FLE blaðið - 01.07.2010, Blaðsíða 25

Viðburðir á afmælisári
Símon Á. Gunnarsson er formaður afmælisnefndar og löggiltur
endurskoðandi hjá KPMG hf
Á árinu 2007 ákvað stjórn FLE að minnast 75 ára afmælis
félagsins með ýmsum hætti. Skipuð var afmælisnefnd til að
annast þau verkefni sem ráðist yrði í og hefur hún starfað frá
apríl 2007.
Viðamestu verkefni nefndarinnar hafa verið að sjá um útgáfu á
tveimur bókum, annars vegar með æviskrám endurskoðenda
og hins vegar með sögu endurskoðunar hér á landi og þar
með sögu félagsins í 75 ár. Teknar hafa verið saman æviskrár
allra þeirra sem fengið hafa löggildinu til endurskoðunarstarfa
hér á landi allt frá árinu 1929 til afmælisársins. Gunnlaugur
Afmælisnefnd frá vinstri: Hrefna, Ötafur Viggó, Símon og Þorsteinn.
Haraldsson, þjóðháttafræðingur, var ráðinn til að hafa umsjón
með þessu viðamikla verkefni og hefur hann unnið að því
að afla upplýsinga frá endurskoðendum á undanförnum
misserum. Jafnframt hefur hann aflað upplýsinga um látna
endurskoðendur og þá sem ekki hafa sinnt beiðnum um að
gefa upplýsingar. Vinnsla æviskránna er nú á lokastigi og er
stefnt að útgáfu bókarinnar í september næstkomandi.
Kristján Sveinsson sagnfræðingur var ráðinn til að skrá sögu
félagsins og jafnframt sögu endurskoðunar hér á landi. Tók
hann við því verkefni á árinu 2009 þegar samningi var slitið
við fyrri söguritara sem ráðinn hafði verið til verksins. Vegna
þessa tefst útkoma þessa seinna bindis í bókaútgáfu félagsins
á afmælisárinu fram á vormánuði 2011. Hugmyndin er að
bækurnar myndi eina heild og verði settar í almenna sölu á
næsta ári auk þess sem sala til félagsmanna og annarra hefst
strax við útgáfu hvorrar bókar um sig.
Til að minnast afmælisins gefur FLE jafnframt út þetta
afmælisblað og einnig hefur heimasíða félagsins verið notuð til
að rifja upp mola úr sögunni.
Ákveðið var að á afmælisdaginn sjálfan, 16. júlí, verði haldið boð
á Hótel Borg þar sem stofnun félagsins var ákveðin á sínum
tíma. Er boðið einkum ætlað félagsmönnum og mökum þeirra.
Afmælisráðstefna verður síðan haldin þann 24. september og
verður hún opin almenningi. Forsvarsmönnum systurfélaga
FLE á Norðurlöndunum hefur verið boðið til ráðstefnunnar. Auk
þess munu forseti FEE, Hans van Damme, og varaforseti IFAC,
Göran Tidström, verða gestir félagsins á þessari ráðstefnu
og munu þeir báðir flytja erindi. Yfirskrift ráðstefnunnar er
„Embracing the future - learning from the past", sem lagt
hefur verið út sem „Á vit framtíðar - með reynslu fortíðar".
Auk erlendu gestanna munu nokkrir félagsmenn flytja erindi.
Auk framangreindra viðburða er vænst til þess að félagið
geti minnst 75 ára afmælisins með því að úthluta styrk úr
Námsstyrkjasjóði FLE, en hann var stofnaður á árinu 2003 til
að styrkja framhaldsnám í endurskoðun og reikningsskilum.
Horfur eru á því að doktorsnám í reikningsskilum og
endurskoðun fari af stað á komandi haustmánuðum undir
handleiðslu Háskólans í Reykjavík. Með breytingum sem
gerðar voru á skipulagsskrá Námsstyrkjasjóðsins í vor kemur
til greina að hann styrki skólann við þetta mikilvæga skref í
menntunarmálum endurskoðenda. Rétt er þó að undirstrika
að þegar þetta er ritað hafa endanlegar ákvarðanir ekki verið
teknar í þessum efnum.
í afmælisnefnd FLE eru, auk undirritaðs, Hrefna Gunnarsdóttir,
Ólafur Viggó Sigurbergsson og Þorsteinn Haraldsson. Auk
þeirra var Sigurður Tómasson í nefndinni fyrstu tvö árin.
Símon Á. Gunnarsson
FLE blaðið júlí2010 • 25