Norðurslóð - 23.01.2002, Page 2

2 - Norðurslóð
Norðurslóð
Útgefandi: Rimar ehf.
Ritstjórar og ábyrgðarmenn: Hjörleifur Hjartarson, Laugasteini,
621 Dalvík sími: 466 3370. IMetfang: hjhj@ismennt.is
Jóhann Antonsson, Dalvík. Netfang: ja@radgjafar.is
Framkvæmdastjóri: Sigriöur Hafstað, Tjörn. Sími: 466 1555.
Umbrot og filmuvinnsla: NORÐANTVEIR netfang:sverrir@n2.is
Prentun: Alprent. Glerárgötu 24. Sími: 462 2844
Ágætt ár í
aldanna skaut
Árið 2001 er nú liðið í aldanna skaut og aldrei það
kemur til baka. Ekki þarf neinum blöðum um það að
fletta að ártal þetta hefur brennt sig inn í mannkynssögu-
bækur framtíðarinnar vegna atburðanna í New York 11.
september og alla þá ófyrirsjáanlegu eftirmála sem þeir
hafa haft og munu hafa í för með sér. Ekki er þó ætlun
okkar að velta fyrir okkur gangi veraldarsögunnar hér
nema að svo miklu leyti sem atburðir í lítilli og fámennri
byggð við ystu höf eru hluti af hinu stóra gangverki sög-
unnar.
Hér í Dalvíkurbyggð fær árið 2001 ágæt eftirmæli. Að
vísu tókst ekki að snúa við fólksflóttanum og varð hér
umtalsverð fólksfækkun. Samkvæmt nýjustu tölum fækk-
aði íbúum byggðarinnar um 22 af einhverjum óútskýrð-
um ástæðum. Atvinnuástandið var þó mjög gott á árinu
og næg atvinna bæði hjá stærri og smærri fyrirtækjum.
Framleiðslumet voru slegin í frystihúsinu, þar var oft unn-
ið allan sólarhringinn og vantar enn fólk til vinnu. Hjá
Sæplasti var reksturinn meira á flökti en ekkert til að hafa
áhyggjur af. Stóru fréttirnar í atvinnumálum Dalvíkur-
byggðar á árinu var að sjálfsögðu starfsemi Islandsfugls
sem hóf framleiðslu kjúklinga á árinu, veitti fjölda manna
atvinnu og er enn að stækka. íbúar byggðarinnar hljóta
allir að fagna þessari viðbót við atvinnumarkaðinn hér
og óska fyrirtækinu velfarnaðar. Eær gagngeru breytingar
sem orðið hafa á síðustu árum á samsetningu og eignar-
haldi atvinnufyrirtækja hér samhliða breytingu KEA úr
samvinnufélagi í hlutafélög héldu áfram á árinu en íbúar
hafa vanist þvi enda engin stóráföll orðið eins og sumir
óttuðust.
Stóri dagurinn á árinu hér á Dalvík var ekki 11. sept-
ember heldur 11. ágúst - Fiskidagurinn mikli sem nokkrir
framtaksamir bjartsýnismenn hér á staðnum efndu til.
Óhætt er að segja að dagurinn hafi tekist framar björtustu
vonum. Sex þúsund manns heimsóttu bæinn, nutu veit-
inga og skemmtunar og fóru glaðir heim. Af öðrum
minnisstæðum mannfundum ársins má nefna vel heppnað
vinabæjamót um mánaðamót júní-júlí, og Svarfdælska
marsinn og unglingameistaramót á skíðum í mars. Á
íþróttasviðinu ber þó að sjálfsögðu hæst árangur skíða-
manna en við eignuðumst tvo íslandsmeistara í svigi í
apríl; þau Björgvin Björgvinsson og Hörpu Rut Heimis-
dóttur. Þá ber að nefna ágætan árangur Auðar Aðalbjarn-
ardóttur sem kjörin var íþróttamaður Dalvíkurbyggðar
eins og fram kemur hér í blaðinu. Nú ekki megum við
heldur gleyma heimsmeisturunum í brús, þeim Eorgilsi og
Halldóru frá Sökku.
Veðráttunni eru gerð skil hér annars staðar í blaðinu.
Veður var milt fyrstu mánuði ársins en sumum þótti full-
lítill snjór. Pað voraði vel en seinni part maímánaðar
kólnaði og sumarið lét bíða á eftir sér. Sumarið var frekar
rysjótt en haustið og veturinn fram að áramótum einstak-
lega mildur svo enn er vart hægt að tala um snjó á lág-
lendi.
Þegar upp er staðið og allt er talið má því segja að öld-
in fari ágætlega af stað hér í byggðinni. Það ríkir bjartsýni
og starfsgleði í Dalvíkurbyggð og almennur vilji til að
byggja hér upp enn betra samfélag sem fljótlega fer að
laða til sín fleiri íbúa en flytja héðan. Gleðilegt árið 2002.
hjhj
Veðurfarspistill
Hvítasunnuhret. Frekar var veröldin nöturlegfyrir lítil lömb í júnúbyrjun.
Árleg úttekt á úrkomu í úr-
komumælinum á Tjörn sýnir að
úrkoman var aðeins undir með-
altali árið 2001, eða 472,2 mm.
Meðalársúrkoman er talin vera
um 490 mm.
Mánaðarúrkoman á
Tjörn árið 2001 var
þannig:
Janúar Febrúar 25,9 mm 43,8 mm
Mars 24,3 mm
Apríl 23,3 mm
Maí 20.8 mm
Júní 25,8 mm
Júlí 40,5 mm
Ágúst 37,3 mm
September 30,3 mm
Október 80,0 mm
Nóvember 80,4 mm
Desember 39,8 mm
Alls 472,2 mm
Lýsing á veðurfari hvers mán-
aðar í veðurfarsskýrslunni hljóð-
ar þannig:
Janúar: Mild veðrátta í janúar,
snjór á láglendi aðeins fyrstu
vikuna, engir stormar og hitinn
öðru hvoru megin við frost-
markið. Skautasvell af og til.
Febrúar: Veðráttan í febrúar var
fremur risjótt, frost og hláka á
víxl. Stormar og stórviðri fóru
framhjá þessum slóðum. Frost
fór niður í 10-12 gráður í nokkur
skipti, oftast þó 0-5 stig.
Mars: Mars var mildur veður-
farslega, dálítill snjór á jörðu
fyrstu vikuna en annars
snjólaust á láglendi þar til komið
var undir mánaðamót.
Apríl: Töluverður snjór á jörðu í
byrjun mánaðar og örlítið frost.
Um miðjan mánuð hlýnaði og
hélst blíðviðri út mánuðinn.
Maí: Maí var hlýr framanaf og
gróður tók vel við sér. Um miðj-
an mánuð kólnaði og snjóaði í
fjöll og á láglendi. Það mældist
10 sm jafnfallinn snjór 15. maí og
næturfrost var í nokkrar nætur.
Þetta stóð ekki lengi, snjórinn
hvarf, jörð kom vel undan vetri,
ekkert kal sjáanlegt í túnum og
allur gróður fyrr á ferð en í með-
alári, þó er töluverður snjór enn
á fjöllum.
Júní: Fremur kall einkum fyrstu
vikuna þá snjóaði á láglendi 10
sm snjódýpt. Þann snjó tók þó
fljótlega aftur. Óvenju mikill
snjór á fjöllum í lok mánaðar.
Sláttur hófst víða hér um slóðir
en spretta var tæplega í meðal-
lagi.
Júlí: Nokkrir góðir sólskinsdag-
ar í júlí með 18-19 stiga hita,
annars fremur stirð heyskapar-
tíð ef ekki væri rúllubagga hey-
skapur á flestum bæjum sem
bjargaði málunum. Heyskapur
var sem sagt langt kominn þrátt
fyrir allt. Sæmilegt útlit var með
berja- og garðávaxtasprettu.
Ágúst: Ágúst var fremur kaldur
nema fyrsta vikan. Einkum var
hitastig lágt að nóttu, en nætur-
frost þó ekki fyrr en síðustu
nótt mánaðarins, vonandi þó
ekki til skaða á berjum sem voru
þá fyrst orðin um það bil full-
sprottin.
September: Yfirleitt var hlýtt og
gott í september, engin nætur-
frost fyrr en 28. sept. þá var örlít-
il héla á láglendi. Ber óskemmd
þangað til og mikil að vöxtum.
Þann 6. sept. snjóaði í hæstu fjöll.
Þann 17. sept. fór hitinn í 14 stig
og allur nýr snjór hvarf. Hitinn
var 14-15 stig á daginn fram til
25. sept. en stundum dimm þoka
um nætur. Héla á jörð 28. sept þó
aðeins á láglendi.
Október: Fallegt haustveður
með stillum og 5-7 stiga hita á
daginn og frostlaust um nætur.
Tún algræn. Héla á jörðu 20. og
21. okt. má heita að það hafi ver-
ið fyrsta frost haustsins. Síðustu
4-5 daga mánaðarins snjóaði
með dálitlu frosti.
Nóvember: Mánuðurinn var
stormasamur með miklum um-
hleypingum, Ýmist var alauð
jörð eða éljagangur. Hamfara-
veður gekk hér yfir helgina 9.-
11. nóvember og olli miklu tjóni
hér og í nágrenninu einkum á
Árskógsströnd þar sem veð-
urofsinn var mestur. Þar rifnuðu
runnar og tré upp með rótum og
bflar og búvélar tókust á loft og
stórskemmdust eða eyðilögðust.
Þakplötur og gámar fuku. Reyk-
ingakofar og gróðurhús splundr-
uðust með öllu sem í þeim var.
Síðustu daga mánaðarins snjó-
aði. Snjódýpt var 20 sm. og frost
fór í 8-9 stig.
Desember: Alls konar veður í
desember, stormar kaldir og hlý-
ir til skiptis. Um miðjan mánuð-
inn var hitinn 10-12 stig dag eftir
dag. Þann 21. des. kólnaði snögg-
lega og frost var 8-10 stig. Milli
jóla og nýárs snjóaði flesta daga
og árið endaði með 25 sm snjó-
dýpt.
Svo mörg voru þau orð. Eins
og á síðasta ári var haustið gott
og veturinn snjóléttur. Rauð jól,
hvít áramót.
Af fuglatalningu
Fugl dagsins var Bleshæna
Árleg fuglatalning Náttúru-
fræðistofnunar íslands fór ekki
fram á Dalvík á tilsettum tíma.
Af óviðráðanlegum ástæðum
varð að fresta henni fram yfir
áramótin eða til 6. janúar 2002.
Boðaður talningardagur var 30.
des. 2001. Hér á Dalvík var talið
á venjubundnu svæði eða frá ár-
ósi Svarfaðardaísár að Sauða-
neslendingu á Upsaströnd. Veð-
urskilyrði voru ekki nógu góð til
talningar vegna mikillar úrkomu
og skýjafars. Það var dumbungs-
veður og skyggni ekki sem best
hvað langdrægni varðar, snjór
var með minnsta móti og göngu-
færi gott. Veður var sem sagt;
Lágskýjað, hiti +2 gráður og
vindur 2 metrar á sek. Það var
mikil úrkoma og talningarmenn
heimkomnir eins og hundar af
sundi. Lágdautt var við sjávar-
mál og við árkjaft Svarfaðar-
dalsár var ungur útselur, að
fylgjast með störfum talningar-
manna. Alls sáust 17 tegundir,
samtals 830 fuglar. Eftirtaldar
fuglategundir sáust:
Stokkendur.................6
Hávellur.................270
Æðarfuglar...............250
Toppendur..................5
Sendlingar.................8
Svartbakar...............123
Hvítmávar.................47
Bjartmávar................36
Ógr. mávar................40
Langvíur...................3
Skógarþrestir..............2
Snjótittlingar............22
Fálki.....................1
Lómur.....................1
Bleshæna..................1
Dílaskarfur...............3
Það vakti athygli að bleshæna
skyldi vera á ferðinni á þessum
tíma. En þegar betur er að gáð í
fuglabækur, geta þær verið á
flækingi einmitt á vetrardögum
og oftast á meðal sjófugla. Þessi
bleshæna var undan Karlsár-
bökkum innan um hóp æðar-
fugla og því ekki gott að greina
hana frá þeim fyrr en úr hópnum
greiddist. Hún hefur sérstaka
takta á sundi, veltir sér á hliðarn-
ar sitt á hvað og snýst í hringi af
og til. Þá vakti það einnig athygli
talningarmanna að enginn hrafn
sást á svæðinu þennan dag.
Sveinbjörn Steingrímsson
Júlíus Krístjánsson.
Við þetta er svo að bæta að
Rán Þórarinsdóttir og Þórarinn
Hjartarson gengu hefðbundinn
hring um miðbik Svarfaðardals
á lögbundnum fuglatalningar-
degi og höfðu harla lítð upp úr
krafsinu eða 14 snjótittilinga og
einn músarrindil. Þess má þó
geta í framhjáhlaupi að haförn
sást hér á sveimi í nóvember.
Brynjar Aðalsteinsson hitti
kauða þar sem hann var á
rjúpnaveiðum (Þ.e.a.s. Brynjar
og kannski örninn líka) og fleiri
börðu hann augum. Þetta var
ungur fugl en ungir ernir eiga
það víst til að leggjast í flakk út
fyrir sín hefðbundnu heima-
svæði áður en þeir festa ráð sitt.