Dagblaðið Vísir - DV - 09.12.2016, Side 6

Helgarblað 9.–12. desember 20166 Fréttir
Pingpong.is - Síðumúli 35 (að neðanverðu) , Reykjavík - S: 568 3920 & 897 1715
Borðtennis
er fyrir alla!
BorðtennisBorð
n Bandaríkjamenn vildu byggja á Kjalarnesi n Brúneggjabræður keyptu landið
Stofnfrumufjárfestar
hættir við heilsuhótel
E
kkert verður af áformum
þriggja bandarískra fjárfesta
og stjórnenda hjá fyrirtækinu
BioStem Technologies, sem
selur stofnfrumumeðferðir
frá Flórída, um að reisa heilsuhótel í
Nesvík á Kjalarnesi.
Þeir höfðu samið við fjármála­
fyrirtækið Lýsingu hf. um kauprétt
á um 40 hektara landi og stofnað ís­
lenska einkahlutafélagið BioStem
Iceland utan um verkefnið. Bræð­
urnir Kristinn Gylfi og Björn Jóns­
synir, eigendur Brúneggja ehf.,
keyptu félagið í haust og tryggðu sér
þá skikann sem þeir misstu til Lýs­
ingar árið 2012.
Fékk 17 milljóna lán
Þeir Henry William Van Vurst, fram­
kvæmdastjóri BioStem Technologies,
Jason Matuszewski, fjármálastjóri
bandaríska fyrirtækisins, og Andrew
Van Vurst, rekstrarstjóri þess, sátu all­
ir í stjórn BioStem Iceland. Það gerðu
einnig lögmennirnir Haraldur Flosi
Tryggvason og Stefán Árni Auðólfs­
son hjá LMB Lögmönnum. Haraldur
sagði í samtali við Fréttablaðið í maí
síðastliðnum að erlendir fjárfestar
værum að skoða byggingu 100 til 200
herbergja heilsuhótels í Nesvík. Hug­
myndir um verkefnið væru enn á
frumstigi og ómótaðar en verið væri
að vinna með „einhvers konar heilsu­
tengda ferðaþjónustu“. Lögmaðurinn
hafði þá í þeirra umboði óskað eftir
staðfestingu skipulagsyfirvalda í
Reykjavík á því að áformuð starfsemi
félli að gildandi aðalskipulagi.
BioStem rekur höfuðstöðvar í
borginni Oakland Park í Flórída­ríki.
Fyrirtækið býður meðal annars upp
á stofnfrumumeðferðir við ýms­
um hrörnunarsjúkdómum í borginni
Guadalajara í Mexíkó. Þá sérhæfir það
sig einnig í þróun og markaðssetningu
lyfja sem innihalda stofnfrumur og eiga
að sögn forsvarsmanna þess að hægja á
öldrun húðarinnar. Samkvæmt heim­
ildum DV seldu bandarísku fjárfest­
arnir félagið og kaupréttinn á Nesvík
nokkrum mánuðum eftir að viðtalið
við Harald Flosa birtist. Eignir félagsins
voru þá metnar á 18,5 milljónir króna
en íslenska einkahlutafélagið hafði
fengið 17 milljóna lán frá erlendu móð­
urfélagi. Í ársreikningi félagsins fyrir
2015 kemur ekki fram hvar í heiminum
móðurfélagið er staðsett.
Endaði hjá Lýsingu
BioStem Iceland heitir nú Nesvík fast­
eignir ehf. Bræðurnir Björn og Krist­
inn Gylfi Jónssynir settust í stjórn þess
þann 11. nóvember. Fjölskylda þeirra
átti Nesvík til ársins 1967, og aftur á
árunum 1997 til 2012, en landið var
áður hluti af bænum Brautarholti þar
sem meðlimir fjölskyldunnar ráku
um tíma svínabú og Brúnegg er nú
með pökkunar­ og birgðastöð. Í Nes­
vík má finna sumar bústað og félags­
heimili sem félag fyrrverandi starfs­
manna flugfélagsins Loftleiðir byggði
á áttunda áratugnum. Starfsmanna­
félagið seldi fjölskyldunni landið aft­
ur árið 1997 og var það í kjölfarið
skráð á félagið Nesvík ehf. Gjaldþrot
fyrirtækja sem eigendur svínabúsins
í Brautarholti voru hluthafar í árið
2003 leiddi til þess að Lýsing eignaðist
Nesvík í júní 2012 eða níu árum síðar.
Nesvík ehf. var úrskurðað gjald­
þrota í júlí 2015. Samkvæmt nýjasta
ársreikningi félagsins var Katrín
Pétursdóttir, forstjóri Lýsis hf., stærsti
hluthafi þess í árslok 2011 með 35
prósenta hlut. Annað hlutafé félags­
ins var þá í eigu systkinanna Kristins
Gylfa, Björns, Ólafs og Emilíu Bjargar
Jónsbarna. Kristinn Gylfi vildi ekki
tjá sig um félagið þegar DV ræddi við
hann í síðustu viku og ekki náðist í
Björn Jónsson. n
Haraldur Guðmundsson
haraldur@dv.is
Framkvæmdastjóri Brúneggja
Kristinn Gylfi og Björn Jónsson, bróðir
hans, sitja nú í stjórn Nesvíkur fasteigna
ehf. sem hét áður BioStem Iceland ehf.
Jörðin sem um ræðir
Nesvík er við sjóinn fyrir
sunnan Brautarholt.
Þarf að greiða
800 þúsund
eftir líkamsárás
Héraðsdómur Reykjavíkur dæmdi
í vikunni karlmann í tveggja
mánaða skilorðsbundið fangelsi
fyrir líkamsárás. Atvikið átti sér
stað í Stórholti að morgni laugar­
dagsins 15. ágúst í fyrra. Hinn
dæmdi var ákærður fyrir að ráðast
á annan mann, snúa hann niður
og slá hann ítrekað í höfuðið með
þeim afleiðingum að fórnarlamb­
ið hlaut áverka víða um líkamann.
Mönnunum lenti saman þegar
hinn dæmdi var á gangi með vin­
konu sinni. Lýsti sá síðarnefndi
því að fórnarlamb árásarinnar
hafi sýnt ögrandi og ógnandi til­
burði, hann hafi orðið hræddur og
snúið manninn niður. Fórnarlamb
árásarinnar sagði hins vegar að
árásarmaðurinn og vinkona hans
hafi verið að rífast og hann hvatt
þau til að hafa lægra.
Vitnið, sem var með
árásarmanninum, sagði að hinn
dæmdi hafi farið að áreita og ögra
manninum sem hafi gengið á
undan þeim. Maðurinn hafi að
lokum svarað og sagt árásarmann­
inum að láta sig í friði og einbeita
sér að stúlkunni sem hann væri
með. Sá síðarnefndi hafi ekki látið
sér segjast og fórnarlambið spurt
hvort hann væri samkynhneigður.
Þetta hafi endað með því að hinn
dæmdi réðst á manninn og sneri
hann í jörðina. Þar hafi hann kýlt
hann tvisvar til þrisvar í andlitið.
Dómurinn mat það svo að
fórnarlamb árásarinnar hafi viljað
forðast manninn og árásarmann­
inum hafi ekki átt að standa ógn
af honum. Ekki var þó talið sann­
að að árásarmaðurinn hafi lamið
fórnarlambið í höfuðið en þó talið
sannað að hann hafi snúið hann
í jörðina. Fangelsisdómurinn er
skilorðsbundinn til tveggja ára,
en auk þess var árásarmanninum,
sem er fæddur árið 1982, gert að
greiða fórnarlambi sínu skaða­ og
miskabætur að fjárhæð 279 þús­
und krónur. Þá var hann dæmdur
til að greiða 543 þúsund krónur í
sakarkostnað.
Metið fallið
Rúmlega hálf milljón Íslendinga fara til útlanda á árinu
R
úmlega 45 þúsund Íslendingar
flugu frá Keflavíkurflugvelli í
síðasta mánuði sem er mik­
il viðbót við gamla metið. Það
var sett í nóvember árið 2007 þegar
nærri 41 þúsund íslenskir farþegar
flugu frá Íslandi. Ferðavefurinn Túristi
greindi frá þessu á fimmtudag. „Að
meðaltali sátu því um fimmtán hund­
ruð Íslendingar á degi hverjum í vél­
unum sem tóku á loft frá Keflavíkur­
flugvelli í nóvember en svo margir
farþegar fylla um átta hefðbundnar
þotur,“ segir í frétt Túrista. Ferðamála­
stofa hefur haldið úti talningu á brott­
förum Íslendinga frá Flugstöð Leifs
Eiríkssonar frá árinu 2004 og á þeim
tíma hafa aldrei fleiri farið út en árið
2007 þegar fjöldinn náði nærri 470
þúsundum. Það met fellur hins vegar
í ár því í lok nóvember síðastliðinn
höfðu 495 þúsund íslenskir farþegar
farið út og næsta víst er að í fyrstu viku
þessa mánaðar hafi meira en 5.000 Ís­
lendingar innritað sig í flug í Leifsstöð.
Þar með hefur meira en hálf milljón
íslenskra farþega farið til útlanda í ár.
Langflestir í júní eða rúmlega 67 þús­
und talsins. n
kristin@dv.is