Dagblaðið Vísir - DV - 09.12.2016, Blaðsíða 32
Helgarblað 9.–12. desember 201628 Sport
Hátt verð er ekki
ávísun á velgengni
n Kaup á átta dýrustu leikmönnum sumarsins gerð upp n Sadio Mané hefur staðið sig best
Á
tta dýrustu leikmenn sum-
arsins í ensku úrvalsdeildinni
kostuðu samtals 350,5 millj-
ónir punda, eða 49,4 millj-
arða króna. Nú þegar stutt
er í jólatörnina á Englandi og nýja-
brumið, ef svo má segja, er farið af
nýju mönnunum er ekki úr vegi að
leggja mat á hvort þeir dýrustu hafi
staðið undir væntingum það sem
af er tímabili. DV skoðaði dýrustu
leikmenn sumarsins og lagði mat á
frammistöðu þeirra í vetur með því
að gefa þeim einkunn á skalanum 0
til 10. Nokkrir þessara leikmanna eru
enn ungir að árum og er eftir fremsta
megni reynt að taka tillit til þess. n
Paul Pogba
Félag: Manchester United Keyptur frá: Juventus
Kaupverð: 93,25 milljónir punda Einkunn: 6,5
n Það efast fáir um að Paul Pogba sé frábær knattspyrnumaður. Fleiri efast þó um að
hann standi undir því að vera dýrasti knattspyrnumaður heims en tíminn mun leiða það í
ljós. Ef marka má tölfræðivefinn whoscored.com hefur Pogba verið besti leikmaður United
á tímabilinu með meðaleinkunnina 7,59. Tvö mörk og ein stoðsending í þrettán leikjum í
úrvalsdeildinni er þó ekkert til að hrópa húrra yfir og þótt Pogba hafi stundum sýnt flott
tilþrif hefur hann á köflum verið mistækur. Eins og fleiri leikmenn á þessum lista hefur Pogba
nægan tíma til að sýna hvað í honum býr, svigrúmið til bætingar er talsvert.
John Stones
Félag: Manchester City Keyptur frá: Everton Kaupverð: 50 milljónir punda Einkunn: 6,0
n John Stones er af mörgum talinn framtíðarleikmaður enska landsliðsins. Þessi 22 ára
varnarmaður hefur alla burði til að ná langt þótt byrjun hans hjá City hafi verið tiltölulega
erfið. Ef síðustu 15 leikir liðsins í öllum keppnum eru skoðaðir sést að City hefur aðeins haldið
hreinu í einum þessara leikja og hefur Stones gert nokkur afdrifarík mistök í vetur. Hann var
til dæmis heppinn þegar Diego Costa náði boltanum af honum í vítateig City í leik liðanna
um liðna helgi. Stones getur huggað sig við það að tíminn er með honum í liði og hann fær
allan þann stuðning sem hann þarf frá þjálfaranum, Pep Guardiola.
Sadio Mané
Félag: Liverpool Keyptur frá: Sout-
hampton Kaupverð: 36 milljónir punda
Einkunn: 9,0
n Senegalinn Sadio Mané virðist
smellpassa inn í leikstíl Jurgens Klopp
hjá Liverpool enda hefur þessi 24 ára
leikmaður skorað sjö mörk og lagt upp
þrjú til viðbótar í aðeins 13 leikjum í
deildinni. Samkvæmt tölfræðivefnum
whoscored.com er aðeins Philippe
Coutinho með hærri meðaleinkunn en
Mané af leikmönnum Liverpool. Liverpool
hefur gengið vel að skora í vetur og má
þakka það elju og vinnusemi Mané sem
er síógnandi uppi við mark andstæðing-
anna. Kaupin á Mané eru ein þau allra
bestu í vetur.
Leroy Sane
Félag: Manchester City
Keyptur frá: Schalke Kaupverð: 37
milljónir punda Einkunn: 5,0
n Miklar vonir eru bundnar við Leroy
Sane hjá Manchester City, enda greiddi
félagið háar fjárhæðir fyrir hann í sumar.
Þessi efnilegi þýski vængmaður hefur þó
átt erfitt með að aðlagast enska bolt-
anum og hefur hann virst vera týndur í
leikjum City-liðsins. Sane hefur aðeins
komið við sögu í sjö deildarleikjum City í
vetur og gert lítið í þeim. Pep Guardiola
hefur látið hafa eftir sér að Sane þurfi
meiri tíma til að aðlagast.
Shkodran Mustafi
Félag: Arsenal Keyptur frá: Valencia Kaupverð: 35 milljónir punda Einkunn: 8,0
n Gæti Shkodran Mustafi verið týndi hlekkurinn fyrir Arsenal? Til að vinna titla þarf öfluga
vörn og Arsene Wenger er loksins kominn með öfluga fjögurra manna varnarlínu. Mustafi
hefur smollið vel inn í leikstíl Arsenal og Þjóðverjinn virðist sniðinn fyrir ensku úrvalsdeildina.
Mustafi er leikmaður sem gerir hlutina á einfaldan og skilvirkan hátt og það ber ekki sérstak-
lega mikið á honum inni á vellinum. Það er góður eiginleiki þegar varnarmenn eiga í hlut.
Michy Batshuayi
Félag: Chelsea Keyptur frá: Marseille
Kaupverð: 33,2 milljónir punda Einkunn:
5,5
n Belginn efnilegi hefur ekki enn byrjað
deildarleik fyrir Chelsea á tímabilinu og
raunar aðeins leikið 77 mínútur í það heila.
Ástæðan fyrir fáum tækifærum er einföld:
Diego Costa hefur farið á kostum í framlínu
Chelsea og þar sem liðið leikur ekki í Evrópu-
keppni er álagið á helstu stjörnur liðsins
ekki mikið sem aftur gerir að verkum að liðið
breytist lítið milli leikja. Þar að auki hefur
Chelsea gengið allt í haginn að undanförnu.
Þrátt fyrir fá tækifæri hefur Michy skorað
þrjú mörk, eitt í deild og tvö í deildarbikarn-
um, og sýnt stuðningsmönnum Chelsea að
félagið hafi ekki keypt köttinn í sekknum.
N‘Golo Kante
Félag: Chelsea Keyptur frá: Leicester
Kaupverð: 32 milljónir punda
Einkunn: 8,0
n N‘Golo Kante var einn allra besti leik-
maður úrvalsdeildarinnar í fyrra og er
hann ein af ástæðum þess að Leicester
hampaði titlinum í vor. Kante byrjaði
heldur rólega hjá Chelsea í haust en
hefur hægt og bítandi verið að stimpla
sig inn sem einn af lykilmönnum liðsins.
Hann er duglegur og frábær í sinni stöðu
sem afturliggjandi miðjumaður þar sem
hann sópar upp öllum lausum boltum.
Miðað við verðið, 32 milljónir punda,
gætu kaupin á Kante reynst ein þau
allra bestu í vetur.
Granit Xhaka
Félag: Arsenal Keyptur frá: Borussia
Mönchengladbach Kaupverð: 34 millj-
ónir punda Einkunn: 6,0
n Ekki er ólíklegt að Arsene Wenger hafi
búist við meiru frá Granit Xhaka enda
kostaði þessi 24 ára svissneski lands-
liðsmaður skildinginn í sumar. Xhaka
hefur byrjað sjö leiki í deild og komið
fjórum sinnum af bekknum. Mistök
sem kostuðu mark og klaufalegt rautt
spjald sem hann fékk gegn Swansea um
miðjan október varð til þess að margir
settu spurningarmerki við leikmanninn.
Hann hefur þó sýnt með svissneska
landsliðinu og áður Basel og Borussia
Mönchengladbach að hann er öflugur
knattspyrnumaður sem gæti orðið lykil-
maður fyrir Arsenal þegar fram í sækir.
Dýrastur
Paul Pogba kost-
aði Manchester
United 93 milljónir
punda þegar hann
var keyptur frá
Juventus í sumar.
MynDir EPA