Dagblaðið Vísir - DV - 12.04.2016, Blaðsíða 28

Vikublað 12.–14. apríl 201620 Sport
avis.is
591 4000
Frá
1.650 kr.
á dag
Vissir þú að meðal heimilisbíll er
notaður í eina klukkustund á dag
Langtímaleiga er
þægilegur, sveigjanlegur
og skynsamlegur kostur
Á
R
N
A
S
Y
N
IR NOTAÐU ÞITT FÉ
SKYNSAMLEGA
„Við erum með betra lið“
n Freyr Alexandersson fer fullur sjálfstrausts inn í útileik við Hvít-Rússa n Toppliðin mætast í júní
É
g á von á því að það verði erfitt
að brjóta þær á bak aftur,“
segir Freyr Alexandersson,
landsliðsþjálfari kvenna í
knattspyrnu. Ísland mætir í
dag, þriðjudag, liði Hvít-Rússa, öðru
sinni, í undankeppni fyrir EM 2017.
Ísland er taplaust, eins og Skotland,
en liðin mætast innbyrðis í Skotlandi í
júní. Fyrri leikinn við Hvít-Rússa vann
Ísland 2-0 á Laugardalsvelli. Ljóst er
að liðið má ekki misstíga sig í leiknum
því baráttan um toppsætið er hörð.
Aðeins eitt lið kemst beint á EM en
sex af átta liðum – þau sem náð hafa
besta árangrinum – mætast í þremur
umspilsviðureignum um þrjú laus
sæti til viðbótar. Því fer því fjarri að Ís-
land eigi greiða leið á mótið.
Eigum að klára verkefnið
Freyr segir í samtali við DV að Hvít-
Rússar séu afar skipulagt lið. Mikil-
vægt sé að skora mark snemma því
róðurinn geti orðið þungur þegar á
leikinn líður – takist ekki að skora.
„Við erum með betra lið og eigum
undir öllum kringumstæðum að
klára þetta verkefni. Einbeitingin og
aginn verður að vera í lagi til að ná
góðri frammistöðu.“
Freyr segir að ástand leikmanna sé
gott. Flestir leikmennirnir séu um það
bil að hefja sitt keppnistímabil, bæði
á Íslandi og í Svíþjóð. Hann bendir á
að sama gildi um lið Hvít-Rússa. „Þær
eru að nálgast toppform.“
Þrjár meiddar en
gott ástand annars
Þrír íslenskir leikmenn, sem vana-
lega eru í hópnum, eru meiddir. Það
eru Katrín Ómarsdóttir og Arna Sif
Ásgrímsdóttir, sem meiddust á Al-
garve í mars, og Rakel Hönnudóttir,
sem hefur verið meidd lengi. Freyr
var annars mjög ánægður með
frammistöðu liðsins í því firnasterka
móti, en Ísland hafnaði í þriðja sæti.
„Ég var mjög ánægður með mótið.
Við spiluðum vel og þurftum að
kljást við ólíkan leikstíl. Liðið er
orðið mjög þroskað og við getum
unnið hvaða þjóð sem er. Við höfum
verið að vinna leiki vegna þess að
frammistaðan hefur verið góð,“ segir
hann og bætir við að engin heppni-
stimpill hafi fylgt liðinu. Liðið sé
einfaldlega mjög gott. „Næsta skref
er að fínpússa mikilvæg smáatriði í
okkar leik – við erum því enn að þróa
leikinn.“
„Heitustu“ liðin í Evrópu
Ef allt gengur að óskum í Hvíta-
Rússlandi, og Skotar misstíga sig
ekki gegn Slóvenum, verður úr-
slitaleikur um efsta sæti riðilsins í
Skotalandi í júní – að minnsta kosti
um stundarsakir – en liðin eiga svo
eftir að mætast aftur. Freyr segir um
möguleikana gegn Skotlandi að þar
fari mjög áþekk lið. „Skoska liðið er
það lið – ásamt okkur – sem er með
þeim heitustu í Evrópu um þess-
ar mundir. Þá tel ég ekki með allra
bestu liðin sem eru í áskrift að stór-
mótunum. Fjórir fremstu leikmenn
Skota eru afar sterkir og hafa verið
að slá í gegn með sínum félagsliðum
í Bandaríkjunum, Englandi og
Þýskalandi. Framlínan er afar sterk
og þetta er reynslumikið lið sem
hungrar í að komast áfram. Þegar við
mætum Skotum fáum við frábæran
fótboltaleik.“
Hann metur líkurnar á möguleik-
um Íslands í þeim leik jafnar. „Þetta
verður 50/50. Liðin eru á svipuðu
róli og bæði búin að vinna flesta leiki
undanfarið.“ n
Baldur Guðmundsson
baldur@dv.is Staðan í riðlinum
Lið Leikir Stig Markatala
Skotland 4 12 +23
Ísland 3 9 +12
Hvíta-Rússland 4 3 -10
Slóvenía 3 3 -6
Makedónía 4 0 -19
„Þær eru að
nálgast
toppform
Landsliðsþjálfari Freyr Alexandersson hefur náð góðum úrslitum með liðið að undanförnu. Hann er bjartsýnn á framhaldið. Mynd SiGtryGGur Ari
Markaskorari
Dagný Brynjarsdóttir
hefur skorað þrjú mörk
fyrir Ísland í leikjunum
þremur, eins og Margrét
Lára Viðarsdóttir og
Harpa Þorsteinsdóttir.
Mynd rEutErS
Sumargjöfin í ár!
fæst í öllum verslunum n1
Þráðlausu Touch heyrnartólin eru seld á N1 um allt land.
Hægt að tengja við síma, ipad og öll bluetooth tæki.
Einnig er hægt að svara í símann með þeim.