Tímarit hjúkrunarfræðinga - 01.07.2001, Blaðsíða 59
Eitt fyrirtækí þegar komið á koppinn
Anna Sigrún
Baldursdóttir,
hjúkrunarfræð-
ingur og fram-
kvæmdastjóri
Liðsinnis ehf.
Það er gaman að geta sagt frá því að
námskeiðið, sem Félag íslenskra
hjúkrunarfræðinga og Háskólinn í
Reykjavík stóðu fyrir um einkarekstur
í heilbrigðisþjónustunni, og sagt var
frá í síðasta hefti, hefur þegar borið
árangur. Námskeiðið varð til þess að
einn þátttakandinn, Anna Sigrún
Baldursdóttir hjúkrunarfræðingur, lét
verða af því að stofna fyrirtækið sem
hún var lengi búin að hugsa um.
Fyrirtækið, sem heitir Liðsinni ehf., er
í eigu Önnu Sigrúnar og nokkurra
fleiri hjúkrunarfræðinga og verður
Anna Sigrún framkvæmdastjóri. En hvað er Liðsinni?
„Það er í raun sjálfstæð hjúkrunarþjónusta," er svar
Önnu Sigrúnar og hún heldur áfram: „Við verðum með
hjúkrunarfræðinga að störfum, bæði fast- og lausráðna,
sem til lengri eða skemmri tíma sinna hjúkrun hjá
viðskiptavinum. Það erum því við sem erum vinnuveitand-
inn og hjúkrunarfræðingarnir eru á launum hjá okkur, þetta
er sem sagt ekki verktakavinna og ekki vinnumiðlun
heldur. Sjálf er ég búin að vera að vinna hjá stærstu
hjúkrunarþjónustu af þessu tagi í Svíþjóð, Recepta, í 3 ár
og þekki því af eigin raun bæði hvernig starfið á mið-
stöðinni fer fram og hvernig er að vinna á þennan hátt.
Leitað er til þjónustunnar eftir hjúkrunarfræðingum þar
sem bregðast þarf við skorti, s.s. vegna álagstoppa, veik-
inda, forfalla, jafnt óvæntra sem annarra, eða til að létta
undir á deild, t.d. vegna þess að fastur starfsmaður er þar
að vinna að tímabundnu verkefni. Þetta eru þá hjúkrunar-
fræðingar sem geta farið inn á svo til hvaða deild sem er
og sjálf hef ég unnið á öllum mögulegum deildum. Hjúkr-
unarfræðingarnir þurfa því að hafa mikla reynslu, vera
áræðnir og tilbúnir að taka að sér hjúkrunarstörf án hefð-
bundinnar aðlögunnar en verða undirbúnir af okkur. Vegna
þessa gerum við kröfu um að þeir sem ráða sig til okkar
hafi a.m.k. 2 ára starfsreynslu.
Það sem laðaði mig á sínum tíma að þessari vinnu var
að launin eru betri en þau sem fást með því að ráða sig
beint til stofnananna og vinnutíminn er sveigjanlegur, þ.e. f
samræmi við eigin þarfir. Ég var með lítið barn og því hent-
aði þetta mér mjög vel og þó launin hafi verið aðalað-
dráttaraflið í fyrstu þá er það sveigjanleikinn sem mér
finnst núna mests virði. Einnig veit ég að það sem
mörgum finnst mikill kostur er að í þessari vinnu losnum
við við allt kvabb um aukavaktir."
Hjarta fyrirtækisins
Samkvæmt áætlun verður Liðsinni opnað formlega 15.
ágúst og þegar er tilbúin heimasíða: lidsinni.is
Hjúkrunarfræðingar á vegum Liðsinnis koma svo
væntanlega til starfa frá 1. september. Anna Sigrún og
samstarfsfólk hennar er þegar farið að vinna að gerð
rammasamninga við stofnanir sem óska eftir starfsfólki
Liðsinnis. Starfsvettvangur þess verður hinar ýmsu heil-
brigðisstofnanir, félög- og einstaklingar, sem ekki fá þjón-
ustu af hendi ríkisins, og fleiri. Hver og einn starfsmaður
semur um sín kaup og kjör og sníður vinnutímann að
mestu að eigin þörfum. Anna Sigrún segist því bjartsýn á
að fyrirtækið fái til starfa einhverja af þeim 400 hjúkrunar-
fræðingum sem nú starfa við eitthvað annað en hjúkrun
eða eru að hugsa sér til hreyfings á stofnunum, enda ætli
Liðsinni að hlúa vel að starfsmönnum sínum, bæði með
því að hafa aðstöðu fyrirtækisins þannig að þar finni starfs-
menn að þeir hafi virkilegt bakland og með því að bjóða
stöðuga og góða símenntun. „Hjúkrunarfræðingarnir eru jú
hjarta fyrirtækisins og án þeirra gengur það ekki,“ segir
Anna Sigrún.
Og aðspurð hvort hún telji það ekki valda slæmum
anda á vinnustöðunum að hjúkrunarfræðingar frá Liðsinni
séu þar að störfum á betri kjörum en fastráðnir hjúkrunar-
fræðingar sem fyrir eru þá segist hún ekki óttast það því
Liðsinni væri þarna að aðstoða við úrlausn á bráðri mann-
eklu í hjúkrun sem allir þekkja og finna óþyrmilega fyrir í
sínum daglegu störfum. Kæmu starfsmenn Liðsinnis þar
ekki til þá ylli það annars vegar meira vinnuálagi á starfs-
menn sem fyrir eru eða hins vegar þyrfti að loka deildum.
Lykilatriðið er samstarf við stofnanir og starfsfólkið sem
þar er fyrir.
Það verður gaman að fylgjast með því hvernig þessari
nýbreytni verður tekið og vonandi verður hún liður í því að
hjúkrunarfæðingar skili sér „heim“.
BK
Þankastrik - leiðrétting
Þau mistök urðu í síðasta tölublaði að rangt nafn var á
áskorandanum í Þankastrikum. Hið rétta er að það
var Christer Magnusson sem skoraði á Guðbjörgu
Guðmundsdóttur að skrifa Þankastrik maíheftisins.
Tímarit hjúkrunarfræðinga • 3. tbl. 77. árg. 2001
211