Tímarit um endurskoðun og reikningshald - 01.01.1972, Blaðsíða 28

26
vera mikil og sennilega meirihluti allra starfa endurskoð-
enda.
Þeir semja yfirleitt ársreikninga og skattaframtöl fyrir
viðskiptamenn sína og annast skattakærur. Endurskoð-
endur vinna sem ráðgjafar á sviði skattamála og reikn-
ingshalds yfirleitt. Þeir aðstoða við að skipuleggja bók-
hald, ráðleggja um breytingar á bókhaldsfyrirkomulagi,
kynna viðskiptamönnum sínum nýmæli í lögum, sem varða
reikningshald og skattamál. Mér virðist fullkomlega eðli-
legt, að endurskoðendur vinni öll þessi störf, enda er yfir-
leitt ekki hér öðrum til að dreifa, sem hafa þekkingu á
þessu sviði.
Þá færa endurskoðendur bókhald fyrir viðskiptavini
sína, og sýnist mér einnig eðlilegt, að þeir taki að sér slík
störf, en eðlilega þurfa þeir að vera á verði um, að þau
gögn, sem þeir fá í hendur, séu fullnægjandi, og að þeir
séu ekki blekktir til að færa bókhald, sem er ófullnægjandi
eða beinlínis rangt.
Eitthvað tíðkast það, að endurskoðendur aðstoði við að
meta hlutabréf og hluti í atvinnufyrirtækjum, og sýnist
mér þeir vel geta gert það, ef það ekki fer í bága við
þagnarskyldu þeirra eða trúnaðarsamband við viðkomandi
aðila.
Endurskoðendur aðstoða við búskipti, slit félaga og
margt fleira, sem eðlilegt er, að þeir vinni, meðan þeir
halda sér innan þeirra takmarka, er þeir hafa þekkingu á.
Og fleira mætti telja, en ég læt þetta nægja.
Ég vil ljúka þessu spjalli með því að taka undir það,
sem ég tók upp að framan úr formálanum að General
Principles of Auditing, að hver endurskoðandi verði að
ákveða sjálfur eðli og umfang þess verks, sem nauðsyn-
legt er að framkvæma hverju sinni, til þess að gera hon-
um kleift að axla þá ábyrgð, sem hann hefur tekizt á hend-
ur, hvort það er samkvæmt lögum eða með samkomulagi
við viðskiptamenn sína, og bæta því við, að allar tilraunir