Norðurslóð - 04.07.1986, Side 2
NORÐURSLÓÐ
Útgefendur og ábyrgðarmenn:
Hjörtur E. Þórarinsson, Tjörn, Svarfaðardal
Jóhann Antonsson, Dalvík
Afgreiðsla og innheimta: SigríðurHafstað, Tjörn
Sími 96-61555
Ljósmyndari: Rögnvaldur Sk. Friðbjörnsson
Prentun: Prentsmiðia B/örns Jónssonar
í nýafstöðnum bæjarstjórnarkosningum var útgáfustarfsemi
framboðslistanna hér á Dalvík talsvert lífleg. Það er í raun
merkilegt að siík sérútgáfa skuli hafa verið mun meiri nú en
áður þegar haft er í huga hve önnur fjölmiðlun var mikii. Hér
er vikublað gefið út og komu framboðslistarnir sjónarmiðum
sínum þar á framfæri í nokkrum síðustu blöðunum fyrir
kosningar. Svæðisútvarþið var með kosningadagskrá tvívegis.
Fjölmiðlun öll er margföld að magni nú miðað við kosningar
fyrri ára. í raun er þetta í takt við breytta tíma í þessum
efnum. Umræða í þjóðfélaginu er til muna opnari en varfyrir'
fáum árum. Fjölmiðlun öll meiri, opnari og hvassari.
Auðvitað má efast um að slíkt sé í öllum tilfellum til bóta,
einkanlega þegar hlutirnir eru sagðir í hita baráttunnar, eins
og sagt er í kringum kosningar.
Áhrifamáttur fjölmiðla er mikill. Útvarp og sjónvarp hafa
yfirburði í þessum efnum og geta með frásögn sinni og
reyndar stundum þögn haft afgerandi áhrif. Það hefur sýnt
sig, að þó fréttir hafi verið í blöðum hafa þærekki náðathygli
fyrr en t.d. sjónvarpið hefur tekið málið upp. Einmitt vegna
þessa áhrifamáttar er ábyrgð sjónvarpsins og þeirra sem þar
vinna mikil. Oftar en hitt hafa menn mætt þeirri ábyrgð með
því að þegja um hlutina.,NýIeg ályktun útvarpsráðs bendir til
að ýmsum þyki enn þögnin þægilegust. Fréttir undanfarinna
vikna af rannsókn gjaldþrotamáls stórfyrirtækis og tengsl
þess út um þjóðfélagrð sýna nauðsyn opinnar fjölmiðlunar.
Réttvísin mun- vonandi dæma um sekt eða sakleysi manna.
Þar verður dæmt eftir gildandi Íagabókstaf. En dófnstólar
svara ekki spurningunni um hvort þær leikreglur sem farið er
eftir standist eðlilegar siðferðiskröfur. Fjölmiðlar hafa
skyldum að gegna gagnvart almenningi í þeim efnum.
J.A.
Sumarferðir
Ferðafélag Akureyrar við Skeiðsvatn 30. júní 1986. Vesturfjöllin, Auðna-
sýling og fleiri.í baksýn.
Ferðafélag Svarfdæla hefur
staðið fyrir nokkrum ferðum á
ári bæði sumar- og vetrarferð-
um. Yfirleitt hafa þessar ferðir
verið vel heppnaðar og þátttaka
í mörgum þeirra ágæt.
Síðasta ferð félagsins var
farin á föstudaginn langa, skíða-
ferð kringum Hnjótafjall, sem
tókst með ágætum.
Nú hefur stjórn Ferðafélags-
ins ákveðið 4 skipulagðar ferðir
á þessu sumri sem hér segir:
1. Nykurtjörn - Lómatjörn -
Steindyrafoss. Kvöldferð þriðju-
daginn 15. júlí. Farið verður frá
þjóðveginum við Grundarrétt
kl. hálf níu um kvöldið. Farar-
stjóri Hjörtur E. Þórarinsson.
2. Látrar - Grenivík, dagsferð
laugardaginn 26. júlí. Farið
verður sjóleiðis að Látrum og
gengið að Svínárnesi ef aðstæður
leyfa. Annars ekið á Grenivík og
gengið lengra úteftirströndinni.
Fararstjóri Valdemar Bragason.
2 - NORÐURSLÓÐ
3. Tungnahryggsskáli 16. -
17. ágúst. Ekið verður að
Baugaseli í Barkárdal og gengið
í skálann og gist þar. Gengið
næsta dag niður í Skíðadal eða
Hjaltadal eftir óskum. Farar-
stjóri Jón Baldvinsson.
4. Hrísey 7. september.
Gengið að Vita, keypt hressing í
Brekku. Fararstjóri Gunnsteinn
Þorgilsson:
Allar verða ferðirnar auglýst-
ar sérstaklega í tæka tíð.
Árbók Ferðafélags
íslands 1986
Nú er árbók Ferðafélags íslands
komin út og geta áskrifendur og
aðrir fengið hana hjá Jóni
Baldvinssyni formanni Ferða-
félags Svarfdæla. Hún fjallar
um Snæfellsnes norðan fjalla,
250 blaðsíður prýdd fjölda
glæsilegra mynda.
Sálir Jónanna
Gömul þjóðsaga í nýjum búningi
Kerling I, kerling II og bóndi hvfla lúin bein,
Ljósm. Rut Hallgrímsd,
i'-'CÍfi m ' j , 1ÍHW»||
v 4A A
Hugleikur - leikfélag áhugamanna í Reykjavík sýnir leikinn
„Sálir Jónanna“.
Höfundar: Ingibjörg Hjartardóttir, Sigrún Óskarsdóttir og
Unnur Guttormsdóttir.
Leikstjóri: Bjarni Ingvarsson.
Leikmynd: Helgi Ásmundsson.
Lýsing: Ólafur Órn Thoroddsen.
Organisti: Anna Ingólfsdóttir.
Leikhljóð: Hjálmtýr Heiðdal.
Mér fannst nærri eins og ég
væri kominn í Þinghúsið á
Grund á nýjan leik þarna á
Galdraloftinu í Hafnarstræti 9 í
Reykjavík. Háaloftið í húsinu
hefur verið innréttað sem leik-
hús. Það er að vísu lítið og
þröngt, með sætum fyrir 50 - 60.
manns, svartmálaða leiksviðs-
umgjörð og heimagerða ljós-
kastara sem eru búnir til úr
tómum málningardollum. Nokkrir
beddar stóðu á gólfinu fyrir
framan áhorfendur, híalínstjöld
að baki. Áhorfendur biðu
þögulir og eftirvæntingarfullir
eftir að leiksýningin hæfist í
þessari nýstárlegu vistarveru.
Og nú eru lesendur Norður-
slóðar líklega farnir að spyrja
með sjálfum sér. „Af hverju er
maðurinn að skrifa í Norðurslóð
um leiksýningu suður í Reykja-
vík?“ Það er vegna þess að
Svarfdælingar eiga drjúgan hlut
að henni. Einn þriggja höfunda
leikritsins er Ingibjörg Hjartar-
dóttir frá Tjörn. Hinir höfund-
arnir eru Sigrún Óskarsdóttir
(þó ekki frá Dalvík) og Unnur
Guttormsdóttir, en hún á ættir
að rekja í dalinn, komin út af
Hjörleifi Guttormssyni presti á
Völlum og Tjörn. Björn Ingi
Hilmarsson (Daníelssonar á
Dalvík) leikur eitt aðalhlut-
verkið, Kölska, Unnur leikur
fylgju hans, Móra. Hjörleifur
Hjartarson frá Tjörn leikur eitt
af aðalhlutverkunum og Árni
bróðir hans fer með auka-
hlutverk.
Nú er að segja frá sjálfu
leikritinu. Það er um þjóð-
söguna af gömlu kerlingunni
sem fór með sálina hans Jóns
síns og smúlaði henni inn í
himnaríki. Hér eru sálir Jónanna
fjórar. Þráðurinn úr Gullna
hliðinu er spunninn, en alveg
með nýju ívafi, þ.e. textinn er
nýr, oft með haglegum setning-
um og mergjuðum vísum. Eg
heyrði tungutakið að heiman
innan um og saman við.
Uppákomur úr íslenskum
þjóðsögum eru notaðar í bland
við þemað úr Gullna hliðinu.
Er það góð hugmynd og skapar
tilbreytingu í leikinn. Einnig sú
hugdetta að beita fyrirbærum úr
nútímanum í verkinu, útvarps-
þul, veðurfregnum og sönglandi
flugvallarrödd.
Leikritið Sálir Jónanna á að
vera harmleikur. Svo segir í leik-
skrá. Og höfundum og leikend-
um tókst nokkurn veginn að
koma þeim boðskap til skila:
annars vegar breyskleika hrösun,
fátækt og þrældómi og á hinn
bóginn fómfýsi, þolgæði og kær-
leik sem umber allt. En það var
grunnt á grallaraskapinn eins og
t.d. þegar María mey birtist í
skvísugerfi, blásandi sápukúlur og
Pétur postuli með eldrauðan
hárlubba.
Björn Ingi túlkaði leður-
klæddan skrattann með tilþrif-
um og góðri framsögn og fasi.
Unnur var prýðilegur Móri,
með heimagerðan hrossabrest.
Kerlingar þrjár eru býsna vel
gerðar persónur frá hendi
höfunda. En enginn hefði trúað
því að Sigríður Helgadóttir sem
lék kerlingu I væri nýkomin á
fjalirnar nú á sjötugsaldri. Svo
einlæg og fumlaus var túlkun
hennar á ímynd hins besta í fari
hinnar íslensku sveitakonu.
Kerling II er heimóttin sjálf.
Hana leikur Anna Kristín
Kristjánsdóttir af mikilli íþrótt
og skoplegum svipbrigðum.
Kerling III er forað og pilsvarg-
ur svo að mann óar við. Kemur
Sigrún Óskarsdóttir fenjugangi
hennar vel til skila. Karl einn
sem ekki er eins og fólk er flest,
er fremur sviplítil persóna frá
hendi höfunda. Hjörleifur á
Tjörn leikur hann og kemst vel
frá.
Leikritið var allt flutt af
ósvikinni leikgleði áhugafólks-
ins sem var svo smitandi að
áhorfendur hrifust með og nutu
sýningarinnar. Leikstjórn og
leikmynd, búningar, lýsing og
leikhljóð allt var þetta prýðilega
vel af hendi leyst hjá þeim
Bjarna Ingvarssyni leikstjóra,
Helga Ásmundssyni er sá um
leikmynd, Ólafi Erni Toroddsen
sem stjórnaði lýsingu, Hjálmtý
Heiðdal er framleiddi leikhljóð
og Önnu Ingólfsdóttur organ-
leikara.
Þess skal að lokum getið að
þessi uppfærsla á sálum Jónanna
var valin sem eitt af þremur
leikritum frá íslandi til flutnings
á norrænni leiklistarhátíð
áhugamanna sem var haldin í
Reykjavík nú á dögunum.
Áhugamannaleikfélög ættu að
gefa þessu leikriti gaum.
Júlíus J. Daníelsson
P.S. í fyrra var leikritið Skugga-
Björg í leiksviðsbúningi sömu
höfunda og Sálir Jónanna sýnt
hér í borg við góðar viðtökur.
J.J.D.