Tímarit um endurskoðun og reikningshald - 01.01.1972, Blaðsíða 20
18
Hin er formuð af nefnd innan American Institute of
Accountants þannig:
„An examination of the books, of account, vouchers and
other records of a public body, institution, corporation,
firm or person, or of any person or persons standing in
any fiduciary capacity, for the purpose of ascertaining
the accuracy or inaccuracy of the records and of express-
ing opinion upon the statements rendered, usually in the
form of a certificate.“
Við sjáum strax, að skilgreiningar þessar eru verulega
frábrugðnar hvor annarri. Þannig er í amerísku skilgrein-
ingunni tekið með í hugtakið endurskoðun að skýra frá
árangri verknaðarins, þ. e. að gefa út vottorð, en í hinni
ekki. Þess er heldur ekki að vænta, að slíkar stuttar skil-
greiningar séu tæmandi. Þær verða varla annað en hjálpar-
gagn fyrir þá, er um efnið rita eða ræða, og til aukins
skilnings á kjarna málsins.
I General Principles of Auditing, Statement on Auditing
No. 1, útgefið í ágúst 1961 af The Institute of Chartered
Accountants in England and Wales, segir í formála:
„Endurskoðun er mjög þýðingarmikið starf, sem hefur
mikla ábyrgð í för með sér og krefst mikillar hæfni og
dómgreindar. Hver endurskoðandi verður að ákveða sjálf-
ur eðli og umfang þess verks, sem nauðsynlegt er hverju
sinni, til þess að gera honum kleift að axla þá ábyrgð, sem
hann hefur tekizt á hendur, hvort það er samkvæmt lög-
um eða með samkomulagi við viðskiptamenn sína.“
Stofnunin telur samt, að það geti verið meðlimum sín-
um aðstoð við störf þeirra, að gefa út seríu af leiðbeining-
um um endurskoðun. í þessum leiðbeiningum er að finna
eftirfarandi lýsingu á verksviði lögg. endursk., er þeir
framkvæma endurskoðun hjá félögum, er háð eru félaga-
löggjöf þar í landi frá 1948.