Norðurslóð - 04.07.1986, Blaðsíða 1
10. árgangur
Föstudagur 4. júlí 1986
6. tölublað
Kjörstjórn á Húsabakka. F. v. Björn Þórleifsson, Hjörtur E. Þórarinsson,
Ármann Gunnarsson og dyravörður Sigurður Marinósson.
Hreppsnefd Svarfaðardalshrepps. F.v. Árni, Björn oddviti, Ingvi, Svana og Jón.
Kjörstjórn á Dalvík. Sitjandi f.v. Helgi Þorsteinsson, Halldór Jóhannesson
og Hailgrímur Antonsson.
Nýjar sveitarstjórnir
Kosningar 31. maí og 14. júní.
Þó að nokkuð sé liðið frá sveitarstjórnarkosningunum 31. maí og
14. júní þykir Norðurslóð rétt að helga þeim nú forsíðuna að þessu
sinni. Þá er m.a. haft í huga að lesendahópur þessa blaðs er að
einhverju leyti annar en t.d. Bæjarpóstsins, sem auðvitað hefur gert
þessu efni skil áður. Ennfremur er hugsað til þess heimildargildis
sem blaðinu er ætlað að hafa fyrir söguskoðendur framtíðarinnar.
Kosning í dreifbýlishreppunum
fór fram laugardaginn 14. júní
og er það samkvæmt nýjum
sveitarstjórnarlögum í síðasta
sinn, sem þessi tímamismunur
er á kosningunni milli bæja og
sveita.
Veður var hið besta kosningar-
daginn og streymdi fólk heim að
Húsabakka, þar sem kosning
fór fram, einkum á tímabilinu V
- 4. Samtímis var opin kaffisala
á vegum sóknarnefndar Tjarnar-
kirkju í skólaeldhúsinu og seldu
safnaðarkonur vel og fengu ca
35 þúsund krónur í glugga-
sjóðinn.
Á kjörskrá voru 181 og
greiddu 152 atkvæði, en það er
tæplega 84%.
Talning fór fram að aflokinni
kosningu og stóð fram á nótt.
Þess ber að gæta, að talning í
óbundinni kosningu er til mikilla
muna seinlegri en við listakosn-
ingu, en að auki var kosinn sýslu-
nefndarmaður.
Allmargt manna var saman
komið til að hlýða á talninguna
og var eftirvænting töluverð í
loftinu.
Úrslitin urðu svo sem hér segir:
Aðalmenn í hreppsnefnd,
Björn Þórleifsson Húsabakka
hlaut 80 atkv., Ingvi Eiríksson
Þverá í Skiðadal 77 atkv., Jón
Þórarinsson Hæringsstöðum 76
atkv., Svana Halldórsdóttir
Melum 58 atkv., Ámi Steingríms-
son Ingvörum 58 atkv.
Varamenn:
Símon Helgason Þverá,
Stefanía Jónasdóttir Brautar-
hóli, Margrét Gunnarsdóttir
Göngustöðum, Gunnsteinn
Þorgilsson Sökku og Kristján E.
Hjartarson Tjörn.
Sýslunefndarmaður var kjör-
inn Atli Friðbjörnsson á Hóli,
en til vara Gunnar Jónsson
Brekku. Þessi kosning gildir til
tveggja ára, en eftir það eiga
sýslunefndir að hverfa úr
sögunni.
Verkaskipting
Það merkasta við þessa kosningu
er trúlega það, að nú var kona í
fyrsta sinn kosin í hreppsnefnd
og karlaveldið þar með byrjað
að láta undan síga jafnvel í
Svarfaðardal. Ekki vitum við,
hvað þessi nýja hreppsnefnd
kemur til með að setja efst á
framkvæmdalista, en margur
verður vonsvikinn, ef að 4 árum
liðnum, verður ekki a.m.k.
komin góð hreyfmg, helst einhver
sýnilegur vottur um nýtt
samkomuhús fyrir þetta sveitar-
félag, sem um nokkurt skeið
hefur státað af hrörlegasta
samkomuhúsi á íslandi.
Samkvæmt nýjum sveitar-
stjórnarlögum skilar gamla
sveitarstjórnin af sér hálfum
mánuði eftir kosningu, og sú
nýja tekur við. Þann 29. júní
kom hin nýkjörna hreppsnefnd
Svarfaðardalshrepps saman á
heimili aldursforseta, Árna
Steingrímssonar á Ingvörum.
Tilefnið var fyrst og fremst að
skipta með sér verkum.
Þar var Björn Þórleifsson,
skólastjóri á Húsabakka, kjör-
inn oddviti. Varaoddviti varð
Ingví Eiríksson á Þverá, en
fjallskilastjóri Jón Þórarinsson
á Hæringsstöðum.
Mánudaginn 30. júní fóru svo
„stjórnarskiptin" fram, Halldór
Jónsson á Jarðbrú skilaði hrepps-
gögnunum í hendur Birni
Þórleifssyni sem flytur þau
norður fyrir Pollalækinn, heim í
Húsabakkaskóla.
Dalvík
Dalvíkingar gengu til kosninga
31. maí sl. og kusu sér nýja
bæjarstjórn. Kosningabaráttan
hafði ekki verið mjög löng. en
bara nokkuð lílleg. Fjölmiðlun
hefur aldrei veríð jaln mikil í
kringum kosningar og nú.
Svæðisútvarpið var tvívegis með
dagskrá þar sem lulltrúar list-
anna komu fram. Vikulega voru
pistlar frá listunum í Bæjar-
póstinum auk þess sem allir
aðilar voru með sýna útgáfu.
Það var því vart hægt að saka
frambjóðendur um að koma
ekki skoðunum sínum á fram-
færi við kjósendur.
Kjörsókn var ekki mikil í
byrjun. í hádegisfréttum
útvarpsins var kjörsókn hér
talin heldur lítil miðað við ýmsa
staði. Úrþessu rættist þegarleið
á daginn og varð endirinn sá að
af þeirn 911 sem voru á kjör-
skrá kusu 822, eða 90,23%.
Á kjörstað greiddu 724 atkvæði
og 98 utan kjörstaða. lalning
atkvæða tafðist nokkuð vegna
misræmis á kjörgögnum. Eftir
að það leiðréttist gekk talning
vél.
Strax í byrjun talningar var
ljóst að umtalsvcrðar brcytingar
myndu verða miðað við síðustu
kosningar. Raunar hagaði
þannig til að fyrstu atkvæðin
voru mjög mikið á D listann og
leit út fyrir hreinann meirihluta
hans. Þó það verði aidrci
sannað, leikur grunur á að þá
hafi nú larið að fara um ýmsa.
Úrslit lágu svo í'yrir um klukkan
tvö og voru þannig:
B listinn hlaut 271 atkvæði og
tvo ntenn kjörna.
D listinn hlaut 337 atkvæði
og þrjá menn kjörna.
G listinn hlaut 200 atkvæði og
tvo menn kjörna.
Samkvæmt þessari niðurstöðu
skipa bæjarstjórn Dalvíkur
næsta kjörtímabil, eða til 1990:
Af B lista Guðlaug Björns-
dóttir og Valdimar Bragason.
Af D lista J rausti Þorsteins-
son, Ólafur B. Thoroddsen og
Ásdís Gunnarsdóttir.
Af G lista Svanlríður Jónas-
dóttir og Jón Gunnarsson.
Samkvæmt nýjum sveitar-
stjórnarlögum tók svo hin ný-
kjörna sveitarstjórn við 15
dögum eftir kosningar. Tíminn
frá kosningum og þar til hin
nýja bæjarstjórn tók formlega
við var notaður til að mynda
meirihluta í bæjarstjórn. í kosn-
ingunum féll hreinn meirihluti
Framsóknar svo nýjan þurfti að
mynda. D listinn var í hugum
flestra aðal sigurvegarinn og
hafði frumkvæðið í þessum
efnum. Þeir D lista menn sneru
sér til G listans og þrátt fyrir
fjarlægðina milli Alþýðubanda-
lags og Sjálfstæðisflokks á
landsvísu virðist hafa gengið
átakalítið að mynda meirihluta
Frh. bls. 6
Bajarstjóm Dalvíkur. F.v. Guðlaug Björnsdóttir, Ásdís Gunnarsdóttir, Ólafur Thoroddsen, Stefán Jón Bjarnason
bæjarstjóri, Trausti Þorsteinsson forseti bæjarstjórnar, Svanfríður Jónasdóttir, Jón Gunnarsson, Óskar Pálmason
varamaður Valdimars Bragasonar.