FLE blaðið - 01.07.2010, Blaðsíða 31

Inntir eftir helstu kostum og göllum starfsins, nefndi Ásbjörn
fjölbreytnina sem einn af kostum þess. í þessu starfi fælust
líka mikil samskipti við ólíka einstaklinga og reynslan af
þeim samskiptum væri ómetanleg og nýtist bæði í starfinu
og lífinu almennt. Þá nefnir hann að möguleikar á faglegri
endurmenntun væru stöðugt að aukast og að tækifærin
til þess að bæta við sig þekkingu séu fyrir hendi, þannig að
óþarfi er að staðna og missa áhugann. Ókostur er hins vegar
að yfirleitt er mikil tímapressa á verkefnunum. Þótt vinnutími
geti verið sveigjanlegur þá er það tímarammi verkefna sem er
húsbóndinn. Þeir telja það líka ókost hvað lagaumhverfið er á
fleygiferð með örum og oft illa ígrunduðum breytingum og þótt
það sé verkefnaskapandi, er erfitt að starfa í slíku umhverfi.
Stéttin glímir við það vandamál að það er ríkjandi vanþekking
á verkefnum og hlutverki hennar og aðgreining stéttarinnar frá
öðrum aðilum sem sinna verkefnum á sviði reikningsskila og
bókhalds er ekki nægjanlega skýr í huga almennings. Af þeim
sökum fá endurskoðendur oft að ósekju gagnrýni. Umræða um
ábyrgð endurskoðenda hefur aukist eftir hrunið og mikilvægt er
að sú umræða fari fram á faglegum nótum og að menn varist
sleggjudóma. Umfjöllun eftir hrunið hefur einnig vakið umræður
um ábyrgð og skyldur stjórnarmanna félaga og mun sú umræða
vonandi auðvelda samskipti endurskoðenda við stjórnir þeirra
þar sem þær geri sér e.t.v. betur grein fyrir ábyrgð sinni og
skyldum annars vegar og ábyrgð og skyldum endurskoðandans
hins vegar. Þeir voru sammála um að vinnustaður þeirra væri
skemmtilegur og samstarfsfólkið frábært og í raun merkilegt
hvað margt efnilegt ungt fólk getur hugsað sér að vinna hjá
endurskoðunarfyrirtækjunum miðað við hvað stéttin hefur
almennt verið talin óspennandi og leiðinleg.
Spurðir út í framtíðina, sagðist Ásbjörn sjá starf endurskoðenda
þróast þannig að sérhæfingin verði meiri. Hann benti á að nú
væru próf til löggildingar í endurskoðun þannig að eingöngu
væri lagt fyrir eitt próf þar sem megináherslan væri lögð
á endurskoðunina og minni áhersla á aðra þætti svo sem
þekkingu á skattalögum. Þetta getur orðið til þess að við fáum
endurskoðendur sem eru „leikmenn" í skattamálum en ekki
sérfræðingar. Sérfræðiþekkingin væri þá hjá lögfræðingum
sem geta verið með ólíka nálgun á viðfangsefnið og hafa
aðra menntun að baki. En er það rétt leið að aðskilja til dæmis
reikningsskilaþekkinguna og skattaþekkinguna, það eru þeir
ekki svo vissir um. íhaldssamt viðhorf, sem oft einkennir
endurskoðendur, þekking á reikningsskilum og glöggskyggni
þeirra á tölur eru atriði sem viðskiptavinir horfa til þegar upp
koma álitamál tengd sköttum. Margir viðskiptavinir gera
kröfu um víðtæka þekkingu endurskoðanda síns og aukin
sérhæfing mun fyrst og fremst nýtast í stærri verkefnum og
þjónustu við stórfyrirtæki bæði innlend og erlend, þótt þeim
innlendu hafi því miður stórlega fækkað að undaförnu. Þessi
menntun verður áfram eftirsóknarverð vegna þess að með
henni er aflað víðtækrar þekkingar sem nýtist víða. Sú þróun
mun halda áfram að endurskoðendur starfi í ríkara mæli
fyrir utan endurskoðunarstofurnar, ekki hvað síst til þess að
forðast þá ábyrgð sem fylgir störfum á stofu, bæði faglega og
fjárhagslega.
Þegar þeir voru inntir eftir lífinu utan vinnu var Friðbjörn
snöggur til svars og sagði EKKERT. Þetta reyndist svo ekki
alveg rétt. Hann á sumarhús á Siglufirði og skreppur í veiði
þegar færi gefst. Hann er líka orðinn afi og á tvær afastelpur og
spilar á gítar í rokkhljómsveit og spilaði badminton stíft í mörg
ár. Ásbjörn sagði Ijóst að það væri líf utan vinnu og hann væri í
alls konar sporti, badminton, knattspyrnu og golfi og er forgjöfin
núna 23. Þeir bræður voru sammála um að þeir forðuðust að
tala um vinnuna fyrir utan stofuna, enda væru þeir að vinna
með viðkvæmar upplýsingar sem væru trúnaðarmál og ágæt
regla að gefa vinnunni frí þegar komið er í annað umhverfi.
Endurskoðendahjónin, Hrefna og Kristján
Fulltrúi Kynningarnefndar tók þau hjónin Hrefnu Gunnarsdóttur
og Kristján Björgvinsson tali í húsi þeirra í nýju hverfi langt
uppi í uppsveitum Kópavogs. Hrefna er alin upp í Kópavogi og
Kristján í Reykjavík. Þau hjónin eru bæði endurskoðendur, hann
útskrifaður 1994 en hún 1996. Blaðamaður vildi forvitnast um
hagi þeirra og leitaði því til þeirra með nokkrar spurningar.
Hrefna og Krístján ásamt börnum sinum
Hvernig erþað Hrefna af hverju valdir þú þennan starfsvettvang
og höfðu tengsi þín við maka áhrif á það? „Þegar ég valdi
endurskoðunarsviðið á 4. ári í viðskiptafræðinni horfði
ég m.a. til þess að hafa sem flesta möguleika opna að
lokinni útskrift. Eftir útskrift var Kristján búinn að ráða sig
til starfa á endurskoðunarskrifstofu en mér var sagt af
endurskoðanda að það væri algjört óráð að við færum bæði
að vinna á endurskoðunarskrifstofum. Eftir að hafa starfað
í nokkra mánuði hjá ríkinu bauðst mér hins vegar starf á
endurskoðunarskrifstofu sem mér þótti spennandi og ég sló
því til." Þegar Kristján er inntur eftir sömu spurningu þá svarar
hann því að hann hafi verið í vafa með hvort hann ætti að fara
á fjármálasvið eða í endurskoðun en valdi það síðarnefnda út
FLE blaðið júlí2010 • 31