Tímarit hjúkrunarfræðinga - 01.07.2001, Blaðsíða 25
^Vlor^unn A -skurSs'tofu
Hvernig væri að fá að sjá hjúkrunarfræðinga að störfum í
þessum „lokaða" heimi skurðstofunnar? Blaðamanni
Tímarits hjúkrunarfræðinga bauðst að skyggnast að
hurðarbaki á einni af 7 skurðstofum á Landspítalanum -
háskólasjúkrahúsi, Fossvogi, og eftir að hafa verið full-
vissuð um að þetta væri mjög „pen“ aðgerð sló ég til og
dag einn í maí var ég mætt á skurðstofugang til að fylgjast
með æðaskurðaðgerð á fæti sjúklings með æðakölkun.
Þóra Guðjónsdóttir, skurðhjúkrunarfræðingur sem hefur
umsjón með kennslu og fræðslu á skurðstofunni í Foss-
vogi, var í hópi þeirra sem voru að störfum á skurðstofunni
þennan morgun og hún var mér til leiðsagnar á meðan á
skurðaðgerðinni stóð. Hér á síðunum má svo sjá og lesa
um nokkuð afþví sem fram fór á skurðstofunni.
Fyrst þurftum við Þóra auðvitað að fara í skurðstofu-
gallann (Þóra í bláan og ég í grænan, í stíl við háralit) og
setja hettur á höfuðið. Því miður var ekki hægt að fá svona
flottar húfur eins og skurðstofuliðið í Bráðavaktinni og
Chicago Hope eru með í sjónvarpsþáttunum vinsælu en
að öðru leyti var þetta nokkuð líkt.
Þegar við Þóra komum á sjálfa skurðstofuna kl. rúm-
lega 8, nú búnar að bæta á okkur andlitsgrímum, voru þar
fyrir að undirþúa aðgerðina Guðrún Daníelsdóttir, skurð-
hjúkrunarfræðingur og aðstoðardeildarstjóri, Stefán Þor-
marsson, svæfingalæknir, og Guðbjörg Ragnarsdóttir,
svæfingahjúkrunarfræðingur. Guðrún var í dauðhreinsuð-
um, einnota sloppi yfir skurðstofugallanum en hún var
aðgerðarhjúkrunarfræðingurinn. Það þýðir að hún stendur
hjá læknunum allan tímann meðan aðgerð varir. Þóra var
aftur á móti umsjónarhjúkrunarfræðingur í aðgerðarinni
sem þýðir að hún er á ferli í kringum hina og sinnir um-
önnun sjúklingsins og undirbúningi hans fyrir aðgerð,
ásamt ýmsum störfum. Að auki var Sjöfn Arnórsdóttir við
aðgerðina og hafði það hlutverk að vera hjúkrunarfræð-
ingur „í kring" eins og það er almennt kallað.
Erum góðar að telja
Á dauðhreinsað borð er Guðrún að taka til öll tæki og tól
sem nota átti í aðgerðinni og raða þeim upp eftir kúnstar-
innar reglum. Saman tvítelja þær Þóra allar grisjur sem
nota á og að auki eru þær skráðar á töflu. Að aðgerð lok-
inni endurtaka hjúkrunarfræðingarnir talninguna og merkja
við á töflunni, þannig á að vera tryggt að ekki verði nein
grisja eftir inni í sjúklingnum. Fleira er talið og stemmt af á
þennan hátt, s.s. allar nálar og minni tæki. Öll skæri, hníf-
ar, tangir o.þ.h. er skráð á lista og eftir aðgerð fer Guðrún
yfir að allt stemmi. „Við erum að minnsta kosti góðar í að
telja", segir hún glettnislega.
Á meðan þessu fer fram eru Stefán og Guðbjörg að
177
Tlmarit hjúkrunarfræðinga • 3. tbl. 77. árg. 2001