Ráðunautafundur - 13.02.1980, Blaðsíða 14
142
ir kaupendur að íslenskum refaskinnum. Þessir tollar gerðu alla
sölu erfiðari fyrir okkur og hafði e.t.v. úrslita áhrif á þessa
búgrein sem síðar lagðist niður að mestu eftir stríðið og alveg
1960. Síðar, þegar séð var, hvaða áhrif innflutningstollarnir
höfðu á alla verslun með grávöru, var komið á alþjóðalögum, sem
heimiluðu tollfrjáls viðskipti á hráum loðskinnum, milli landa.
Verslun með loðskinn þróaðist síðan yfir í umboðssölu, sem sér-
stök uppboðshús halda árlega. Æ síðan hefur blundað með nokkrum
einstaklingum og félögum áhugi fyrir refarækt og hafia sumir
þeirra orðið þess valdandi, að koma af stað skrifum og umræðum
til að auka áhuga fyrir henni. Fyrir ári síðan, skrifaði stjórn
Félags íslenskra loðdýraræktenda, þáverandi landbúnaðarráðherra,
Steingrími Hermannssyni og benti á leiðir til frekari útbreiðslu
á loðdýrarækt í landinu. Ráðherra skipaði nefnd til að gera
tillögur um uppbyggingu á loðdýrarækt og skilaði hún nefndar-
áliti s.l. vor.
Tillögur nefndarinnar voru í megindráttum þessar:
Landbúnaðarráðuneytið leiti eftir samningum við Grávöru h.f. á
Grenivík um að koma upp á komandi sumri refabúi með um 100 læðum
og bæti aðstöðu sína í fóðureldhúsi svo hún geti séð nærliggj-
andi loðdýrabúum fyrir tilbúnu fóðri. Ennfremur við 3-4 bændur
í grenndinni um minni refabú, 20-50 læður og eitt minkabú.
Ráðunaytið útvegi fjármagn til að veita þessum aðilum stofnlán.
Nemi lánið efniskostnaði við byggingar og kaupverði lífdýra er-
lendis frá, komnum til landsins. Lánin verði afborgunarlaus
þangað til afurðir koma frá búunum.
Ráðinn verði þjálfaður refahirðir til leiðbeiningar og starfa við
búin fyrsta framleiðsluskeiðið.
Eigendur búanna skuldbynda sig til að fara eftir leiðbeiningum
ráðunauts Búnaðarfélags Islands. Ennfremur að veita þeim, sem
óska að kynna sér refarækt, aðstöðu til að gera það á búunum og
vinna við það eftir því sem tök verða á.
Að fenginni reynslu á fyrsta ári verði teknar ákvarðanir um
framhald refaræktarinnar hérlendis.