Norðurslóð - 30.09.1986, Blaðsíða 7

Aöalsteinn Loftsson
Minning
Aðalsteinn Loftsson lést á
Fjórðungssjúkrahúsinu á Akur-
eyri 1. september sl. Útgerðar-
saga Aðalsteins er löng og
samofin atvinnusögu þessa
byggðarlags. Mér var hún, rétt
eins og öðrum Dalvíkingum, að
nokkru kunn þegar kynni okkar
Aðalsteins hófust um 1970. Þá
tók ég að mér að vinna fyrir
hann ýmis verkefni, uppgjör og
annað tilfallandi. Þannig kynnt-
ist ég athafnamanninum Aðal-
steini Loftssyni vel, einmitt á
þeim árum er hugur hans stóð til
hvað stærstra verka. Ekki er
meining mín að rekja hér
æfiferil Aðalsteins þó ég, vegna
þessara kynna, minnist með
nokkrum orðum þessa litríka
athafnamanns sem nú er horf-
inn af sjónarsviðinu.
Það mun hafa verið 1942 að
Aðalsteinn kaupir sinn fyrsta
bát í félagi við bræður sína.
Raunar má segja að útgerð þessi
sé í rökréttu framhaldi af útgerð
föður þeirra, Lofts Baldvins-
sonar frá Böggivsstöðum. Eins
og efni stöðu til og aðstæður
leyfðu jukust umsvifin kringum
Aðalstein því ætíð stóð hugur
hans til stærri verka. Bátum
fjölgaði og þeir stækkuðu jafn-
framt því að hann hóf fisk-
vinnslu bæði hér á Dalvík og
suður með sjó, en þangað var
sótt á vetrarvertíð.
Þótt mönnum kunni að þykja
sveiflur í sjávarútvegi miklar í
dag, voru þær þó meiri hér áður
og kom ýmislegt til. Ekki síst
var það síldin, sá duttlungafulli
fiskur sem áhrif hafði, bæði hér
og annarsstaðar. Stundum
veiddist mikið af henni, stund-
um ekki neitt. Um leið var hún
örlagavaldur fyrir útgerðina. En
þótt síldin væri duttlungafull
hafði Aðalsteinn oft við orð að
ekkert væri jafn heillandi og
hún, hvort sem um var að ræða
útgerðina eða vinnsluna í landi
og munu vísast margir geta
tekið undir þau orð. 1 góðum
árum voru lögð drög að nýjum
og stærri bátum og endurnýjun.
Undir lok síldveiðanna hér fyrir
norðan og austan réðst Aðal-
steinn í að láta byggja fyrir sig
stórt og fullkomið nótaveiði-
skip. Meðan á smíði stóð varð
ljóst að síldin var horfin, í bili að
minnsta kosti. En skipið, Loftur
Baldvinsson, kom 1968 og var
þá glæsilegasta fiskiskipið í
flotanum en næsta verícefna-
laust sýndist mönnum. Reyndin
varð önnur og útgerð þessa
skips varð fádæma farsæl.
Ekki var þó látið þar við sitja
og þegar skuttogarar fóru að
koma til landsins ákvað Aðal-
steinn að kaupa hingað til
Dalvíkur einn af þeim stærstu.
Þegar þau kaup voru gerð var
það hald manna að þessi stærð
væri hagkvæm í rekstri. Vegna
breyttra ytri aðstæðna m.a. átti
þó annað eftir að koma í ljós og
varð því útgerðarsaga skuttog-
arans Baldurs ekki löng hér á
Dalvík. En fleira kom til,
Aðalsteinn missti heilsuna um
tíma á þessum árum og náði
þess vegna aldrei þeim tökum á
þessari útgerð sem ella hefði
orðið ef heilsa hans hefði leyft.
Útgerðarsaga Aðalsteins og
þau dæmi sem hér hafa verið
rakin sýna vel þann stórhugsem
mér fannst einkenna hann. En
stórhugur Aðalsteins náði einnig
til annara þátta er máli skiptu
fyrir vaxandi útgerð hér á
Dalvík. Sem dæmi um það
minnist ég þess er við sátum
saman í hafnarnefnd 1974.
Hann setti þá fram hugmynd
um að stækka höfnina með
brimvarnargarði fram úr svo-
kallaðri Brimnestöng til að
minnka hreyfíngar í höfninni og
stækka athafnasvæðið. Mörg-
um þótti hér um óraunhæfa
tillögu að ræða. Nokkrum árum
síðar var þessi hugmynd tekin
inn í skipulag af höfninni eftir
að módeltilraunir sýndu þetta
góðan kost. Líkur benda til að
inan skamms verði þetta ein
nauðsynlegasta framkvæmdin
við höfnina.
Þrátt fyrir stórhug var Aðal-
steinn raunsær maður og gerði
sér góða grein fyrir vandamál-
um líðandi stundar. Hans lausn-
ir á vandanum voru aldrei
fólgnar í því að ýta honum á
undan sér, heldur að hugsa stórt
og finna lausn til frambúðar.
Aðalsteinn var fæddur að
Böggvisstöðum 2. júní 1915 og
var því 71 árs þegar hann lést.
Eftirlifandi maki hans er Jónína
Kristjánsdóttir frá Eskifirði.
Þau eignuðust tvö börn, Elsu og
Þorstein.
Eg tel mig búa að því að hafa
kynnst Aðalsteini með þeim
hætti sem varð og vil með
þessum orðum einnig votta
aðstandendum hans hluttekn-
ingu mína vegna fráfalls hans.
J.A.
Langar þig í eitthvað gott, hollt og
ótrúlega ódýrt að borða?
Láttu þá verða af því. Það er einfalt.
TAKTU SLÁTUR HJÁ OKKUR.
Sláturhús ÚKE Dalvík.
P.S. En flýttu þér. Það eru margir um hituna.
Laust starf
Óskum að ráða starfsmann í skráningu.
Umsóknarfrestur er til 15. október n.k.
Upplýsingar um starfið gefur sparisjóðs-
stjóri.
83 Sparisjóóur Svarfdœla • Dolvík
Viðskiptavinir - Athugið
Þann 1. október n.k. breytist opnunartími
söluopa (lugu) sem hér segir:
Mánudaga - föstudaga: lokað
Laugardaga og sunnudaga:
opið frá kl. 10.00 - 12.30
og frá kl. 13.30 - 19.00
SVARFDÆLABÚÐ
ATVINNA
Laus er til umsóknar 50% staða e.h. við leikskól-
ann Krílakot.
Lifandi og skemmtilegt starf með börnunum og
góður starfsandi.
Umsækjandi þarf að geta hafið störf 15. okt.
Umsóknum skal skila á bæjarskrifstofu í síðasta
lagi 8. okt.
Nánari upplýsingar veitir forstöðumaður í síma
61372.
Félagsmálaráð Dalvíkur.
NORÐURSLÓÐ - 7