Tímarit hjúkrunarfræðinga - 01.03.2005, Blaðsíða 7

RITSTJÓRASPJALL
Valgerður Katrín Jónsdóttir
Náttúruhamfarir
geðheilbrigði
Fundur norrænu ráðherranefndarinnar var hald-
| inn í Helsinki í byrjun janúar í kjölfar náttúru-
hamfaranna í Taílandi. Að þessu sinni var sjón-
um beint að geðheilbrigði. Þar sem svo skammur
tími var liðinn frá því flóðbylgjan rústaði heimi-
lum og hreif með sér um 250 þúsund mannsh'f
og slasaði enn fleiri á einni mestu hátíð kristinna
manna, var sjónum m.a. beint að því hvaða áhrif
náttúruhamfarirnar hefðu á geðheilbrigði þeirra
sem lifðu af.
Eitt af markmiðum fundarins var að berjast gegn
stimplun þeirra sem eiga við geðröskun að stríða
og draga úr fordómum sem þeir mæta mjög oft í
daglegu lífi. Ekki var síst lögð áhersla á mikilvægi
þess að minnka fordóma hjá heilbrigðisstéttum
varðandi þennan hóp sjúklinga. Hamfarir í kjöl-
far flóðbylgjunnar minntu á samspil umhverfis
og heilsu, þar með talinnar geðheilsu, og vekur
jafnframt spurningar um tengsl styrjalda og geð-
| heilbrigðis, heimilisofbeldis, fátæktar og geð-
heilsu, svo nokkur dæmi séu nefnd.
Við íslendingar erum blessunarlega laus við
að þekkja afleiðingar styrjalda í landi okkar en
hitt þekkjum við vel, ekki síst afleiðingar nátt-
úruhamfara þar sem við lifum í náinni sambúð
við fagra en óblíða íslenska náttúru. Rannsóknir
þyrftu í auknum mæli að beina sjónum að tengsl-
um umhverfis og geðheilsu. Mikið starf er fram
undan hjá heilbrigðisstéttum víða um heim, ekki
síst hjúkrunarfræðingum sem koma til með að
vinna næstu ár og áratugi við afleiðingar náttúru-
hamfara á fórnarlömb og aðstandendur þeirra.
I þessu tölublaði eru viðtöl við tvo hjúkrunar-
fræðinga sem sinntu bráðahjúkrun í tengslum
við flóðin, Paivi Muna hafði yfirumsjón með
hjúkrun þeirra sem komu á flugvöllinn í Vanda,
nágrannaborg Helsinki, og Kristín Gunnarsdóttir
var ein 12 hjúkrunarfræðinga sem fóru að sækja
sænska ferðamenn til Taílands.
í þessu tölublaði er einnig grein um nýjung í sársaukameðferð
og grein um offitu barna, en offita er sem kunnugt er að verða
eitt mesta heilbrigðisvandamálið í hinum vestræna heimi
meðan vannæring þjáir stóran hluta íbúa heimsins. Öryggi
sjúklinga hefur verið heilmikið til umræðu undanfarið ár. I lok
síðasta árs var haldið málþing sem lorystumenn tveggja helstu
heilbrigðisstéttanna, Félags íslenskra hjúkrunarfræðinga og
Læknafélags Islands, boðuðu til en sagt er frá því hér í þessu
tölublaði. Laura Scheving Thorsteinsson ritar grein um sama
málefni en hún flutti m.a. erindi á fyrrnefndu þingi.
Á þessu ári eru 80 ár síðan fyrsta tölublað hjúkrunarfræðinga
bar fyrst fyrir augu lesenda og verður haldið upp á það síðar á
árinu. Gleðilegt afmælisár!
Menalind
Vemd fyrir viðkvæma húð

BEDCO & MATHIESEN EHF
Bæjarhraun 10 - Hafnafjörður
Sími 565 1000 - bedco@bedco.is

Tímarit hjúkrunarfræðinga 1. tbl. 81. árg. 2005
5