Tímarit um endurskoðun og reikningshald - 01.02.1984, Blaðsíða 24
meðalstórum og stærri hlutafélögum þá er
hún einnig hjá jafnstórum fyrirtækjum sem
rekin eru í öðrum rekstrarformum.
Hér er því pottur brotinn og hugsanlega
ættum við að reyna að hafa einhver áhrif á
þróun mála í þessum efnum.
Þá ætla ég að víkja aðeins að leiðbeinandi
reglum og stöðlum.
Við félagsmenn FLE höfum fram til þessa
verið mjög íhaldssamir við að samþykkja yfir
okkur starfsreglur af nokkru tagi. Lög fé-
lagsins auðvelda einnig íhaldsmönnum lífið
hvað þetta snertir. Öll samræming vinnu-
bragða, einkum í sambandi við endurskoð-
unarstarfið sjálft, er því fremur skammt á veg
komin að mínu áliti.
Þó voru í mars 1979 samþykktar „leið-
beinandi reglur um grundvallaratriði endur-
skoðunar á ársreikningum hlutafélaga". Er
þetta eini staðallinn sem fengist hefur sam-
þykktur og félagið hefur sent frá sér. En
einnig hafa verið samdar og sendar út
„tillögur um leiðbeinandi reglur um áritanir
endurskoðenda á ársreikninga og reiknings-
skil“. Þær hafa hins vegar ekki hlotið form-
legt samþykki félagsmanna FLE ennþá. Eftir
þeim mun þó farið í verulegum mæli. Ég hef
hins vegar heyrt að sumir félagsmenn hafi
verulegar efasemdir um að farið sé eftir
„leiðbeinandi reglum um grundvallaratriði
endurskoðunar á ársreikningum hlutafélag“.
Ætti það að vera okkur umhugsunarefni.
Annað hvort er þá svona staðlasetning óþörf,
eða sé svo ekki, þá þurfum við að koma okkur
niður á leiðir til að tryggja að eftir þessum
reglum sé farið.
Þessi eini staðall okkar er að mínu mati
gott rit. Hann hefur að geyma nokkrar
yfirgripsmiklar almennar reglur um efnið og
er laus við allar tilraunir til tæmandi upp-
talninga. Hann ætti því ekki að úreldast svo
fljótt.
Það er hins vegar ljóst, að sé hann ekki
notaður, þá er brostinn grundvöllurinn fyrir
því að samræma áritanir, og jafnvel skaðlegt
þegar til lengri tíma er litið. Markaðurinn
kann þá að vera búinn að missa trúna á
áritanirnar þegar búið verður að skapa
grundvöllinn fyrir notkun þeirra.
Þá er rétt að minnast þeirra erlendu staðla
sem við erum háðir vegna aðildar FLE að
Evrópusambandi endurskoðenda UEC og
Alþjóðasambandi endurskoðenda IFAC.
Staðlar Evrópusambandsins voru seint á
síðasta ári orðnir 14 að tölu, en staðlar
Alþjóðasambandsins voru á sama tíma orðn-
ir 13, auk þess sem það hafði þá sent frá sér 8
tillögur að nýjum stöðlum.
Þessir staðlar fjalla um það hvernig staðið
skuli að endurskoðun hinna ýmsu liða árs-
reikningsins, gerð og varðveislu vinnupapp-
íra og áritun endurskoðandans á ársreikn-
inginn.
Vegna smæðar þeirra fyrirtækja sem við
flest vinnum mest fyrir, þá snerta margir
þessara staðla störf okkar mjög lítið. Þó
munum við fæst geta skýlt okkur alfarið á bak
við smæð verkefna. Sumir staðlarnir eiga við,
burtséð frá stærð verkefnisins.
Aðildarfélögum þessara alþjóðasambanda
bæði UEC og IFAC ber að stuðla að því, að
félagsmenn þeirra fari eftir stöðlum samband-
anna.
Á síðasta ári stóð endurskoðunarnefnd
FLE fyrir því að leiðbeinandi reglum fé-
lagsins, um grundvallaratriði endurskoðunar
á ársreikningum hlutafélaga, og tillögum að
leiðbeinandi reglum um áritanir endurskoð-
enda á ársreikninga og reikningsskil, ásamt
þeim erlendu stöðlum, sem að framan grein-
ir, væri safnað í eina möppu, svonefnda
endurskoðunarhandbók FLE. Var hún síðan
gefin út seint á síðasta ári og send félags-
mönnum.
Að öðru leyti hefur lítið verið gert af hálfu
FLE til að stuðla að notkun staðlanna. Eru
enda, að mér skilst, mörg sjónarmið uppi
meðal félagsmanna um það, hvaða ráðum
skuli beita í þessu augnamiði, ef einhverjum
ráðum yfirleitt. En megi marka þær athuga-
22