Tímarit hjúkrunarfræðinga - 01.07.2001, Blaðsíða 32

Fjórðungssjúkrahúsið
á Akureyri
Hjukrunarfræðingar -
ljósmæður
Fjórðungssjúkrahúsið á Alcureyri er annað
stærsta sjúkrahús landsins sem hefúr það að
markmiði að veita sjúklingum og aðstand-
endum þeirra áreiðanlega, markvissa og
fjölskylduvæna heilbrigðisþjónustu.
Fjórðungssjúkrahúsið á Akureyri hefúr nána
samvinnu við háskólana í landinu og lögð
er áhersla á símenntun á sviði
heilbrigðismála og rannsóknir á sviði
heilbrigðisvísinda.
Fjórðungssjúkrahúsið vantar hjúkrunar-
fræðinga og Ijósmæður til starfa nú þegar
eða eftir samkomulagi, um er að ræða fastar
stöður og afleysingastöður.
Nýútskrifuðum hjúkrunarfræðingum er
boðið sérskipulagt fyrsta ár í starfl, með
fræðslu og stuðningi, og þar með að
skipuleggja framtíð sína í starfi.
Boðin er einstaklingshæfð aðlögun með
reyndum hjúkrunarfræðingum og
ljósmæðrum.
Starfshlutfall og starfstími eftir
samkomulagi.
Upplýsingar gefur þóra Akadóttir starfs-
mannastjóri hjúkrunar sími 4630273 og
netfang thora@fsa.is
Laun samkvæmt gildandi kjarasamningum
viðkomandi stéttarfélags og fjármálráðherra
fyrir hönd ríkissjóðs.
Reyklaus vinnustaður
Skurðhjúkrun er heildræn hjúkrun sjúklinga sem eru að
fara í aðgerð og þýðir að skurðhjúkrunarfræðingar verða
að meta sjúklinginn fyrir, í og eftir aðgerð. Sjá má fyrir sér
að á þvl ferli væri t.d. hægt að byrja í innskriftarmiðstöð.
Þar væri ferlinu stjórnað af hjúkrunarfræðingi og fæli í sér
mat á ástandi sjúklingsins og fræðslu um aðgerð og
svæfingu sem hann væri að fara í. Þessi hluti getur skipt
meginmáli í undirbúningi sjúklings fyrir aðgerð. í slíkri mið-
stöð myndu sjúklingarnir hitta sérfræðingana sem sjá
munu um mismunandi hliðar meðferðar þeirra, þ.m.t.
skurðhjúkrunarfræðing. Þegar skurðhjúkrunarfræðingur
kynnir sér sjúklinginn fyrir aðgerð safnar hann upplýsingum
til að undirbúa komu sjúklingsins á skurðstofu. Þekking á
ástandi sjúklings getur haft áhrif á hvaða tæki og verkfæri
eru notuð við aðgerðina. Einnig er mjög mikilvægt fyrir
sjúklinginn að hitta fyrir aðgerð einhvern sem verður til
staðar þegar á skurðstofuna er komið. Kunnuglegt andlit
er mikill léttir í ókunnu og ógnandi umhverfi.
Það að vera búin að gera áætlun fyrir sjúklinginn fyrir
aðgerð og tengja hana klínískri kunnáttu er mjög mikil-
vægur þáttur í gerð tímaáætlunar og tryggir öryggi og
velferð sjúklingsins. Mat eftir aðgerð („post op“) hjálpar
skurðhjúkrunarfræðingum að meta þá umönnun og með-
ferð sem sjúklingurinn fékk: Fékk hann nægar upplýs-
ingar? Var framgangur aðgerðarinnar auðveldur og árang-
ursríkur? Var séð fyrir öllum þörfum sjúklingsins? Slíkt mat
getur jafnframt gagnast öðrum hjúkrunarfræðingum, styrkt
persónuleg tengsl við ættingja sjúklingsins og gefið innsýn
í hlutverk skurðhjúkrunarfræðingsins.
Asta kosin annar
varaformaður
Á fulltrúaþingi Alþjóðasamtaka
hjúkrunarfræðinga (International
Council of Nursing, ICN) sem
haldið var í Kaupmannahöfn 9.-
11. júní sl. var Ásta Möller,
alþingismaður og fyrrverandi
formaður Félags íslenskra
hjúkrunarfræðinga, kjörin 2.
varaformaður stjórnar.
Ásta tók sæti Norðurlanda og Austur-Evrópu í
stjórn ICN vorið 1999 en þá lét Laila Dávöj, fyrrum
formaður félags norskra hjúkrunarfræðinga, af störfum
í stjórn ICN þegar hún tók við ráðherraembætti í
norsku ríkisstjórninni.
Félag íslenskra hjúkrunarfræðinga óskar Ástu til
hamingju með þennan áfanga og góðs gengis í
stjórnarstörfum fyrir ICN.
184
Tímarit hjúkrunarfræðinga ■ 3. tbl. 77. árg. 2001