Norðurslóð - 31.07.2002, Page 5

Norðurslóð - 5
Smá leiðrétting á myndatexta
Maríanna Halldórsdóttir lítur uppfrá söltun
Imyndatexta með gömlum
augnablikum í síðasta blaði
varð okkur á í messunni. Þar
stóð við eina myndina að Hrefna
í Svalbarði liti upp úr söltuninni.
Það var nokkuð langt frá að vera
satt. Þarna á myndinni var Marí-
anna Halldórsdóttir og leiðréttist
það hér með um leið og allir sem
þetta mál varða eru beðnir vel-
virðingar. Það er vandaverk að
finna út hverjir eru á þessum
myndum sem eru allt að hálfrar
aldar gamlar og ekki að furða
þótt eitthvað þurfi leiðréttingar
við. Allar ábendingar eru vel
þegnar og við leiðréttingu gefst
tækifæri til að fara út fyrir efnið
eins og við munum nú gera.
Maríanna var fædd 1909 í
Syðra-Garðshorni, þaðan sem
móðir hennar, Guðrún Júlíus-
dóttir (systir Daníels o.fl.) var.
Faðir Maríönnu var Halldór Sig-
fússon (Dóri Sikk) sem stundum
kenndi sig við Grund en hann
var fæddur í Brekku. Dóri og
Guðrún bjuggu í Brekkukoti frá
1911 til 1919 þegar þau fluttu
með fjölskyldu sína til Dalvíkur
og byggðu sér hús sem þau
nefndu Grund. Maríanna var
elst sinna systkina en hin voru;
Júlíus, Jófríður, Brynhildur, Sig-
fús og Björn. Maríanna var sú
eina þeirra systkina sem bjó alla
tíð á Dalvík. Hún var þó í sfld
víðar en á Dalvík. Meðal annars
var hún á Siglufirði á árunum í
kringum 1930. Þar kynntist hún
Ögmundi Friðfinnssyni, Reyk-
víkingi sem kominn var norður í
síldina. Þau giftu sig í maí 1930
og settust að á Dalvík. Edda
dóttir þeirra segir að fyrstu tíu
árin á Dalvík hafi þau skipt sex
Saltfiskur metinn hjá Ögmundi utan við gömlu verbúðina. Maríanna
og Dagbjört Óskars í Kambhóli sauma. Ögmundur fyrir miðri mynd
en ekki er Ijóst hver er á bakvið Dagbjörtu.
Ekki hefur viðrað mjög vel til heyskapar síðustu vikurnar en fyrri
slætti var þó blessunarlega lokið víðast hvar áður en hann lagðist
í vætutíð. Þrátt fyrir fremur kaldan júnímánuð var spretta góð enda
nóg vætan. Víða tókst að ná óvenju góðu heyi í fyrri slætti snemm-
slegnu og vel verkuðu og nú bíða margir bændur eftir góðum kafla í
ágústmánuði til að geta slegið í annað sinn. Ekki þurfa menn að
kvíða litlu fóðri því miklar fyriningar eru á flestum bæjum. Það sem
helst pirrar sveitamenn um jjessar mundir er að horfa upp á stór tún
óslegin og úr sér sprottin því engin nytjar þau.
Berjaspretta verður mikil þetta árið óg verður þess skammt að
bíða að hægt verður að fara í berjamó að sögn óljúgfróðra berja-
sprettufræðinga hér í byggðinni.
Bæjar-
stjórnar-
fundir
Auglýsing um fundi bæjarstjórnar
Dalvíkurbyggðar samkvæmt 18. gr.
sveitarstjórnarlaga og 20. gr. samþykkta
um stjórn Dalvíkurbyggðar og fundarsköp
bæjarstjórnar.
Bæjarstjórn Dalvíkurbyggöar mun á kjörtímabilinu
að jafnaöi halda fundi í Safnaðarheimili
Dalvíkurkirkju 1. og 3. þriðjudag hvers mánaðar kl.
16:15.
Fundir bæjarstjórnar verða, samkvæmt heimild í 12.
gr. samþykkta um fundarsköp bæjarstjórnar, að
jafnaði felldir niður í júlí og ágúst ár hvert og fer
bæjarráð þá með umboð bæjarstjórnar.
Dagskrá funda bæjarstjórnar verður auglýst með
tveggja sólarhringa fyrirvara á auglýsingatöflu í
Ráðhúsinu á Dalvík.
Fjármála- og stjórnsýslustjórinn í Dalvíkurbyggð
Guörún Pálína Jóhannsdóttir
sinnum um húsnæði og það hafi
verið algeng staða í þá daga. Af
Dalvíkursögu og fleiri heimild-
um má ráða að þau létu verka-
lýðsmál til sín taka og voru með-
al stofnenda Verkalýðsfélags
Dalvíkur árið 1932. Árið 1941
keyptu þau Hafsteinsstaði
(Gíslahús) sem nú er horfið en
það stóð við Grundargötu þar
sem efrihluti Electrohúsins
stendur nú. í því húsi bjuggu þau
meðan Maríanna lifði.
Ögmundur og Maríanna
eignuðust fjögur börn sem eru í
aldursröð: Jónína, Edda, Þráinn
og Brynhildur. Maríanna var
hamhleypa til vinnu segir sam-
tíðarfólk hennar og eftirsótt við
fiskvinnslu. Hún var í félagsbúi
við föður sinn með kindur og
fleiri húsdýr enda bjó Dóri svo
að segja í næsta húsi við Grund-
argötuna. Maríanna dó ung árið
1961, þá aðeins á 52. aldursári.
Hún var fyrsta manneskjan sem
jörðuð var í nýja kirkjugarðinum
við Dalvíkurkirkju. Þess má geta
að í júní síðastliðnum var aska
Hér lítur Maríanna upp frá söltuninni en Steingrímur Þorsteinsson er
þarna ábúðarmikill að stála hnífa.
Jófríðar systur hennar jarðsett í
leiði hennar.
Ögmundur stundaði lengst af
sjó og var lengi matsveinn. Hann
vann líka við hafnargerð með
Johansen á Birninum. Hann var
formaður á bátum sem hann átti
stundum með öðrum. Bensi
skipasmiður í Vallholti smíðaði
trillu fyrir hann sem hann notaði
aðallega til að fiska fyrir fiskbúð
sem hann starfrækti á Dalvík frá
1951 til 1961. Fyrst var Ögmund-
ur með búðina í gömlu verbúð-
inni í einu beitningarplássinu.
En þegar nýja verbúðin var
byggð var innréttuð sérstök fisk-
búð sem hann flutti í sennilega
1960. Þar var hann þó ekki lengi.
Hann seldi allar eigur sínar hér á
Dalvík þegar Maríanna dó og
flutti til Reykjavíkur þar sem
hann rak söluturn um árabil.
Tóti Kristjáns keypti fiskbúðina
af Ögmundi en þess má geta að
Kristján hreppstjóri faðir Tóta
rak fiskbúð á undan Ögmundi.
Ögmundur lést í Reykjavík
1990.
JA
Llfsval
Sparnaðarform 21. aldarinnar
• Séreign sem erfist
Framlög hvers sjóðfélaga eru séreign hans, auk vaxta og
verðbóta. Við fráfali sjóðfélaga gengur séreign í erfðir.
• Viðbót á lífeyri
Allir hafa möguleika á því að greiða í séreignarsjóð og
bæta lífeyriskjör sín með tiltölulega lágu mánaðarlegu
viðbótariðgjaldi.
• Skattalegt hagræði
Iðgjald í séreignarlífeyrisjóð er frádráttarbært frá tekju-
skattsstofni og hvorki þarf að greiða fjármagnstekju-
skatt né eignarskatt af inneigninni. Skattgreiðslum er
frestað til efri áranna þegar persónuafsláttur nýtist
yfirleitt betur.
• Sveigjanlegur útgreiðslutími
Útgreiðsla getur hafist hvenær sem er eftir sextugt og
skal dreifast jafnt fram til 67 ára aldurs. Við 67 ára aldur
er hægt að fá allan sparnaðinn greiddan út í einu ef
óskað er.
Sífellt fjölgar þeim er tengjast heimabankanum
Ert þú einn af þeim?
Askriftarreikningur
Hentar þeim sem vilja stunda reglubundinn sparnað og
njóta góðrar ávöxtunar - án nokkurs kostnaðar. Áskrift
ber háa vexti og er hentug fyrir þá sem þurfa aðhald við
langtímasparnað. Engar kröfur eru gerða um lágmarks-
upphæð þannig að reikningseigandi sparar þá upphæð
sem honum hentar.
Sparisjóður Svarfdæla
hrísey
466 1700
Dalvík
460 1800