Tímarit um endurskoðun og reikningshald - 01.02.1984, Blaðsíða 21
Guðlaugur Guðmundsson,
lögg. endurskoðandi:
Hver er staða löggiltra
endurskoðenda
Erindi flutt á sumarráðstefnu F.L.E. 1984
Meiningin er að ég taki hér fyrir stöðu
endurskoðunarstarfsins og löggiltra endur-
skoðenda í íslensku atvinnulífi í dag. Þetta
efni er umfangsmeira en svo, að því verði
gerð viðhlítandi skil í erindi sem þessu.
Verður því stiklað á stóru og mörgu sleppt
sem ég hefði viljað koma inn á.
Ætla ég fyrst að fjalla um þau lög sem í gildi
eru um starf okkar og stétt og síðan leið-
beinandi reglur og drög að slíkum, sem FLE
hefur komið á, og síðan þá erlendu staðla,
sem við erum settir undir vegna aðildar FLE
að erlendum samtökum endurskoðenda,
UEC (Evrópusamband endurskoðenda, gef-
ur út ASB staðla) og IFAC (Alþjóðasam-
band endurskoðenda, gefur út IAG staðla).
Markmiðið með þessari umfjöllun er að
reyna að varpa nokkru ljósi á hvað gert hefur
verið í þágu endurskoðunarstarfsins hér á
landi og einnig eitthvað um það sem hefur
verið látið ógert, eða ég tel að betur hefði
mátt fara.
í lögum nr. 67 frá 1976 um löggilta
endurskoðendur kemur fram í 1. gr. laganna,
að tilgangur þeirra sé „að tryggja að til sé í
landinu á hverjum tíma stétt manna sem
hefur þekkingu til að gefa hlutlaust og
áreiðanlegt álit á reikningsskilum til notkun-
ar í viðskiptum“.
Þarna kemur skýrt fram sú skoðun löggjaf-
ans, að nauðsynlegt er að til sé í landinu á
hverjum tíma slík stétt manna.
Það er hins vegar jafn ljóst að eftirlit með
störfum löggiltra endurskoðenda er, af fram-
kvæmdavaldsins hálfu, lítið sem ekkert.
í því sambandi má vitna í reynslu þeirra
Bjarka Bjarnasonar og Hilmars Bergmann
viðskiptafræðinema þegar þeir á liðnum vetri
unnu að könnun á stöðu löggiltra endur-
skoðenda í íslensku atvinnulífi. Þá þurftu
þeir að afla sér lista yfir alla löggilta
endurskoðendur í landinu. Um leit sína að
lista þessum segja þeir félagarnir:
„I félagatali Félags löggiltra endurskoð-
enda frá 26. október 1982 eru skráðir 135
endurskoðendur. Að auki eru einhverjir
löggiltir endurskoðendur sem standa utan við
þann félagsskap.
Af þeim sökum var leitað til fjármála-
ráðuneytisins um að fá skrá yfir alla löggilta
endurskoðendur, enda eru afrit af prófskír-
teinum geymd þar. Það kom í ljós að þar er
ekki til nein skipulögð skrá. Seinna reyndist
nauðsynlegt að fá úr því skorið hvort tiltekinn
maður væri löggiltur endurskoðandi eða
ekki. Var af því tilefni hringt niður í
fjármálaráðuneyti. Eftir langa bið var vísað á
Félag löggiltra endurskoðenda. Var þá við-
komandi upplýstur um, að ekki væru allir
löggiltir endurskoðendur í því félagi. Eftir
aðra langa bið var vísað á ríkisendurskoð-
anda.
Það er því ljóst að eftirlit með löggiltum
endurskoðendum af hálfu opinberra aðila er
19