Tímarit hjúkrunarfræðinga - 01.07.2001, Page 35

Herrarnir á skellinöðrunum, Jón Bóasson og Sævar Jónsson, komu til að dáðst að gripnum hennar Sigríðar:
Triumph 900 árgerð '93. Það eina sem getur verið erfitt fyrir konu á mótorhjóli er ef hjólið dettur þá er engin leið
fyrir hana að reisa 230 kílóa hjólið við.
hjólafólk hefur svipaða sögu að segja en þetta lýsir sér
einkum á þann hátt að karlmenn, oftast í eldri kantium,
aka bílum sínum viljandi í veg fyrir þann á mótorhjólinu. Við
vitum ekki af hverju þetta stafar; öfund, iliska eða hvað?
En hjólafólkið er líka misjafnt. Ég hef oft heyrt að bílstjórum
gremjist það að hjólað er á milli bílaraða, oft á töluverðum
hraða. Þetta kemur óorði á hjólafólk."
Mótorhjólaklúbbur hjúkrunarfræðinga
- Hvað sögðu svo dæturnar þegar mamma þeirra fór að
þeysast um á mótorhjóli?
„Þær urðu ekkert hissa. Það hefur alltaf verið margt
fólk í kringum okkur sem áhuga hefur á mótorhjólum og
ég held að þær hafi í raun alltaf reiknað með þessu. Sú í
miðið, sem er tvítug, er reyndar að læra núna.
Margar konur hafa svo verið að spyrja mig: „Hvernig
þorirðu?" og maður heyrir samt á þeim að þetta er eitt-
hvað sem kitlar. Vonandi fara fleiri að þora.“
- Þá skipta hjólin sjálf væntanlega töluverðu máli. Ég
heyrði að þú ættir mörg hjól, er það satt?
„Hjól endast yfirleitt vel því þau eru mikla minna notuð
en bílar og það skal viðurkennt að í vetur áttum við fjögur
hjól: tvö Triumph 900; Yamaha Virago 750, sem er hippari,
rosalega flott, mikið krómað, með flottum speglum, tösk-
um og fleiri fylgihlutum; Suzuki DR 400 sem er „enduro"
hjól (drullumallari). Núna eigum við Triumph hjólin, sem eru
'93 og '96 árgerð, en seldum hin. Að keyra þau hjól er eins
og að keyra „limma“ en ég myndi vilja fá mér Virago aftur
og eiga hann þá með hinu.“
- Þekkirðu fleiri hjúkrunarfræðinga sem eru á mótor-
hjóli? Sjálf heyrði ég að Rikka Mýrdal, svæfingahjúkrunar-
fræðingur á LSH í Fossvogi, væri í þeim hópi.
„Er það. Hefðirðu ekki átt að tala við hana líka svo þetta
fengi meiri vægi? Annars er hjúkrunarfræðingur á deildinni
með mér sem lét sinn gamla draum rætast og fór í próf í
fyrrasumar. Þetta er hún Inga Þóra. Hún er meira að segja
búin að kaupa sér galla og prófaði Víragóinn hjá mér
síðasta haust. Nú þarf hún bara að fara að drífa í að kaupa
hjól; ég skora hér með á hana. Annars væri mjög gaman
að koma á fót Mótorhjólaklúbbi hjúkrunarfræðinga og ég
nota tækifærið hér og lýsi eftir þeim sem áhuga hafa.“
BK
Sumarlokun skrifstofunnar
Um leið og minnt er á að lokað verður vegna sumar-
leyfa starfsfólks á skrifstofu Félags íslenskra hjúkrun-
arfræðinga frá 16. júlí til 7. ágúst 2001 vill starfsfólk
skrifstofunnar nota tækifærið og óska öllum hjúkr-
unarfræðingum ánægjulegs sumars.
Tímarit hjúkrunarfræðinga ■ 3. tbl. 77. árg. 2001
187