FLE blaðið - 01.07.2010, Blaðsíða 19

Tímatal Félags löggiltra endurskoðenda 1935-2010
í tilefni 75 ára afmælis félagsins er hér birt yfirlit um nokkur
atriði sem þykja áhugaverð úr sögu félagsins. Um er að ræða
yfirlit sem byggt er á upplýsingum úr fundargerðum og öðrum
gögnum félagsins. Upplýsingar vegna áranna 1935 - 1995
byggja að mestu leyti á tímatali sem birt var í afmælisriti FLE
sem var gefið út í tilefni 60 ára afmælis félagsins. Eðli máls
samkvæmt er yfirlit þetta langt frá því að vera tæmandi um
starfsemi félagsins í 75 ára sögu þess, en gefur þó innsýn í
viðfangsefni þess á hverjum tíma.
1935
Á fundi nokkurra endurskoðenda á Hótel Borg var ákveðið að
stofna félagsskap þeirra sem löggildingu höfðu fengið sem
endurskoðendur. Félag löggiltra endurskoðenda var stofnað
16. júlí á skrifstofu Nielsar Manscher. Stofnendur voru átta
og Björn E. Árnason kjörinn fyrsti formaður félagsins. Fyrsti
stjórnarfundur eftir stofnfund var haldinn 24. júlí.
Á Hótel Borg var ákveðið að stofna FLE
1936
Fyrsti aðalfundur eftir stofnfund var haldinn 25. júní að Hótel
Borg.
1939
Á félagsfundi í janúar var samþykkt að félagið gerðist meðlimur
í Det Skandinaviska Revisorssekretariat sem var samband
norrænna endurskoðendafélaga. Fulltrúi félagsins tók í fyrsta
skipti þátt í fundi norrænna endurskoðenda, en það var Árni S.
Björnsson.
Aðalfundur haldinn á Þingvöllum
1944
Aðalfundur félagsins samþykkti að leitað verði til
Háskóla íslands um nám þeirra manna sem búa sig undir
endurskoðendanám.
1945
Aðalfundur félagsins var haldinn á Þingvöllum í tilefni 10 ára
afmælis félagsins „og sitja félagsmenn borðhald að fundi
loknum með konum sínum".
1947
Námskeið í bóklegum fræðum fyrir væntanlega endurskoðendur
hófust við Háskóla íslands.
1953
Ný lög um endurskoðendur, lög nr. 89 voru sett í desember.
1955
Aðalfundur félagsins samþykkti ný lög fyrir félagið, en fram til
þessa höfðu samþykktir félagsins frá stofnfundi verið óbreyttar.
Fyrsta fastanefnd félagsins var stofnuð „Nefndin" og var
hlutverk hennar „að láta uppi fyrir félagsins hönd rökstutt
álit um hverskonar fyrirspurnir varðandi grundvallaratriði
reikningslegs og endurskoðunarlegs eðlis, sem fyrir félagið
kynni að verða lögð af Alþingi, framkvæmdavaldi ríkisins,
dómstólum og einstökum félagsmönnum." Á aðalfundi voru
tekin til umræðu samskipti milli félagsmanna og eru það fyrstu
merki um mótun samskiptareglna félagsmanna
1956
Nafni samtaka norrænna félaga löggiltra endurskoðenda var
breytt í Det Nordiska Revisorsforbundet (NRF). Tryggingasjóður
löggiltra endurskoðenda var stofnaður. Aðalfundur samþykkti
að reikningsár félagsins verði frá 1. september til 31. ágúst og
hefur það alla tíð sfðan verið reikningsár félagsins.
FLE blaðið júlí2010 • 19