Tímarit um endurskoðun og reikningshald - 01.01.1972, Blaðsíða 16
14
gr. þeirra laga segir um verksvið þeirra, að þeim sé skylt
að sannprófa það, að reikningunum beri saman við bækur
félagsins, enda eigi þeir aðgang að öllum bókum og skjöl-
um félagsins, og er stjórn þess skylt að veita þeim allar
upplýsingar, sem þeim eru nauðsynlegar til starfs síns.
1 lögum um samvinnufélög nr. 46 frá 1937 er einnig ákveð-
ið, að í hverju samvinnufélagi skuli vera tveir kjörnir end-
urskoðendur. Ákvæði um starfssvið þeirra er í 22. gr.
Upphaf þess er, að efni til sama eða svipað og í hlutafé-
lagalögum, en síðan segir: „Ennfremur er það skylda end-
ursokðenda að hafa eftirlit með starfrækslu félagsins yfir-
leitt. Nú verða þeir varir við misfellur, er þeir álíta félag-
inu stafa hætta af, og skulu þeir þá hlutast til um, að bót
verði á ráðin, svo fljótt sem þörf krefur. En takist það eigi.
skulu þeir kveðja til fundar í félaginu og bera málið þar
upp til úrlausnar. Endurskoðendur bera ábyrgð fyrir aðal-
fundi.“
í lögum um sparisjóði nr. 69 frá 1941 segir í 9. gr.:
„Við hvern sparisjóð skulu vera tveir endurskoðendur
kosnir til eins árs af viðkomandi bæjarstjórn eða sýslu-
nefnd með hlutfallskosningu. Þeir skulu rannsaka allar'
bækur og reikninga sparisjóðsins og gefa gætur að því
svo oft sem þörf er á, að ekkert vanti á eigur sjóðsins.
Þeir hafa jafnframt eftirlit með því, að rekstur sparisjóðs-
ins sé í fullu samræmi við samþykktir hans.“ — Og síðar:
„Ráðherra setur eftir tillögum sparisjóðseftirlitsins nánari
reglur um endurskoðun á reikningum og bókum spari-
sjóða.“
Fleiri ákvæði eru í lögum svipaðs efnis um önnur fé-
lagsform, sem ég tel ekki ástæðu til að rekja. Hins vegar
vil ég minna á, að á þingunum 1952 og 1953 var lagt fram
frumvarp að nýjum lögum um hlutafélög. Frumvarpið
dagaði uppi og var ekki afgreitt sem lög. I frumvarpi
þessu var sérstakur kafli um endurskoðun, mun ítarlegri