Dagblaðið Vísir - DV - 20.12.2016, Page 10

Vikublað 20.–21. desember 201610 Fréttir
„Prófaðu að hlusta á börnin þín gráta sig í svefn“
n Ótal fjölskyldur fengu mat hjá Fjölskylduhjálp fyrir jólin n DV ræddi við tvær mæður sem
Ö
nnur af tveimur jólaúthlutun-
um Fjölskylduhjálpar Íslands
í Iðufelli í Breiðholti fór fram
í gær, mánudag. Að þessu
sinni var það fjölskyldufólk
sem tók þau þungu skref að standa í
langri biðröð fyrir utan höfuðstöðv-
ar hjálparsamtakanna í fyrstu snjó-
hríðinni í höfuðborginni í vetur. DV
kíkti í heimsókn til að glöggva sig á
ástandinu, ræða við fólk sem reiðu-
búið var að tjá sig um aðstæður sín-
ar og ástæður þess að það reiðir sig
á matargjafir til að geta veitt börnum
sínum gleðileg jól.
Það var kalt og það skiptust á
haglél og bylur þegar blaðamaður
DV og ljósmyndari komu á vettvang.
Sjálfboðaliðar færðu þeim sem biðu
í röðinni löngu kaffi til að ylja sér,
fyrir innan var hver fermetri nýttur.
Vörubretti full af mat og fjöldi sjálf-
boðaliða sem hafði raðað sér upp
við úthlutunarborðin, tilbúnir að
fylla poka af helstu matvælum og
nauðsynjum fyrir komandi hátíðar.
Svona að tjaldabaki var þetta eins
og hver annar lager í matvörubúð.
Nema hér er maturinn gefins og á
þakklátum andlitum skjólstæðinga
Fjölskylduhjálparinnar mátti lesa að
allir þeirra hefðu þó frekar kosið að
geta farið í búðina og greitt fyrir mat-
inn. Það var kraftur í sjálfboðaliðun-
um og formaðurinn, Ásgerður Jóna
Flosadóttir, var á þönum að leysa
verkefni í hverjum krók og kima. Við
innganginn var hleypt inn í hollum.
Fólk skráir sig við afgreiðsluborð og
fær bleikan miða sem það framvís-
ar svo við afgreiðsluborðin til að fá
matargjafirnar. Borðin svigna undan
reyktu svínakjöti, frosnum fiski, og
öllu tilheyrandi. Ásgerður Jóna segir
að jólaúthlutunin nú sé sú stærsta til
þessa. Fjölskyldurnar í dag, einstak-
lingarnir á miðvikudag og síðan er
úthlutun í Reykjanesbæ á fimmtu-
dag. Hún áætlar að þrjú þúsund
einstaklingar njóti góðs af matar-
úthlutuninni í vikunni. Það hefur
oftar en ekki verið viðkvæðið þegar
spurt er um ástandið, og er það enn.
„Ástandið hefur aldrei verið svona
slæmt,“ segir hún.
Ásgerður Jóna hafði að beiðni
DV milligöngu um að útvega við-
mælendur úr hópnum – fólk sem
reiðubúið væri að deila með okk-
ur reynslunni af því góða starfi sem
Fjölskylduhjálpin veitir og aðstæð-
um sínum. DV ræddi við 32 ára ein-
stæða móður, 38 ára gifta þriggja
barna móður og loks hjón með þrjú
börn sem í kjölfar atvinnumissis
eigin mannsins og bílslyss eiginkon-
unnar misstu allt og voru að leita
til Fjölskylduhjálparinnar í fjórða
sinn. Öll áttu þau það sameiginlegt
að vera full af þakklæti fyrir hjálpar-
samtök eins og Fjölskylduhjálpina.
Matar gjafir sem þessar fyrir jólin,
skipta þau öllu máli. Öll féllust þau
á að ræða við DV gegn því að vera
ekki nafngreind, sem blaðamaður
varð góðfúslega við. Þau nöfn sem
fylgja viðtölunum hér eru því ekki
þeirra. n
Inn í eldhúsið eru komin ung hjón, sem við
skulum kalla Jón og Gunnu, sem þetta er allt
saman tiltölulega nýtt fyrir. Þau segjast hafa
komið þrisvar áður. Þau lifðu áður góðu lífi þar
til áföllin dundu yfir. Hann missti vinnuna og
ekkert hefur gengið í þeirri leit síðan og hún
lenti í slysi.
Gunna: „Ég lenti í bílslysi, þannig að maður
datt úr háum tekjum niður í ekki neitt. Ég
missti fyrirtækið þannig að þetta er gríðar-
mikill léttir. Manni hefði ekki dottið í hug að
það væri hægt að fá hjálp sem þessa.“
Jón og Gunna eiga þrjú börn og leita til
Fjölskylduhjálparinnar til að geta boðið
börnum sínum upp á almennilegan mat yfir
hátíðarnar. Jón kemst við þegar blaðamaður
spyr hann hvers virði það sé að geta komið
hingað, fengið mat í ísskápinn fyrir hátíðarnar
og veitt börnunum gleðileg jól.
Jón: „Þetta er ómetanleg aðstoð. Jólin væru
ekki eins, ef ekki væri fyrir hana.“
Gunna: „Þetta hefur verið mikill kvíði hjá
okkur.“
Jón: „Mikill kvíði.“
Gunna: „Maður hefur verið með áfallastreitu
eftir það sem maður hefur lent í þannig að þetta
léttir á því.“ Jón: „Maður hefði aldrei trúað því að
nokkur gæti staðið í þeim sporum sem maður
er í í dag. Maður hefði haldið að þetta væri bara
einhver aumingjaskapur og væri ekki til. En svo
stendur maður í þessum sporum sjálfur.“
Jón og Gunna vilja þó ekki meina að það sé
niðurlægjandi að þurfa að leita sér aðstoð-
ar með þessum hætti. Þau upplifi ekki þá
niðurlægingu sem margir gera, í aðstæðum sem
þessum, fremur þakklæti til handa þeim sem
aðstoða fólkið sem er í þessum sporum.
Gunna: „Ég upplifi það ekki. Ég ætla að reyna
að skila til baka seinna, með einhverju móti. Ég
hef gert það niðri í Mæðrastyrksnefnd. Áföllin
gerast og þau eru oft tímabundin, ég hef verið
að skila þar til baka, því þær hjálpuðu mér mjög
mikið líka.“
Röðin langa Ásgerður Jóna áætlar að
hundruð fjölskyldna og þrjú þúsund einstak-
lingar þiggi matargjafir frá Fjölskylduhjálp
Íslands fyrir þessi jól. Önnur af tveimur
úthlutunum á höfuðborgarsvæðinu var á
mánudag. Fjölskyldufólk fyrst, svo einstak-
lingar. Mynd SiGtRyGGuR ARi
Grunaði aldrei að þau myndu
standa í þessum sporum
Hann missti vinnuna og hún missti fyrirtækið og háar tekjur eftir bílslys
„Ástandið
hefur aldrei
verið svona slæmt
Þakklát hjón Hjónin
Jón og Gunna þekktu
það að lifa góðu
lífi en eftir að áföll
dundu yfir hafa þau
misst mikið. Þau eru
þakklát Fjölskyldu-
hjálpinni fyrir að
geta veitt börnunum
þeirra gleðileg jól.
Mynd SiGtRyGGuR ARi
Allt til alls Kjöt, fiskur, grænmeti, ávextir, kökur og allt mögulegt matarkyns beið þess að komast í hendur þeirra sem á þurfa að halda hjá
Fjölskylduhjálp. Mynd SiGtRyGGuR ARi
Sigurður Mikael Jónsson
mikael@dv.is