FLE blaðið - 01.07.2010, Blaðsíða 33
Fegðarnir Friðrik og Einar.
Ftvernig var það Einar, hafðir þú tök á að taka þátt í
fermingarundirbúningi drengsins? „Mig minnir að ég hafi tekið
frí daginn fyrir ferminguna, þ.e. á laugardeginum, en man ekki
eftir frekari aðkomu að þeim undirbúningi." Þess ber þó að geta
að Einar gegnir auk endurskoðunarstarfsins því hlutverki, sem
þykir mikill virðingarsess, að vera hringjari í Stokkseyrarkirkju
ásamt því að syngja tenór í kirkjukórnum. Af þeim sökum dró
hann drenginn með sér í Guðsþjónustur í kirkjunni í aðdraganda
fermingarinnar.
Einar er fæddur og uppalinn á Stokkseyri, býr þar og hefur
búið þar alla sína ævi að undanskildum þeim árum þegar hann
stundaði nám við Háskóla íslands. Friðrik ólst upp á Stokkseyri
þangað til hann fór í háskólanám og hefur ekki skilað sér til
baka enn sem komið er. Báðir starfa þeir hjá KPMG. Einar
veitir skrifstofu félagsins á Selfossi forstöðu, en Friðrik vinnur
á skrifstofu félagsins í Reykjavík.
Vinnið þið eitthvað saman í verkefnum, eða ráðfærið þið ykkur
hvor við annan íykkar störfum? Einar segir þá hafa unnið saman
í einu litlu verkefni sem Friðrik hefur verið með í mörg ár og var
kominn með áður en hann byrjaði hjá KPMG. Að öðru leyti
hafa þeir ekkert hvor af öðrum að segja í vinnunni né heldur
hvor yfir öðrum að segja. Vissulega ræða þeir saman um ýmis
málefni sem snerta þeirra störf, en þegar Friðrik sótti um
vinnu hjá KPMG tók Einar fram að hann yrði ekki undir hans
verndarvæng heldur yrði að standa á eigin fótum. Einar telur
að það hafi tekist og að ekki bæri á öðru en Friðrik hafi staðið
sig nokkuð vel.
Aðspurðir um hvort þeir hafi starfað við eitthvað annað upplýsti
Einar að hann hafi verið sveitarstjóri í 5 ár og aðalbókari
í hraðfrystihúsi í 5 ár áður en hann fór út í endurskoðunina.
Friðrik vann áður við bókhald og þar á undan starfaði hann sem
þjónn.
Afhverju endurskoðendur? Eftir stúdentspróf fór Einar í Háskóla
íslands og lauk cand oecon prófi af endurskoðunarsviði.
Eftir að hafa starfað við annað í nokkur ár hóf hann störf
hjá Endurskoðun hf. (nú KPMG) árið 1988. Þá leiddi eitt af
öðru og hann ákvað að skella sér í prófin, enda hafði hann
uppfyllt skilyrði fyrir því. Friðrik segist hafa verið mjög góður
í bókfærslu í grunnskóla, en hafði gefið það út að hann ætlaði
ekki að verða endurskoðandi eins og pabbinn. Friðrik reyndi
fyrir sér í verkfræðinni í Háskólanum, en ákvað svo að snúa sér
að endurskoðun.
Einar, hefur þú reynt að hafa áhrif á starfsval sonarins? „Nei,
ég setti mér það markmið að hlutast ekki til um starfsval
barnanna minna, hvatti þau hvorki né latti í þessa átt." Einar
segir að þegar Friðrik fór að tala um að þetta kæmi til greina
þá ráðlagði hann syni sínum að sækja um starf við bókhald og
byggja þannig upp góðan grunn sem myndi nýtast síðar. Friðrik
fór að ráðum föður síns þarna og sér ekki eftir því.
Friðrik, hafði faðir þinn einhver áhrif á þitt starfsval, beint eða
óbeint? „Hann sagði aldrei orð upphátt, en það leyndi sér ekki
eftir að ákvörðunin var tekin að honum líkaði það vel. Ég reikna
með að hann hafi fagnað gríðarlega án þess að ég sæi til."
Friðrik, áttu einhverjar minningar frá bernskuárum um föður
þinn sem endurskoðanda? „Bara það hefðbundna, að hann
var alltaf í vinnunni á vissum tíma ársins. Eitthvað var ég að
sniglast í kringum hann og einu sinni man ég eftir því að hafa
aðstoðað hann við að slá inn bókhald í tölvu." Friðrik segist
hafa komist að því eftir að hann byrjaði að vinna hjá KPMG að
menn geta eitthvað sjálfir haft að segja með vinnuálagið. Svo
tók hann fram að fljótlega eftir að hann byrjaði tók hann eftir
því að fólk skráði sig einhverja dagana heima hjá veiku barni.
„Ég man ekki eftir því að það hafi staðið til boða þegar ég var
lítill", segir Friðrik.
Einar, sýndi Friðrik einhverja tilburði sem barn og unglingur sem
bentu til þess að hann myndi feta í þín fótspor? „Ég tók eftir
því að drengurinn sýndi útgefnum ársreikningum sveitarfélaga
mikinn áhuga strax á unga aldri. Þá var þessum ársreikningum
dreift á öll heimili og Friðrik sökkti sér ofaní þá og spurði mig
svo útúr."
Þeir feðgar hafa stundað veiðar saman undanfarin ár. Einar
hefur ekki hikað við að segja syni sínum til á þeim vettvangi,
þó hann geri það ekki í vinnunni. „Ég er búinn að sýna honum
fram á að það gengur ekki að standa út í miðri á með iPod við
veiðar. Þannig nær maður engum árangri" segir Einar.
Að lokum má geta þess að þeir hafa fengið nýtt sameiginlegt
áhugamál nú í vetur, eftir að Friðrik gerði Einar að afa nú í
febrúar. Þegar talið berst að því verður ekki hjá því komist að
finna hve stoltir þeir eru af dóttur sinni og sonardóttur.
FLE blaðið júlí2010 • 33