratives of loss and healing practices after
the sudden death of a child“.
Rannsóknaraðferð var túlkunarleg fyrirbærafræði
(interpretive phenomenology) og var tilgangurinn að rann-
saka reynslu fjölskyldna af skyndilegum missi barns.
Sjö fjölskyldur tóku pátt í rannsókninni og voru tekin
djúpviðtöl við tvo eða þrjá úr hverri fjölskyldu. Alls voru
tekin 4-5 viðtöl við hverja fjölskyldu. í fyrsta og síðasta
viðtalinu var talað við fjölskylduna saman en hin viðtölin
voru einkaviðtöl við hvern einstakling fyrir sig.
Niðurstöður sýndu meðal annars á hvern hátt fjöl-
skyldumeðlimir reyna að útskýra dauða barnsins. Margir
reyna að útskýra dauðann á trúarlegan eða heimspeki-
legan hátt en aðrir litu svo á að dauði barnsins væri
merkingar- og tilgangslaus.
Dauðinn hafði djúp áhrif á það hvernig foreldrar litu á sig
sem foreldri. Sumum fannst eins og hluti af þeim sjálfum
hefði dáið með barninu, aðrir lýstu því sem missi að þeir
gætu ekki lengur tekið þátt í daglegum venjum sem fylgja
því að vera foreldri og einkum foreldri barnsins sem dó.
Missirinn kom einnig fram sem líkamleg reynsla, sorgin
kom fram á ýmsan líkamlegan hátt. Hjá sumum var þessi
reynsla tímabundin og algengust skömmu eftir andlát
barnsins en hjá öðrum reyndist sársauki eða líkamleg
skynjun halda áfram eða jafnvel koma fram þegar nokkrir
mánuðir eða ár voru liðin frá dauða barnsins.
( rannsókninni var einnig athugað gagnkvæmt
samband milli sorgarinnar og sambands hjónanna.
Einnig kom í Ijós að sumar venjur fjölskyldunnar reynd-
ust draga mjög mikið úr sorginni og missinum. Þessar
fjölskylduvenjur sýndu glöggt að samband helst og/eða
var ræktað milli fjölskyldunnar og dána barnsins. Þetta
áframhaldandi samband reyndist mjög mikilvægt og
græðandi fyrir alla fjölskylduna.
Flestir þátttakenda eignuðust annað barn stuttu eftir
dauða eldra barnsins. Nýja barnið kveikti á ný von og
eftirvæntingu hjá foreldrunum. Koma barnsins virtist
endurnýja skilning foreldrisins á sjálfu sér sem foreldri og
það gaf foreldrinu tækifæri til að taka á ný þátt í þeim
daglegu venjum sem felast í því að vera foreldri.
HASKOLI ISLANDS
Meistaranám í
hjúkrunarfræði
Hefur þú hug á frekara námi í haust?
Nám til meistaraprófs í hjúkrunarfræði við Háskóla
íslands er 60 eininga rannsóknatengt nám sem fram
fer að loknu BS-prófi í hjúkrunarfræði. Markmið náms-
ins er að dýpka fræðilega þekkingu hjúkrunarfræðinga
og auka færni þeirra í rannsókna- og þróunarstörfum.
Lögð er áhersla á sveigjanleika og leitast er við að
gefa hverjum nemanda tækifæri til að efla þekkingu
sína á ákveðnum fræðasviðum.
Tvær námsleiðir verða í boði:
a) Freyja - Námsleið til meistaragráðu með áherslu á
rannsóknaþjálfun (30 eininga rannsóknarverkefni)
b) Eir - Námsleið til meistaragráðu með áherslu á
fræðilega/klíníska sérhæfingu og rannsóknaþjálfun
(15 eininga rannsóknarverkefni)
í hjúkrunarfræðideild eru veittar upplýsingar um þá
möguleika sem eru í boði og eru hjúkrunarfræðingar
hvattir til að afla sér hennar og ráðgjafar varðandi
námið. Ráðgjöfina veitir Ragnheiður Ósk Erlendsdóttir,
hjúkrunarfræðingur á Rannsóknarstofnun í hjúkrunar-
fræði. Viðtalstímar eru á mánudögum kl. 13-15 en
einnig er hægt að hafa samband í síma 863-3988 eða
í netfang: roe@hi.is og panta tíma.
Umsóknarfrestur er til 15. mars 2001.
Tímarit hjúkrunarfræðinga • 1. tbl. 77. árg. 2001
69