Dagblaðið Vísir - DV - 20.12.2016, Page 36

Vikublað 20.–22. desember 201632 Menning Sjónvarp
Okkar kjarnastarfssemi er
greiðslumiðlun og innheimta.
Hver er þín?
515 7900 | alskil@alskil.is | alskil.is
Síðan 2006
V
ið lifum á öld algóritmans.
Stærðfræðileg greiningar­
tæki vefbókabúða, tón­
listar banka og mynd­
bandaveita hafa lesið í
neyslu þína, reiknað út hvernig
„týpa“ þú ert og hvað þú „fílar“.
„Ef þú kannt að meta A, þá ættir
þú að kíkja á B.“ Í hinum stafræna
veruleika er okkur stöðugt stýrt í átt
að því sem líklegt þykir að við kunn­
um að meta út frá fyrra neyslu­
mynstri, og því hvað svipaðar týpur
fíla: „Aðrir sem hlustuðu á X, kunna
einnig að meta Y.“ Ef maður fylgir
algóritmunum gagnrýnislaust er
hætt við að maður festist í stöðugt
afmarkaðri og einangraðri boxum,
hlusti bara á glaðlega síð­miðalda­
kammertónlist, krúttlega balkan­
skotna indípopptónlist, teknóskot­
ið trap­rap frá Suðurríkjunum, og
svo framvegis. Nýjungarnar sem
við heyrum eru þá bara ótal keim­
lík tilbrigði við þetta eina stef sem
okkur líkar.
Það eru stöðugt færri staðir þar
sem maður kemst í tæri við hið
óvænta. Það er meðal annars þess
vegna sem Morgunmatur meist­
aranna á Rás 1 er uppáhalds­
útvarpsþátturinn minn. Maður
veit aldrei hvað kemur næst. Á eft­
ir sígildri sinfóníutónlist heyr­
ist einfalt þjóðlagapopp, því næst
gamall djass og nýlegt rapp, svo
ópera og tilraunakennd raftónlist.
Allt þetta er listilega samtvinnað
með mislangsóttum þematískum
tengingum af þáttarstjórnandanum
Pétri Grétars syni (sem áður stýrði
Hátalaranum – jafngóðum þætti
á sömu stöð en öðrum tíma).
Vissulega eiga verkin það yfirleitt
sameigin legt að vera viðmótsþýð og
eiga vel við undir morgunmatnum.
En þrátt fyrir það nær Pétur að
hoppa fram og til baka, milli
tímabila, stíla og stemningar á
ófyrir sjáanlegan hátt. Með seiðandi
rödd og stóískri ró leiðir hann ný­
vaknaða og hálfvankaða hlustendur
milli þessara ólíku hljóðheima og
inn í daginn. Morgunmatur meist­
aranna er orðinn að ómissandi
þætti í morgunrútínunni minni. n
Algóritmalaus
morgunmatur
Morgunmatur meistaranna er besti morgunþáttur landsins
Kristján Guðjónsson
kristjan@dv.is
Meistari Með seiðandi rödd og stóískri ró
leiðir Pétur Grétarsson nývaknaða og hálf-
vankaða hlustendur milli ólíkra hljóðheima
og inn í daginn.
Morgunmatur er mikilvægasta
máltíð dagsins. Mynd Photos.coM
Hin orðheppna Zsa Zsa
L
eikkonan Zsa Zsa Gabor lést
á dögunum 99 ára gömul
eftir langa og erfiða sjúkra­
legu. Zsa Zsa var kosin ungfrú
Ungverjaland árið 1936 og hélt
til Hollywood þar sem hún lagði fyrir
sig kvikmyndaleik. Hún þótti aldrei
sérlega góð leikkona en var eftir­
minnilegur persónuleiki og gríðar­
lega orðheppin. Hún gekk níu sinnum
í hjónaband og meðal eiginmanna
hennar voru hótelerfinginn Conrad
Hilton og Óskarsverðlaunahafinn
George Sanders. Síðasti eiginmaður
hennar var Frédéric von Anhalt prins.
Zsa Zsa átti eina dóttur Francescu
Hilton sem lést árið 2015, 67 ára göm­
ul. Zsa Zsa vissi aldrei af láti hennar.
Eiginmaður hennar hélt því leyndu
fyrir henni vegna slæmrar heilsu
hennar og viðkvæms tilfinningalífs.
Fegurðardísin gerði iðulega góðlátlegt
grín að hjónaböndum sínum. Hér eru
nokkur dæmi af mörgum. n „Ég hef
alltaf
verið gift. Þess
vegna veit ég
ekkert um kynlíf.
„Ég trúi
á stórar
fjölskyldur; hver
einasta kona
ætti að eiga að
minnsta kosti
þrjá eiginmenn.
„Ég vil mann
sem er góður og
skilningsríkur. Er það
til of mikils mælst af
milljónamæringi.
„Ég er
frábær
húsmóðir. Í hvert
sinn sem ég yfirgef
karlmann held ég
húsinu hans. „Ég hef aldrei
hatað karlmann
nógu mikil til að skila
honum demöntunum
sem hann gaf mér.
„Ástfanginn karlmaður er
ófullkominn þangað til hann
er kvæntur. Þá er hann búinn að vera.
„Ég hef unun af því
að skreyta mig
með demöntum og fara
í fallegan kvöldkjól og
koma þannig vinkonum
mínum úr jafnvægi.
Kolbrún Bergþórsdóttir
kolbrun@dv.is Á dansgólfinu
Með leikstjóranum
Nicholas Ray.
Zsa Zsa Gabor
Þótti alla tíð mjög
orðheppin.