Norðurslóð - 25.11.1986, Blaðsíða 5
íkurhöfn
hníga að staðsetningu slíjcs
markaðar á Dalvík.“
Þessi samþykkt var send til
nefndarinnar og henni fylgt eftir
með samtölum. Þegar nefndin
síðan skilaði áfangaskýrslu til
ráðherra kom nafn Dalvíkur af
þessum ástæðum frá henni. Það
hefur víða komið fram skilning-
ur á því að á Eyjafjarðarsvæðinu
rísi fiskmarkaður. Þeir sem lagt
hafa mat á staðsetningu hér á
því svæði viðurkenna yfirburði
Dalvíkur í þeim efnum. Sigling
skipa er stytst til Dalvíkur af
þeim höfnum hér sem eru í
beinustu sambandi landleiðina.
Dalvík er ákaflega miðsvæðis
hvort heldur horft er vestur um
eða austur.
1 upphafi var reiknað með að
nefndin á vegum ráðuneytisins
hefði visst frumkvæði um stofn-
un markaða hér sem annars-
staðr. En þegar samkeppnin var
orðin mjög hörð um staðsetn-
ingu á Faxaflóasvæðinu og
Hafnfirðingar tóku frumkvæði í
þeim efnum dróg nefndin sig
útúr frekari undirbúningi.
Frumkvæði verður því að vera
hér heima með það sem eftir er.
En hvernig verður svo fram-
haldið? Kristján sagði að bæjar-
ráð hefði lagt það til við bæjar-
stjórn að vinnuhópur verði nú
þegar skipaður til þess að reka
smiðshöggið á þessar hugmynd-
ir. Sú vinna á í sjálfu sér ekki að
taka langan tíma. Líkt og á
höfuðborgarsvæðinu virðist nú
vera í uppsiglingu talsverð sam-
keppni um staðsetningu svona
markaðar hér í Eyjafirði eða á
Norðurlandi. Auðvitað er til
mikils að vinna fyrir hvert
byggðarlag að fá svona atvinnu-
starfsemi til sín, svo það er
ekkert undarlegt að hver haldi
sínu fram. Það hefur samt ekki
farið fram hjá neinum að við
höfum sýnt frumkvæði og höf-
um með því og röksemdurn um
eðlilega staðsetningu hér umtals-
vert forskot. Þetta forskot verðum
við Dalvíkingar að notfæra
okkur. Hér er til mikils að vinna
sagði Kristján Þór Júlíusson
bæjarstjóri að lokum.
Fisk-
vinnslan
Bolfísksafli svipaður og í
fyrra rækjuafli meiri
Bolfiskafli er svipaður nú og á
sama tíma í fyrra. Saltfiskurinn
virðist eitthvað hafa aukist en
frysting heldur dregist saman. Á
þessu ári hefur talsvert verið
hengt upp í hjalla fyrir Ítalíu-
markað.
En hvað hefur verið að gerast
hjá fiskvinnslustöðvunum á árinu.
Það kom fram i spjalli við
Gunnar Aðalbjömsson hjá frysti-
húsi KEA að þar hafa verið
urmin 5.900 tonn á tíu fyrstu
mánuðum ársins, sem er ívið
meira en á sama tíma í fyrra.
Vinnslan skiptist þannig að
2.210 hafa farið í salt, 3.360
tonn til frystingar og 330 tonn í
skreið. Um það bil 600 tonna
samdráttur hefur verið í fryst-
ingu frá síðasta ári en sam-
svarandi aukning verið í salt-
fiski. Skreiðarverkun er svipuð
og áður nema hvað minna hefur
verið hengt upp að hausum í ár.
Allir hausarnir eru hins vegar
seldir og vonast er til að það sem
þurrt verður af þeim verði búið
að flytja út fyriráramót. Gunnar
sagði að biigðir hefðu sjaldan
verið eins litlar af fullunnum
vörum og nú. Saltfiskurinn og
frystar afurðir færu eftir hend-
inni og nú hefur verulega ræst úr
varðandi skreiðina.
Þeir hjá frystihúsinu reikna
með að stöðva vinnslu í kring-
um 20. desember, og telja góðar
líkur á að samfelld vinna haldist
þangað til. Undanfarin einn og
hálfan mánuð hefur einungis
verið unnið í dagvinnu í frysti-
húsinu. Svipaður fjöldi starfs-
fólks er þar við vinnslu og á
þessum tíma árs og verið hefur.
Nú standa yfir námskeið fyrir
fiskvinnslufólk og er meiningin
að koma sem mestu frá af þeim
nú á þessum daufari tíma hvað
vinnslu snertir. Gunnar sagði að
þeir væru í stakk búnir til að
vinna meira hráefni en þeir
hefðu fengið að undanförnu.
Engin sölutregða
Kristján Þórhallsson verkstjóri
hjá Söltunarfélagi Dalvíkur hf.
sagði að aldrei í sögu félagsins
hefði verið tekið á móti jafn
miklum rækjuafla eins og á
þessu ári. Búið var að vinna um
2.000 tonn af hráefni frá ára-
mótum til miðs nóvember. Mest
barst að í ágúst eða 324 tonn,
það er svipaður afli og verið var
að vinna allt árið hér áður fyrr,
þegar úthafsveiðin var að slíta
barnsskónum. Annars sagði
hann að hráefnið hefði borist
mjög jafnt að á fyrstu mánuð-
um ársins þetta um 200 tonn á
mánuði. Slakasti mánuðurinn
hefði verið júní þá hefði verið
tekið á móti 64 tonnum. Vegna
þess að dregið hefur úr veiði nú
um stund og ógæftir verið hefur
vinna verið stopulli en áður.
Hins vegar vonast þeir til að
vinna verði samfeld fram að
áramótum, því þó nokkrir
stunda rækjuveiðar enn. Þrátt
fyrir að mikið magn hefur verið
unnið hefur aldrei þurft að
liggja með birðir. Rækjumark-
aðir erlendis hafa líklega aldrei í
sögunni verið eins hagstæðir og
að undanförnu. Öll rækja farið
jöfnum höndum og verðlag
verið með afbrigðum hát.t.
í veiðiferð með Björgvini
Jón Þ. Baldvinsson hefur tekið
margar myndir fyrir Norður-
slóð á undanförnum árum. f
sumar fór Jón nokkra veiðitúra
á togaranum Björgvin EA 311.
Eins og áhugaljósmyndara ber
hafði hann með sér Ijósmynda-
vélina og höfum við fengið
nokkrar myndir til að birta nér
á síðunni. Á myndinni hér við
hliðina bindur Leifur Björnsson
fyrir pokann, áður en trollið fer í
sjóinn. Á næstu mynd er búið að
taka trollið og leysa frá pokan-
um. Þá er komið að Hartmanni
og félögum í slægingunni og
loks er Leifur og félagar að
kassa og ísa aflann.
Nýr bátur - nýtt hús
Ottó Jakobsson hjá Blika h/f
sagði að þeir væru búnir að taka
á móti 1300-1400 tonnum á
þessu ári af Baldri og ýmsum
öðrum til dæmis bátum og trill-
um á vetrarvertíðinni. Bliki EA
hefur aftur á móti verið á rækju
allt árið og hefur aflað um 700
tonnum af rækju. Það sem
unnið hefur verið hjá Blika
hefur farið í salt eða verið hengt
upp í skreið fyrir Ítalíumarkað.
Skreiðarverkunin í ár kom
sérstaklega vel út. Hún er nú öll
útflutt og að mestu hluta greidd.
í haust hefur verið heldur lítið
hráefni. Þess vegna hefur það
verið undantekning ef unnið
hefur verið lengur en 8 tímar á
dag. Blikamenn eiga nógan
kvóta eftir að þeir segja. Afli
hefur aftur á móti verið rýr að
undanförnu og gæftaleysi, en
þeir gera sér vonir um að full
atvinna haldist hjá þeim til
áramótanna.
í síðasta mánuði keypti Bliki
bát frá Árskógsströnd, Sæþór
sem nú heitir Bjarmi EA 13.
Skipstjóri verður Þórir Matthías-
son. Að undanförnu hefur
skipið verið sandblásið og málað
hjá Slippstöðinni á Akureyri.
KVóti bátsins var búinn fyrir
þetta ár þegar hann var keyptur
hingað svo ekki er reiknað með
að útgerð hans byrji fyrr en eftir
áramót. Þess má geta að Sæþór
var upphaflega byggður fyrir
Snorra Snorrason árið 1973 og
átti hann skipið til 1976 þegar
hann seldi hann ,til Árskógs-
strandar. Báturinn skipar nú
sinn sess í atvinnusögu þjóðar-
innar því á honum fór braut-
riðjandastarf Snorra á úthafs-
rækjuveiðum að taka á sig fast-
mótaða mynd. Brautriðjanda-
starf sem rækjuævintýrið núna
byggist á, en þetta var nú smá
úturdúr.
Á næstu dögum flytja þeir
Blikamenn í nýja húsnæðið við
Ránarbraut. Fyrst verður tekið
í notkun verkstæðisaðstaða og
hefur Óskar Jónsson, sem verið
hefur verkstjóri hjá Bílaverk-
stæði Dalvíkur verið ráðinn þar
til starfa. Hann mun annast
viðhald á vélum og tækjum hjá
fyrirtækinu. Auk þess verður
þarna veiðarfæragerð og skrif-
stofur. Meginn hluti hússins
verður síðan nýttur fyrir skreiðar-
verkun fyrirtækisins.
Þarf tryggara hráefni
Fiskverkun Jóhannesar og Helga
h/f hefur í nokkur ár verið með
frystingu hjá sér. Helgi Jakobs-
son sagði að þeir hefðu tekið á
móti um 700 tonnum það sem af
væri árinu Helmingur aflans
hefur komið af báti þeirra
Hrönn, sem hefur stundað drag-
nótaveiðar hér í firðinum. Aíli
bátsins hefur aðallega verið
koli, enda hefur koli verið aðal-
hráefni til vinnslu hjá þeim. Til
viðbótar kolans af Hrönn hafa
þeir tekið talsvert af togurunum.
Helgi segir að verð á kolaflök-
um sé mjög viðunandi, og hafi
þeim tekist að ná betra verði en
flestum öðrum framleiðendum,
Seinni hluta ársins hafa afurð-
irnar nær eingöngu farið á Bret-
landsmarkað en áður fór talsvert
á Bandaríkjamarkað. Allar
afurðir hafa fariðjafnóðum, svo
litlar birgðir eru nú.
Hráefni hefur verið stopult í
þessum mánuði, en sæmilegar
líkur eru þó á samfelldri vinnu
fram til jóla. Þeir eru búnir að
útvega sér kvóta og fá skip til að
afla fyrir sig. Ótryggt hráefni er
þó aðalvandamál þessarar vinnslu
eins og annarra smærri verk-
enda hér.
NORÐURSLÓÐ - 5