Tímarit um endurskoðun og reikningshald - 01.01.1972, Blaðsíða 5

Stutt úgrip af sögn
Fclags Iftggiltra cndurskoifcmla.
Hinn 16. júlí n. k. eru liðin 37 ár síðan Félag löggiltra
endurskoðenda var stofnað.
Þann dag árið 1935 komu saman til fundar þeir menn,
sem þá voru löggiltir endurskoðendur á Islandi, í því skyni
að stofna Félag löggiltra endurskoðenda.
Þessir menn voru:
Björn E. Árnason, Jón Guðmundsson, Jón Sivertsen,
Georg Níelsen, Franz A. Andersen, N. Manscher, Ari Ó.
Thorlacius og Björn Steffensen.
Tildrög þessa fundar voru þau, að skömmu áður höfðu
flestir af tilgreindum mönnum mætt á fundi að Hótel
Borg, þar sem rætt var um stofnun félagsins og var þeim
Ara Ó. Thorlacius og N. Mancher falið að semja frumvarp
til laga fyrir væntanlegt félag, og lá nú þetta frumvarp
fyrir á fundinum.
Björn E. Árnason bar upp þá tillögu, að félagið yrði
stofnað og að þessi fundur yrði talinn stofnfundur. Til-
lagan var samþykkt með öllum atkvæðum.
Formaður var kosinn á þessum fundi Björn E. Árnason
og meðstjórnendur Ari Ó. Thorlacius og Jón Guðmunds-
son. Varamaður í stjórn var kosinn Jón Sívertsen, en end-
urskoðandi Georg Níelsen.
Á fyrsta stjórnarfundi kemur fram að fyrri fundurinn
mun hafa verið haldinn vegna þess, að formanni hafi bor-
izt persónulega bréf frá danska endurskoðendafélaginu
um, hvort íslenzkir endurskoðendur hefðu hug á að taka
þátt í móti endurskoðenda í Stokkhólmi 5.—8. sept. það ár.