Ráðunautafundur - 11.02.1980, Blaðsíða 16

8
Aðferðir við hirðingu
Sem fyrr segir, verður að forþurrka heyið á velli þangað
til þurrefnisinnihald þess er orðið 40-50%. Við hirðingu koma
einkum tvær aðferðir til greina:
1. Hey hirt úr múgum með heyhleðsluvagni, blásið með saxblás-
ara upp í turninn.
2. Hey hirt úr múgum á vagn með múgsaxara, blásið upp £ turn-
inn með blásara án söxunarbúnaðar.
Blásarana má knýja með dráttarvél eða fasttengdri dieselvél.
Nauðsynlegt er að hirða nokkuð hratt í turninn til þess að
forðast skemmdir á yfirborði heystæðunnar, sem óhjákvæmilega
eiga sér stað annars, vegna loftsins inni í turninum.
Erlendis er gert ráð fyrir því að í hverjum rúmmetra turns
séu 200-280 kg þurrefnis, mismunandi eftir hæð turnsins, fóður-
jurtum, þurrefnisinnihaldi við hirðingu og söxun fóðursins.
Tilraunir hafa sýnt, að búfé getur innbyrt meira magn þurrefnis
í „haylage" heldur en í þurrheyi eða votheyi.
Reynsla af Harvestore-turnum á íslandi
Eins og segir í upphafi þessa erindis, hafa Harvestore-
turnarnir aðeins verið í notkun hér eitt sumar á tveimur bæjum
í Borgarfirði. Þar voru þurrkar góðir s.l. sumar, þannig að
auðvelt reyndist að forþurrka heyið nægilega mikið. Hirt var með
heyhleðsluvagni á báðum stöðum og heyinu blásið upp í turnana
með saxblásara. Blásararnir voru knúnir með fasttengdum díesel-
vélum.
1 upphafi hirðingar skeði það óhapp á Kirkjubóli, að blás-
arinn brotnaði í mél og tók langan tíma að útvega nýjan. Af
þessum sökum dróst sláttur úr hömlu og grös spruttu úr sér. Að
öðru leyti gekk hirðing .fljótt og greiðlega á báðum bæjum. Á
Svarfhóli varð söxun heysins minni en ráðlagt er, vegna þess að
■hnífar blásarans voru ekki brýndir nægilega oft. Hefur það
örugglega neikvæð áhrif á verkun heysins og afköst losunarbún-
aðar.
Heyið frá Svarfhóli hefur verið efnagreint á Hvanneyri.
Niðurstöður eru í aðalatriðum þessar (1 sýni);