Dagblaðið Vísir - DV - 06.12.2016, Blaðsíða 20

Vikublað 6.–8. desember 201620 Lífsstíll
Fylgist með okkur á Facebook.com/Lyfsalinn
Uppakomur • Leikir • Tilboð
Sjálfstætt starfandi
apótek í Glæsibæ
Okkar markmið er að veita þér og þínum framúrskarandi þjónustu og ráðgjöf
Fylgist með okkur á Facebook.com/Lyfsalinn
Uppakomur • Leikir • Tilboð
Opnunartími: Virka daga 8.30-18
Laugardaga 10.00-14.00
Stuðlað að betri svefni
n Átta tegundir matvæla sem hjálpa til n Valhnetur, mjólk og egg þar á meðal
U
m þriðjungur fólks segist
glíma við svefnleysi með
reglulegu millibili. Ástæður
svefnleysis geta verið af
mörgum toga og spilar
streita oftar en ekki inn í. En það er
ýmislegt sem við getum gert til að
stuðla að betri svefni, meðal annars
með því að borða ákveðnar fæðu-
tegundir. Lífsstílstímaritið Men‘s
Health tók saman átta tegundir mat-
væla sem stuðla að betri svefni. n
Svefnleysi Margir kannast við
að vera lengi að sofna eða vakna
um miðja nótt. Nokkrar tegundir
matvæla eru þó taldar geta stuðl-
að að betri nætursvefni.
Sætar kartöflur
Sætar kartöflur eru ekki bara bragðgóðar
heldur einnig meinhollar. Meðalstór kartafla
inniheldur 524 milligrömm af kalíum sem er
dágóður skerfur af ráðlögðum dagskammti.
Kalíum hjálpar vöðvunum við að ná slökun
sem aftur leiðir til betri svefns. Þannig getur
kalíum komið þeim að gagni sem þjást af
fótaeirð.
Lax Laxinn er ríkur af omega-3
fitusýrum og samkvæmt að minnsta kosti
einni rannsókn, sem birtist í tímaritinu
Journal of Sleep, eru tengsl á milli neyslu á
omega-3 og djúps og góðs nætursvefns.
Vísindamenn hafa ekki áttað sig almenni-
lega á tengslunum en rannsóknir benda til
að þær séu til staðar – fyrir utan þá
staðreynd að lax er meinhollur að öðru leyti.
Valhnetur
Valhnetur innihalda melatónín,
hormónið sem stuðlar að því að
okkur syfjar á kvöldin og erum
vakandi á daginn. „Líkami okkar
framleiðir melatónín þegar rökkva
tekur en að borða fæðu sem
inniheldur melatónín getur einnig
stuðlað að syfju,“ segir svefnráð-
gjafinn W. Christopher Winter. Eitt
til tvö handfylli af hnetum er nóg.
Egg Fullt hús matar er
stundum sagt um eggin og það er
hverju orði sannara. Egg eru
mörgum kostum gædd og einn
þeirra er sá að þau innihalda
náttúrulegt D-vítamín sem talið er
geta stuðlað að betri svefni.
Niðurstöður rannsóknar sem birtust
í tímaritinu Sleep sýndu að
karlmenn sem neyta ekki
nægjanlegs magns af D-vítamíni
sváfu verr en samanburðarhópurinn
sem fékk nóg af D-vítamíni.
Hvít hrísgrjón
Samkvæmt niðurstöðum rannsóknar, sem
birtust í tímaritinu American Journal of
Clinical Nutrition, getur neysla á hvítum
hrísgrjónum stuðlað að betri svefni. Þeir
sem neyta hvítra hrísgrjóna mest fjórum
tímum fyrir háttatíma voru fljótari að sofna
en aðrir. Hvít hrísgrjón eru kolvetnarík og
líkaminn þarf á kolvetnum að halda til að
framleiða melatónín.
Heit mjólk
Mjólk inniheldur kalk og amínósýruna
trýptófan, en þessi tvö efni eru talin
geta aukið á framleiðslu seratóníns
í heilanum. Mjólk er að auki oft
D-vítamínbætt svo það hjálpar
einnig til. Ef þú hitar mjólkina aðeins
getur það stuðlað að meiri syfju. „Ef
þú neytir heitra drykkja hækkar það
líkamshitann örlítið. Líkaminn bregst
við með því að kæla sig niður og það
getur valdið syfju,“ segir Winter.
Kasjúhnetur
Aðeins lítilræði af kasjúhnetum
fer langleiðina með að uppfylla
ráðlagðan dagskammt af magnesíum.
Magnesíum er steinefni sem margir
trassa að innbyrða – óviljandi þó. Ef
magnesíuminntaka er af skornum
skammti getur það haft áhrif á nætur-
svefninn. Þá tengist fótaóeirð oft
skorti á magnesíuminntöku.
Kamillute Kamillute er til
margra hluta nytsamlegt. Rannsóknir hafa
bent til þess að það geti dregið úr krömpum,
bólgum og jafnvel meltingartruflunum.
Þetta ofurte er einnig talið geta stuðlað að
minni streitu og minni kvíða og þar með
betri svefni. Og þar sem teið á að drekka
heitt hefur það sömu eiginlega og heita
mjólkin, eins og lesa má um hér að framan.