Norðurslóð - 22.05.2002, Qupperneq 4
4 - Norðurslóð
Hvað á að
kjósa?
I tilcfni kosninga til bæjarstjórnar í Dalvíkurbyggð
næstkoinandi laugardag, 25. niaí, bað Norðurslóð for-
svarsmenn listanna þriggja scm boðnir eru frani að
segja lesenduni hvers vegna þeir eiga að kjósa þeirra
lista. Svör þeirra eru hér á síðunni.
M)02^
Gott fólk til
góðra verka
Kæru lesendur Norðurslóðar
Við frambjóðendur B-lista Framsóknarmanna í Dalvík-
urbyggð höfum nú lagt fram stefnuskrá okkar fyrir
komandi sveitarstjórnarkosningar og viljum hér með
gefa ykkur smá innsýn í okkar baráttumál.
Mikil áhersla er lögð á atvinnumál nú sem fyrr.
Traust atvinna er undirstaða fyrir góðu og farsælu
mannlífi í samfélaginu og sem betur fer hefur verkefnis-
staða fyrirtækja í sveitarfélaginu verið góð undanfarin
ár. Við unnum að því á síðasta ári að fá nýtt fyrirtæki
inn í atvinnulífið, íslandsfugl, og stóðum vörð um það
nú í vor. Við ætlum áfram að vera vakandi fyrir nýjum
atvinnutækifærum, má þar m.a. nefna fiskeldi en mjög
góð aðstaða er fyrir slíka starfsemi í sveitarfélaginu.
Ferðamál eru vaxandi þáttur í atvinnulífinu. Um síð-
ustu áramót var ráðið í starf ferða- og atvinnumálafull-
trúa hjá sveitarfélaginu í fyrsta sinn og bindum við
miklar vonir við hans störf.
Fræðslumál eru hvað mikilvægasti þjónustuhlutinn
og góðir menntunarmöguleikar eru forsenda fyrir
traustri búsetu. Hvaða foreldri vill standa frammi fyrir
því að barn þess fái ekki sambærilega menntun hér og
annarsstaðar? Við teljum þeim fjármunum sem ætlað er
í fræðslumál vel varið og viljum áfram bjóða upp á góða
menntun í góðum skólum sveitarfélagsins.
Framsóknarmenn hafa verið við stjórnvölinn í Dal-
víkurbyggð undanfarin ár og undir þeirra forystu stend-
ur sveitarfélagið traustum fótum. Við sækjumst eftir
stuðningi kjósenda til áframhaldandi forystu. Valdimar
Bragason leiðir nú listann og býr hann að áratuga
reynslu í sveitarstjórnarmálum. Katrín Sigurjónsdóttir,
sem leiddi listann fyrir fjórum árum, skipar nú fjórða
sætið og mjög mikilvægt er að fá víðtækan stuðning til
að tryggja henni sæti í bæjarstjórn á næsta kjörtímabili.
B-listinn býður fram gott fólk til góðra verka sem vill
vinna af einlægni og einurð að öllum þeim málum sem
til framfara og hagsbóta eru fyrir sveitarfélagið Dalvík-
urbyggð.
Við hvetjum þig til að nýta atkvæðisrétt þinn á kjör-
dag - hvert atkvæði skiptir máli.
Frambjóðendur B-lista Framsóknarmanna
Viljum
dugnað og
drift í
sveitarfélagið
Nú þegar styttist til kosninga keppast framboðin við að
kynna stefnumál sín og áherslur. D-listinn hefur eins og
áður fyrir kosningar dreift stefnuskrá sinni í hús í sveit-
arfélaginu og vonast til þess að kjósendur gefi sér tíma
til að kynna sér helstu stefnumál listans sem frambjóð-
endur hyggjast vinna að á komandi kjörtímabili.
Eins og ávallt áður leggja frambjóðendur D-listans
höfuðáherslu á að fyrirhyggju sé gætt í rekstri bæjarfé-
lagsins og að vel sé farið með fé þannig að farsæl upp-
bygging geti átt sér stað í sveitarfélaginu bæði hvað
varðar rekstur og uppbyggingu nýrrar aðstöðu. Ef fjár-
hagsáætlun bæjarsjóðs ársins 2002 er skoðuð má sjá að
ekki verður undan því vikist að leita leiða til hagræðing-
ar í rekstri sveitarfélagsins. Þrátt fyrir umtalsverðan
hagvöxt í íslensku samfélagi á undanförnum árum og
stórauknar tekjur sveitarfélagsins duga þær vart fyrir
rekstri málaflokka, fjármagnskostnaði og afborgunum
lána. Ef svo heldur fram mun lítið svigrúm verða til
nauðsynlegra framkvæmda í sveitarfélaginu á komandi
árum. Við þessu verður að bregðast.
Óhætt er að fullyrða að ein mikilverðasta ákvörðun
hverrar sveitarstjórnar er afgreiðsla fjárhagsáætlunar á
hverju ári. Hún er nauðsynlegt stjórntæki í rekstri sveit-
arfélagsins og meginforsenda góðrar fjármálastjórnar.
Við frambjóðendur D-listans viljum taka upp ný vinnu-
brögð við gerð fjárhagsáætlunar og vinna að endurbót-
um og hagræðingu í allri stjórnun og rekstri bæjarfélags-
ins. Við teljum að hægt sé að nýta fjármagn betur en gert
er og jafnframt halda uppi háu þjónustustigi.
Grundavallaratriði í hverju byggðarlagi er að þannig
sé búið um hnúta að atvinnulíf geti blómgast og dafnað.
Því vill D-listinn að fasteignagjöldum og tengigjöldum á
atvinnufyrirtæki sé stillt í hóf þannig að atvinnurekend-
ur sjái sér hag í því að færa starfsemi sína til Dalvíkur-
byggðar. Þrátt fyrir gríðarmiklar breytingar í sjávarút-
vegi á undanförnum árum hefur tekist að halda uppi
fullri atvinnu. Mikilvægt er að leitað verði leiða til að
laða að ný atvinnufyrirtæki og auka fjölbreytni atvinnu-
tækifæra á staðnum. Aukin menntun ungs fólks á liðnum
árum hefur dregið fólk burtu frá staðnum þar sem ekki
er að hafa vinnu við hæfi að námi loknu. D-listinn vill
greiða fyrir því að nemar í framhaldsskólum eða háskól-
um eigi kost á að vinna að verkefnum á sínu sviði heima
á sumrin. Nýsköpunarsjóður námsmanna getur hjálpað
hér til þar sem hann veitir styrki til verkefna af þessu
tagi og námsmenn gera að sumarvinnu sinni. Slík verk-
efni geta treyst bönd ungs og vel menntaðs fólks við
heimasveit sína og leitt af sér frumkvöðla til nýrrar at-
vinnuuppbyggingar á staðnum.
Á því kjörtímabili sem nú er að líða hefur sveitarfé-
lagið liðið fyrir forystuleysi og dugleysi við að taka á
nauðsynlegum málum. Mikilvægir þættir hafa sökum
þessa glutrast niður í höndum núverandi meirihluta og
öll stefnumótun sveitarfélagsins orðið hálfkák eitt. Á
þessu vill D-listinn að verði breyting á næsta kjörtíma-
bili. Frambjóðendur listans munu vinna að gerð fjöl-
skyldustefnu sveitarfélagsins en fjölskyldan er horn-
steinn samfélagsins sem hlúa ber að og treysta. Jafn-
framt vill D-listinn að skólanefnd marki sveitarfélaginu
skólastefnu og að stefnumótunarplögg séu lifandi gögn í
allri stjórnsýslu sveitarfélagsins en rykfalli ekki í hillum
eins og brugðið hefur við hjá núverandi meirihluta.
Þó ýmsir vilji tala um kjör fulltrúa í bæjarstjórn á
hverjum tíma af ákveðnu kæruleysi þá má öllum vera
ljóst að mikið liggur við að til setu í bæjarstjórn veljist
hæft fólk. D-listinn býður fram fólk sem hefur metnað
til að vinna sínu sveitarfélagi og stuðla að því að hér
megi vaxa og dafna fjölskrúðugt og fagurt mannlíf. Við
frambjóðendur D-listans skorum því á þig kjósandi góð-
ur að veita okkur brautargengi í kosningunum þann 25.
maí. Við viljum dugnað og drift í sveitarfélagið. Settu X
við D á kjördag.
Frambjóðendur D-listans
Treystum
lífsgæði íbúa
Dalvíkur-
byggðar
s
Tryggjum Ingileif, Oskar og Marinó
sœti í bœjarstjórn
Undanfarin fjögur ár hafa stefnumið Sameiningar í
anda félagshyggju verið lykilatriði í mótun hins samein-
aða sveitarfélags þar sem samstaða, samvinna og jafn-
rétti hafa verið vegvísar bæjarfulltrúa okkar.
Sameining gömlu sveitarfélaganna þriggja í Dalvík-
urbyggð, hefur gengið vel. Augljós fjárhagslegur ávinn-
ingur hefur orðið til og honum ráðstafað til aukinnar
þjónustu. I dag er til orðið stærra og sterkara samfélag
en áður var, öllum íbúum til hagsbóta.
Sameinigin hefur á liðnum fjórum árum fært íbúum
aukin lífsgæði og þau þarf að treysta í sessi.
Nú býður Sameining fram í annað sinn. Báðir starf-
andi bæjarfulltrúar Sameiningar bjóða fram krafta sína.
Þau Jngileif Ástvaldsdóttir og Óskar Gunnarsson hafa í
störfum sínum undanfarin ár sýnt að þau eru verðugir
fulltrúar í bæjarstjórn Dalvíkurbyggðar.
Ingileif hefur sem skólastjóri Húsabakkaskóla og for-
seti bæjarstjórnar, vakið athygli fyrir frumkvæði og mál-
efnalega og ábyrga afstöðu í mörgum málum. Má þar
nefna samstarf sveitarfélaga, atvinnu- og ferðamálum,
og skólamálum.
Óskar hefur sem bóndi og fulltrúi í bæjarráði og um-
hverfisráði auk annarra nefndarstarfa, sýnt að hann
vinnur vel og samviskusamlega að öllum þeim verkefn-
um sem hann tekur að sér og er aðgætinn og traustur í
fjármálum sveitarfélagsins.
Þriðji maður á lista Sameiningar er Marinó Þor-
steinsson. Nú er mikilvægt að tryggja Marinó sæti í bæj-
arstjórn. Marinó býr á Árskógsströnd og er þekktur
fyrir framgöngu sína í íþrótta- og tómstundamálum og
félagsmálum almennt. Hann er ákveðinn og öflugur
málsvari sem vinnur verkefni sín af rósemi og þraut-
seigju.
Þessir þrír fulltrúar, Ingileif, Óskar og Marinó munu
vinna að því að treysta lífsgæði hér í byggðalaginu.
Með þeim býður sig fram hópur af áhugasömum,
traustum og glaðværum einstaklingum sem vilja leggja
sitt af mörkum til þess að áfram verði unnið í þágu sam-
stöðu, samvinnu og jafnréttis íbúa Dalvíkurbyggðar.
Laugardaginn 25. maí gefst íbúum kostur á að ákveða
hvaða fólk verður valið til forystu í byggðalaginu. Að
undanförnu hafa framboðin kynnt stefnumál sín og ein-
staklingana sem vilja fylgja þeim eftir innan bæjarstjórn-
ar. Umfjöllun um skóla- og fjármál hefur verið stór hluti
þessara kynninga.
Frambjóðendur i-lista Sameiningar hafa afar skýran
málflutning um fjármál og skólamál, það er vilji þeirra
að hér verði áfram reknir þrír grunnskólar og hér skuli
rekin ábyrg og traust fjármálastjórn.
Veldu trausta stefnu og ábyrgt fólk til að fylgja henni
eftir. Veldu i- lista.
Frambjóðendur I-listans