Norðurslóð - 29.07.1986, Qupperneq 3
Yfir I.ilífsá. I.jósm. H.K.Ij.
leiðarlýsingum að hað þurfi
að fara í 400 metra hæð, en það
eru áreiðanlega ýkjur. Sama er,
útsýnið er stórkostlegt yfir um
Eyjafjörð og allt til Sigluness.
Eftir 2 og 1/2 tíma göngu
kemur hópurinn að næsta bæ,
Grímsnesi. Frá þessum fallega
stað fluttist Steingrímur Jóns-
son og fjölskylda hans til
Dalvíkur 1938 og jörðin fór í
eyði. (Hann byggði sér hús á
Dalvík og kallaði Grímsnes. Þar
býr Jón sonur hans nú.)
Nú voru menn þ.e. 5 karlar og
4 konur, orðnar matar- og
hvíldarþurfi, svo menn settust
að við kvíavegginn og tóku til
malpokans.
Grímsnes hefur verið fremur
,,lítil jörð að landkostum, en
mikil að sjávargagni" eins og
stendur í sveitarlýsingunni.
„fjörubeit, reki, selveiði og
útræði“.
Áfram er haldið. Næsti bær,
Sker, er 3 km innar. Þar eru
f'allegar bæjarrústir og útihúsa.
Einkennileg löng jarðgöng frá
bæ eða fjósi út í læk. Þarna kvað
hafa verið snjóflóðahætt. Flóð
féll á fjárhúsin og drap flestar
ærnar 1926. Þá flutti fólkið út í
Látra, en Sker fór i eyði. Feðg-
arnir fórust 9 árum síðar svo
sem áður var sagt.
En áfram og áfram og aldrei
til baka. Næsti áfangi er inn að
Steindyrum 2,5 km innar. Allt
vafið gróðri, þó ekki skóggróðri
og nú er allt löðrandi í sauðfé
þeirra Höfðhverfinganna.
Steindyr hefur verið skemmti-
leg jörð og þar hafa greinilega
búið þrifabændur undir það
síðasta. Það sér maður m.a. á
vallargarðinum, sem er svo vel
gerður að hann er nánast sauð-
heldur ennþá svo þverhnýfturer
hann á ytri brún. En enginn má
sköpum renna, jörðin fór í eyði
1930 og þar með var draumur-
inn búinn.
Næst er áð við stórbýlið
Svínárnes. Það er á móts við
suðurenda Hríseyjar neðan
undir Svínárdal, en upp eftir
honum sér í kollinn á Kaldbak,
1 167 m háan. (Þar uppi er varða
og á koparplötu stendur: Land-
mælingar Islands 1918? Síðan
kemur þessi merkilega hótun:
Röskun varðar refsingu.)
„Svínárnes var hið mesta
stórbýli og útróðrarstöð.
Þangað voru farnar skreiðar-
ferðir og þurfti ekki lengra sjó-
fang að sækja" segir í byggðar-
lýsingunni. Samt fór þessi
fallega vildisjörð í eyði 1959 og
síðasti ábúandinn flutti til Hrís-
eyjar.
Undirritaður hafði hugsað
sér að koma í Svínárnes fyrir
marglöngu síðan. Nokkurs-
konar pílagrímsferð. Þarna bjó
nefnilega langalangafi hans og
amma, Guðlaugur Sveinsson og
Anna Halldórsdóttir á fyrri
hluta síðustu aldar. Dóttir
þeirra var Anna, kona
Jóhannesar Halldórssonar, sem
keypti Urðir í Svarfaðardal og
fl uttist þangað 1861, faðir
Sigurhjartar, föður Sigrúnar á
Tjörn. Geta margir Svarfdælir
rekið ætt sína til þessara Svín-
árneshjóna.
Nú er jörðin notuð sem beiti-
land, en jafnframt stunda ein-
hverjir Grenvíkingar þar kart-
öflurækt á stórum ökrum og
skýla með girðingum gerðum af
loðnunót. Og það er ágætur
jeppavegur heim að bænum.
Þá er að nefna síðasta eyði-
býlið. Hringsdal. Bæjarstæðið
er bráðfallegt í grösugum dal.
afar skjóllegum. Þarna hefur
verið gaman að búa upp á
fornan máta og stunda sjóinn
Jr
KOSTABOK
1. kostur '.
2. kostur ■■
3. kostur -.
4. kostur:
Innstæda er alltaf laus.
Vextir eru 13% eda hærri,
ef verdtrygging reynist betri.
Vextir færast tuisvar á ári.
Leidréttingavextir af úttekt
eru adeins 0,7%.
5. kostur ■. Leyfdar eru tvær. úttektir á
ári án vaxtaskerdingar.
KOSTABÓK er gódur kostur.
inTiLATiSDEILD Ú.K.E. DALVIK.
2?
jöfnum höndum. Samt fór
jörðin í eyði 1932. Þaðan var
Þórlaug Oddsdóttir í Brekku,
kona Halldórs Jónssonar bónd
og dýralæknis, sem allir eldri
menn hér muna. Sigurlaug í
Brekku dóttir þeirra fæddist í
Hringsdal 1910 en fluttist
hingað með foreldrum sínum 2
ára.
Ferðalok
Nú fór að styttast á leiðarenda.
Tveim km. innar en Hrings-
dalur er bærinn Finnastaðir og
beint þar upp af Hjalli. Á
þessum bæjum eru a.m.k. tún
nytjuð og einhver búseta er þar.
enda örstutt inn í Grenivík. Á
Finnastöðum beið göngumann-
anna bíll frá Dalvík. Fegnir
urðu menn að setjast upp í far-
kostinn eftir 7 tíma göngu frá
Látrum. En það verður að
viðurkennast að fólk var ekkert
að flýta sér og sjálfsagt er hægt
að fara þetta á 4 tímum eins og
fólkið sagðist hafa gert sem
deginum áður fór þessa leið.
Þetta var góð og vel lukkuð
ferð eins og þær eru flestar hjá
Ferðafélagi Svarfdæla. Sárast
hve ótrúlega fáir hafa áhuga og
framtak til að leggja leið sína
um fáfarnar slóðir utan bílvega.
En hvað um það, sá sem
aldrei reynir veit heldur aldrei
hvers hann fer á mis og unir því
glaður við bílinn sinn ogtroðnu
slóðirnar. ,,Það er svo misjafnt
sem mennirnir leita að . .“ segir
skáldið og ekkert frekar um það
að segja.
En hitt er víst, að ferða-
félagarnir 9, sem gengu Látra-
strönd laugardaginn 26. júlí
1986 sjá ekki eftir áreynslunni
og munu varla gleyma strax
þessari könnunarferð um hina
eyddu byggð, sem blasir við
okkur handan fjarðar.
H.E.Þ.
Starfsmann vantar á Dalbæ
Starfsmann vantar í eldhúsiö á Dalbæ frá 10. sept.
1986. Um er að ræða 50% stöðu og unnið er á
dagvöktum.
Umsóknarfrestur er til 30. ágúst.
Upplýsingar gefur forstöðumaður.
Svarfaðardalshreppur
Nú hefur verið útbúin skrifstofuaðstaða fyrir
hreppinn í húsnæði Bókasafns Svarfdæla, íkjallara
syðri byggingar á Húsabakka. Sími hreppsins -
61332 - hefur einnig verið fluttur þangað.
Oddviti Svarfaðardalshrepps.
ATVINNA
Lausar stöður á Dalvík:
Eftirtaldar stöður hjá Dalvíkurbæ eru lausar til
umsóknar:
Bæjarritari
í starfinu felst dagleg stjórnun bæjarskrifstofu,
umsjón með fjárreiðum bæjarsjóðs og rekstri. Góð
bókhaldsþekking auk þekkingar á sviði tölvunotk-
unar nauðsynleg. Launakjörskv. launastigaStarfs-
mannafélags Dalvíkurbæjar.
Aðalbókari
í starfinu felst umsjón með bókhaldi bæjarsjóðs og
bæjarfyrirtækja auk færslu bókhalds. Launakjör
skv. launastiga Starfsmannafélags Dalvíkurbæjar.
Æskilegt er að umsækjendur gætu hafið störf sem
fyrst. Umsóknir er tilgreini menntun og fyrri störf
sendist til bæjarstjórans á Dalvík fyrir 12. ágúst.
Allar frekari upplýsingar gefa bæjarritari og bæjar-
stjóri.
Dalvikurbær, Ráðhúsinu, 620 Dalvík.
Frá Húsabakkaskóla
Húsabakkaskóli auglýsir eftir aðstoðarmanni í mötuneyti
næsta skólaár. Vinna þar hefst um 20. september.
Upplýsingar veita formaður skólanefndar, Jóhann Ólafsson
Ytra-Hvarfi. sínii 61515 og skólastjóri. Björn Þórleifsson
Húsabakka, sími 61552.
Svarfdælir - Ferðafólk
Kaffisala verður í I unguseli við Tungurétt um versl-
unarmannahelgi 3. og 4. ágúst n.k. (st.nnudag og
mánudag) frá kl. 2 - 6 eh. Sömuleiðis sunnudaginn 10.
ágúst frá 2 - 6 e.h.
Komið og njótið góðra veitinga.
Nefndin.
NORÐURSLÓÐ 3