Tímarit um endurskoðun og reikningshald - 01.02.1984, Blaðsíða 6

Guðmundur Jens Þorvarðarson,
lögg. endurskoðandi:

RITSTJÓRASPJALL
Undirritaður ætlar ekki að brjóta þá hefð,
sem hefur skapast með síðasta tölublaði
hvers ritstjóra, þ.e. að láta fara frá sér nokkur
orð á prenti.
Það hefur því miður dregist örlítið á
langinn að lesendur berðu augum 14. árg. rits
FLE um endurskoðun og reikningshald. Úr
þessu hefur nú verið bætt og er það von
undirritaðs að lestur ritsins megi veita þeim
einhverja ánægju um leið og þeir verða
einhvers vísari.
Þeirri stefnu hefur verið haldið að hafa
greinar fremur stuttar og þá fleiri í þeirri trú
að lesendur þreytist síður við lestur hverrar
greinar.
Megin uppistaða ritsins nú fjallar um mál,
sem tekið var fyrir á sumarráðstefnu FLE á
Laugarvatni 1984. Þar var fjallað um þátt
endurskoðunar í starfi endurskoðenda, stöðu
þeirra út á við og samskipti við notendur
„afraksturs“ þeirra. Ennfremur er hér tæpt á
hvert er álit utanaðkomandi á endurskoð-
endum og störfum þeirra, og hver er ábyrgð
endurskoðenda gagnvart þessum aðilum.
Að lokum vil ég þakka þeim sem skrifuðu
greinar í ritið og meðnefndarmönnum mín-
um fyrir þeirra þátt. Ennfremur bestu þakkir
til starfsmanns FLE. Viðtakandi ritnefnd
óska ég alls hins besta og megi störf hennar
bera ávöxt í nánustu framtíð.
Flautað til leiks!