Tímarit hjúkrunarfræðinga - 01.07.2001, Blaðsíða 40

Formaður félagsins, Herdís Sveinsdóttir, setti þingið.
Fyrst á dagskrá að loknu kaffihléi var afgreiðsla starfs-
áætlunar næsta starfstímabils stjórnar. Nokkrar umræður
urðu um starfsáætlunina, m.a. var lagt til að námskeið um
ræðumennsku og fundarsköp yrði haldið fyrir hjúkrunar-
fræðinga. Hjúkrunarfræðingar af landsbyggðinni nefndu að
þeim fyndist skorta á að fræðsla væri þeim aðgengileg og
töldu að bæta mætti þar verulega úr með því að nota fjar-
fundabúnað á fundum sem haldnir eru á vegum félagsins.
Fram kom að gera á átak í heilbrigðisfræðslu til almenn-
ings og kynningu á því hvað hjúkrun felur í sér. Þá kom
fram að hjúkrunarfræðingum í fyrirtækjum er gert skylt að
greiða sín stéttarfélagsgjöld til VR í stað félagsins. Þessu
vilja þeir breyta og fóru fram á aðstoð félagsins við að fá
þessu breytt. Að lokum var starfsáætlun stjórnar sam-
þykkt.
Líflegt þing
Seinni þingdaginn var eins og þingfulltrúar hefðu vaknað af
dvala því þeir voru sýnu líflegri en fyrri daginn og fleiri tóku
til máls. Fagnaði ein af eldri hjúkrunarfræðingunum þessu
og sagði að á fulltrúaþingunum áður fyrr hefðu heyrst heil-
miklar skoðanir en að nú væri eins og þingfulltrúar væru
leiddir í gegnum dagskrána. í framhaldi af þessu hófust
umræður um kjör fulltrúa á þingið. Nokkurrar óánægju
gætti með val fulltrúa Reykjavíkurdeildarinnar og höfðu
sumir á orði að sú deild væri í raun dauð. Aðrir risu henni
til varnar og sögðu að starfsemi hennar hefði oft verið
blómleg en að með tilkomu allra fagdeildanna væri eins og
allur þróttur væri úr henni dreginn.
Eftir að fjárhagsáætlun starfstímabilsins 2001-2002
hafði verið samþykkt samhljóða voru lagabreytingar á dag-
skrá. Erlín Óskarsdóttir kynnti fyrirliggjandi tillögur til laga-
breytinga frá stjórn Félags íslenskra hjúkrunarfræðinga:
• Breytingartillaga við 3. grein laga Félags íslenskra
hjúkrunarfræðinga sem felur í sér rétt til aukaaðildar að
félaginu fyrir hjúkrunarnema og erlendra hjúkrunarfræð-
inga. Tillagan var samþykkt að hluta en því beint til
stjórnar að hún ynni frekari útfærslu á aukaaðild hjúkr-
unarnema. Eftirfarandi málsgrein var samþykkt sem
viðbót við 3. gr.: Rétt til aukaaðildar að félaginu eiga
þeir sem uppfylla skilyrði 2.gr. hjúkrunarlaga. Enginn
getur verið aukaaðili að Félagi íslenskra hjúkrunarfræð-
inga samkvæmt þessu skilyrði lengur en 3 ár.
• Breytingartillaga við 19. grein laga Félags íslenskra
hjúkrunarfræðinga sem felur í sér breytingu á uppröðun
dagskrárliða á fulltrúaþingi, þ.e. að afgreiðsla starfs-
áætlunar sé tekin fyrir á undan fjárhagsáætlun þar sem
ekki er hægt að afgreiða fjárhagsáætlun fyrr en starfs-
áætlun liggur fyrir. Tillagan var samþykkt samhljóða.
• Breytingartillaga við 14. grein laga Félags íslenskra
hjúkrunarfræðinga þar sem í lok greinarinnar kæmi við-
bót um hvað gera skuli ef svæðisdeild, einhverra hluta
vegna, kýs ekki fulltrúa á þingið. Fram kom svohljóð-
andi tillaga frá Þuríði Ingimundardóttur: Fulltrúaþing
Félags íslenskra hjúkrunarfræðinga samþykkir að kosið
verði í nefnd til að fara yfir lög félagsins. Rök hennar
voru að ekki væri nóg að bæta við nýrri málsgrein, þar
sem stærsta deild félagsins með flesta fulltrúa hefði
verið óvirk undanfarin ár, heldur væri nauðsynlegt að
endurskoða lögin í heild sinni. Sérstaklega VI. kafla
laganna sem fjallar um „Uppbyggingu félagsins - Full-
trúaþing". Stjórnin dró breytingartillögu sína við 14. gr.
til baka en tillaga Þuríðar var samþykkt samhljóða.
• Breytingartillaga við 32. grein laga Félags íslenskra
hjúkrunarfræðinga þar sem nýrri málsgrein var bætt inn
í. Viðbótin hljóði svo: Ritstjórn ritrýndra greina skal
starfa til hliðar við ritnefnd og skal hún skipuð tveimur
fulltrúum og einum til vara, sem kosnir eru sérstaklega
á fulltrúaþingi. Tillagan samþykkt samhljóða.
• Breytingartillaga við 32. grein laga Félags íslenskra
hjúkrunarfræðinga um heiti nefnda. Tillagan hljóðar
svo: / félaginu skulu starfa eftirtaldar nefndir: - Fræðslu-
nefnd. Greinin að öðru leyti óbreytt. Tillagan var sam-
þykkt samhljóða.
• Breytingartillaga við 33. grein laga Félags íslenskra
hjúkrunarfræðinga þar sem rætt er um hlutverk nefnda
félagsins. Tillagan hljóðar svo: Meginverkefni og skipan
nefnda skal vera sem hér segir: Fræðslunefnd skal
skipuð fimm fulltrúum og tveimur til vara sem kjörnir eru
á fulltrúaþingi. Hlutverk nefndarinnar er að stuðla að
fræðslu til félagsmanna og almennings. Greinin verði
a.ö.l. óbreytt.
Margir höfðu skoðun á lagabreytingunum en m.a. kom
fram að það væri eindregin ósk hjúkrunarnema að fá að
gerast aukaaðilar og öðlast þar með þau réttindi sem slíkri
aðild fylgir. Ekki síst finnst þeim mikilvægt að félagið semji
fyrir þá um kaup og kjör. Umræður sköpuðust síðan um
lögmæti fundarins vegna þess að talið var að draga mætti
í efa lögmæti kosningu fulltrúa Reykjavíkurdeildar. Herdís
192
Tímarit hjúkrunarfræðinga • 3. tbl. 77. árg. 2001